難忍公司慢九拍 80後網上發功 港鐵員工自發公佈事故
【記者伍雅謙報道】港鐵經常被轟隱瞞事故，一班港鐵 80後員工，難忍公司欺瞞公眾，透明度低，自組「 MTR Service Update」團隊，透過 Twitter和 Facebook在網上搶先披露港鐵即時事故，踢爆港鐵隱藏在謊言背後的真相。「 MTR Service Update」團隊一共 20人，隊員全為 80後，除有港鐵基層員工，也有普通乘客。搞手 Yuuji正義凜然地說：「港鐵每逢故障都慢九拍通知乘客，服務明明係延遲，就對外公佈恢復正常。我哋真係好睇唔過眼公司嘅做法，所以先出嚟做啲嘢。」
事緣今年 1月 4日早上東鐵發生列車故障，東鐵全線列車服務受阻，港鐵遲遲沒公佈， Yuuji和一班同事不滿公司長久以來黑箱作業，下午即開設 Twitter戶口發佈消息，「我哋唔再信公司，所以將我哋知道嘅最新消息，即刻喺網上公開畀公眾知道」。
篤爆港鐵講大話
Yuuji表示，除了延遲向公眾通報事故，港鐵發放的消息也混淆視聽。「 5月 11日有個老伯闖入路軌，有十幾分鐘係冇服務，港鐵之後宣佈服務恢復正常，其實得七分鐘一班車，嗰陣時係繁忙時間，通常東鐵唔夠兩分鐘就有一班車，搞到大批乘客喺月台等，最少等半個鐘先上到車，點算正常」。
現時團隊每日在 Twitter更新消息，發放站內的大小意外、信號故障及壞車紀錄。針對港鐵「陋習」，還推出「 10分鐘回應」的服務承諾。 Yuuji表示，當網民報告港鐵事故，隊員盡量在 10分鐘內於 Twitter解答，又定期上載乘客資訊，如全月通在下月起加價，便為網友計算最抵車費。
團隊運作了半年，現時 Twitter有 700多個 Followers（追隨者）， Facebook有 200個「 like」。 Yuuji正物色更多人幫手，又計劃年底推出 Android Apps，將「抗爭」進一步擴大。
港鐵表示不清楚「 MTR Service Update」成員的詳情和資料來源。當發生事故致服務延誤，該公司會在車站及車廂廣播通知乘客，如遇嚴重事故，服務受阻逾 20分鐘，會透過傳媒通知公眾，回復正常班次時則盡快通知市民。
「 MTR Service Update」網頁
Twitter：http://twitter.com/mtrupdate
Facebook： http://www.facebook.com/mtrupdate
之前呢度有版友話呢個twitter 係無用，我就好想知佢點睇人地個twitter玩到上報？;P;P
btw, 20分鐘先通知傳媒，D客一早塞哂左係月台度死哂la 當年九鐵八分鐘就通知傳媒, 而家港鐵攪到 20 分鐘先通知
合併咗之後, 服務態度真係差過以前 唉, 上左報
我驚之後無左呢個咁好的服務, 你知港鐵實會捉鬼 原帖由 JF1261 於 2011-6-30 12:49 發表 http://hkitalk.net/HKiTalk2/images/common/back.gif
唉, 上左報
我驚之後無左呢個咁好的服務, 你知港鐵實會捉鬼
I don't afraid coz too many grassroot staff:lol:lol 以龜仔性格，肯定會捉鬼，以免形象受損。因為龜仔認為世界級形象是最重要的，今次見報，唔知有幾多員工受害。 原帖由 |_arco 於 2011-6-30 15:57 發表 http://www.hkitalk.net/HKiTalk2/images/common/back.gif
;P 我稔你放心都得啦，當日咩人爆料都可以捉鬼，依家? 呵呵
這個twitter的消息是真確的!!!:handshake
講真九龍灣要捉鬼會比起屯門難,不過連搞手個名都出埋就:lol
[ 本帖最後由 herman15hk 於 2011-6-30 18:27 編輯 ] 原帖由 JF1261 於 2011-6-30 12:49 發表 http://www.hkitalk.net/HKiTalk2/images/common/back.gif
唉, 上左報
我驚之後無左呢個咁好的服務, 你知港鐵實會捉鬼
還有多個交通網絡社群，變成港鐵「監察」的對象之一。
參考：有關早前疑似洩露鐵路公司機密一事 原帖由 Quanta 於 2011-6-30 12:09 發表 http://www.hkitalk.net/HKiTalk2/images/common/back.gif
當年九鐵八分鐘就通知傳媒, 而家港鐵攪到 20 分鐘先通知
合併咗之後, 服務態度真係差過以前
九鐵以前都係20分鐘通報，8分鐘通報機制係田北臣入主九鐵後定下嘅規矩，因為田北臣認為九鐵係公共機構，對事故要有高透明度。
可惜，呢個規矩令當時一眾原九鐵高層非常不滿，覺得係田北臣唔識鐵路運作先搞出呢D事，最後更成為「迫宮」導火線之一。 原帖由 JF1261 於 30-6-2011 12:49 發表 http://www.hkitalk.net/HKiTalk2/images/common/back.gif
唉, 上左報
我驚之後無左呢個咁好的服務, 你知港鐵實會捉鬼
其實我見佢話除左內部放料, 仲有網民報料然後出 tweet
一日咁多人搭港鐵點都會有班網民遇上事故, 根本好難禁住唔爆煲
頁:
[1]
2