實名制是为未来网上售票而设
原帖由 da54 於 2011-5-31 00:44 發表 http://hkitalk.net/HKiTalk2/images/common/back.gif
但係深圳站自動售票機裝左二代身份證同回鄉卡驗證器....
唔知最後會唔會用到。
另外北面長途列車售票處都改左賣廣深線車票....
係可以用到的
呢兩日同朋友上左廣州玩, 上去搭直通車, 回程就搭廣深線落深圳
我地於廣州東站買車票返深圳時, 都係用自助售票機買飛
因為呢次係我朋友負責買飛 (我冇企埋去部售票機度, 只係企o係售票機後面等)
所以唔太肯定究竟係點用自助機去驗証回鄉咭
不過我就見朋友做左幾次碌卡動作 (我地一行十人)
我諗大概呢個就係驗証程序吧...
順帶一提, 除左實名買飛外, 而家入站仲要做安檢
無論買飛定搭車, 一律要將行李 (包括手袋) 過 x-ray, 先可以入到車站做要做既野
今日下晝四點半廣州東站所見, 排隊入站o個條隊非常之長
所以建議大家都係預留多少少時間到車站辦理相關手續
以免延誤行程
中途站都唔好得去邊，事實上石龍以前幾分鐘可以買到飛，而家就搞到要十分鐘！
本來平時都可以買十零分鐘後的「即班」車，又因為delay，過鐘又唔可以賣番未開既車次，結果骨牌效應再賣遲一班。下午6點，同一時間埋站列車通常係早一個車次，如果係一等車，就會因為咁變咗遲上加遲！
回樓上，終點站都唔夠時間上落客，中途站停站時間編定只有90秒，跑唔到就好心就重新寫過個時間表啦！
[ 本帖最後由 toyl 於 2011-6-7 11:28 編輯 ]
自廣深線都推行實名制後，
最糟糕的是其單用儲值卡 -「廣深鐵路快通卡」不知怎算...
小弟有一張「廣深鐵路快通卡」，
於今年二月買的未用過(有效期到2013年2月)，
搞埋實名制之後怎算好?
有沒有人可以告訴小弟依家持有效的「廣深鐵路快通卡」在實名制下應該怎麼辦?!
原帖由 LimCl203 於 2011-6-7 13:16 發表 http://www.hkitalk.net/HKiTalk2/images/common/back.gif
自廣深線都推行實名制後，
最糟糕的是其單用儲值卡 -「廣深鐵路快通卡」不知怎算...
小弟有一張「廣深鐵路快通卡」，
於今年二月買的未用過(有效期到2013年2月)，
搞埋實名制之後怎算好?
有沒有人可以告訴小弟依家持有效 ...
http://www.ht1881.com/pages/htNews/newsDetail_ht1662195.htm
睇最尾一兩段，應該係去有關車站辦理退款....
原帖由 DIH 於 2011-6-6 09:12 PM 發表 http://www.hkitalk.net/HKiTalk2/images/common/back.gif
陰謀論：
1. 防止有人內部大量出票報大乘客數目
2. 故意擾民，製造輿論否定劉志軍的建設
3. 迫使動車客量減低，跟住以不受歡迎為由減班降速
我本來報了6月15日韶關高鐵旅行團，尋日(5號)旅行社突然通知成唔到團，
我爸的朋友 ...
以國內的國情而言﹐實名制是有需要﹐甚至係必要的。
一到春運各地民工回鄉﹐很多時根本係無法用正常去買車票﹐成功買入車票的都唔會係原價﹐而係黃牛價。
只要實行實名制﹐所有黃牛黨便可以即時收工﹐因為無法再去炒賣。雖然車票是可以改名﹐但係都令買賣雙方甚為不便。
有時唔單只春運有「一票難求」﹐連同大節目都有機會出現「一票難求」。
只要實行實名制﹐如果真係全車滿座的﹐買不一到車票的係自己的問題﹐只係唔夠早唔夠快去買車票。但係無實名制﹐買不到車票便有機會是去了黃牛黨手中﹐無形中增加了車費開支。
在國家政策而言﹐所有地方都要跟隨此政策﹐無一個地方可以唔跟隨的。日後會不會有檢討﹐令到一些像廣深這些超密的通勤線可不實行實名制﹐下回分解)。現時只是動車組實行﹐只要運作暢順﹐相信會進行至所有火車班次之上。
廣深線這是一個較特別的情況﹐便是客量奇多﹐班次奇密﹐車程不算長﹐令到驗票很像花了很多時間﹐間接令班次有所延誤。(實情有無實名制都係有不同程度的延誤)
只要大家習慣預多些少時間﹐運作暢順之後﹐所有配套做得好(如購票機及查票入閘機可以自助形式查証件姓名)﹐實名制不是只有壞處的。
其實像廣深和諧號這類高密度短途城際鐵路，可否從鐵路售票系統分離出來，實行真正公交化運行，運作模式和地鐵一樣（不記名、不限車次），甚至用城市公交卡驗票上車，讓乘客在月台候車，不設候車室。
廣深和諧號售票和上車的地方，已經和長途車分開，售價政策也可以分開出來。
我四至六號上大陸, 本來諗住自己放工先上, 後尾都決定同屋企一齊上
因為星期六放工成一點, 買兩點幾直通車就ok, 再諗到買飛要搞實名
我扶老攜幼費事麻煩, 最後都搭直通車算, 返來見到入站個安檢多人到, 起碼排五至十分鐘,
最後時間都唔係差好遠, 以前就話方便即買即上, 而家搞搞下同直通車差無幾.......
係廣深呢d 咁多人搭線路搞實名, 真係麻煩到人, 原本即買即上好快, 而家又要等等
廣深而家又停得多站, 無以前咁快咁準時
和諧號搞實名制根本係自制麻煩，搞到變成搭飛機。
若是想控制黃牛, 實名制應該係在長途車上實施才是辦法，
而非這類通勤線。
原帖由 toyl 於 2011-6-7 11:25 發表 http://www.hkitalk.net/HKiTalk2/images/common/back.gif
回樓上，終點站都唔夠時間上落客，中途站停站時間編定只有90秒，跑唔到就好心就重新寫過個時間表啦！
廣州東站現時已經實施「一路落客，一路上客」的政策..
好多時上到月台，仲見到班車落緊客.....
D客都未散晒....
重新編個時間表唔係問題..
但一編就一定係拉長個全程行車時間
變相吸引力/競爭力又會拉低...
我就建議不如再加車落去跑好過喇...