[轉載]記者扮憤青 揭坐馬路真相
http://www.eastweek.com.hk/index.php?aid=13143上周末六四燭光晚會後，有一批憤青操去北角搞事，強佔英皇道癱瘓交通，最後警方要拉人清場。本刊記者一直扮憤青混在示威人群之中，在內圍近距離觀察班友點玩，發現佢哋係故意坐馬路博拉，以製造衝突場面，所謂「因警方阻撓遊行才阻交通」的說法並非事實。該批憤青由銅鑼灣沿英皇道往東行，本刊記者一直跟住大隊前進，帶頭班友一開始就行出馬路，佔用一條行車線，警員不斷勸喻隊伍行返回行人路，但佢哋睬你都傻，而且愈行愈出，接近炮台山站附近時，已佔咗成兩條行車線，擺明逼差人出手干涉。
過咗炮台山道口之後，警方見交通受阻嚴重，態度轉硬，再要求班友行入行人路，否則不能前進，就在此時，有幾十個憤青趁機行動，於電廠街口附近齊齊走到行車線坐低，仲咬耳仔密斟點樣同差人玩過。本刊記者在現場所見，示威人數唔夠一百，其他係湊熱鬧市民，如果班友沿行人路前進，絕對冇問題，佢哋知道愈行愈出一定刺激差人出手阻止，於是特登向路中心轉移，到雙方進一步對峙，佢哋就阻塞交通以挑起事端。
呢班憤青多數唔係政黨人馬，亦冇乜領袖，只係在行動前透過網上討論區、網上電台發動，到時到候就湧去集結，是否搞大鑊，事先唔會通知社民連，根本無得控制。
社民連線人指，區議會選舉臨近，社民連同人民力量一定會跟住班憤青愈玩愈激，因為班友係基本擁躉，唔激就會失去佢哋支持，不利選舉。
之前B3有篇文講到好多頁, 但係始終都時事野, 我呢篇都係放返係N板
東周有記者係六四當晚扮遊行人士, 講返當晚情況
東周講嘅野就唔知可唔可信喇
[ 本帖最後由 nwfb94A 於 2011-6-11 22:31 編輯 ] 原帖由 nwfb94A 於 2011-6-11 22:27 發表 http://www.hkitalk.net/HKiTalk2/images/common/back.gif
http://www.eastweek.com.hk/index.php?aid=13143
之前B3有篇文講到好多頁, 但係始終都時事野, 我呢篇都係放返係N板
東周有記者係六四當晚扮遊行人士, 講返當晚情況
東周講嘅野就唔知可唔可信喇 ... 用字已經睇到立場
始終我地唔係當時人,
又接收到好多版本既演譯,
下次真係要搵個人全程錄影先得:L 以東週刊的往績, 公信力好成疑問
佢老細係政協, 旗下傳媒立場一向親政府, 只不過東週平時比較少講政治咁 晒氣啦
一開波就用憤青嚟形容班示威者
顯示佢地已經有既定立場
呢篇文…水分比例百分百
可以唔駛理會:lol 半夜三更塞住電車路把鬼咩，係就玩大D，搵一萬幾千人塞住紅隧口，睇你抬得幾多個，咁先可以迫香港政府就範。 其實真係唔駛同佢講甘多,
香港獨立同成立地下政府係應該要做 原帖由 PB602 於 2011-6-12 19:45 發表 http://www.hkitalk.net/HKiTalk2/images/common/back.gif
半夜三更塞住電車路把鬼咩，係就玩大D，搵一萬幾千人塞住紅隧口，睇你抬得幾多個，咁先可以迫香港政府就範。
紅隧口會唔會擾民左d:L 呢d人插水成日都有啦, 警察未埋身已經話差人打人, 我親眼都見過幾次!!;P 原帖由 dippy 於 2011-6-12 21:06 發表 http://www.hkitalk.net/HKiTalk2/images/common/back.gif
電車路唔擾民咩?
佢地唔係咁諗呀嘛, 你晒番啖氣好過
即管睇下7.1又有咩搞作
頁:
[1]
2