[多圖注意] 2008德國行(相在#1,6,9,10,14,15,19)
見到陳富豪周圍放毒（放毒＝貼出漂亮圖片使人流口水），終於迫使我將倉底歐遊照整埋後在本板發表！
註：圖片眾多，請耐心等候，有需要時請使用瀏覽器的顯示圖片功能。
我直接上載到italk而不使用photobucket，因為計算過後發現不足以應付流量。
背景：
2008年，我讀緊MPhil，教授派我同另外兩名同學到德國海德堡交流42天。
當地實行五天工作制，周末我地就買張€35的Happy Weekend Ticket去玩，
該票最多可供五人使用，但我地最多人時只有三個人。
與以往的遊記一樣，我會在一文中貼晒所有相片，每隔一至三日更新。
預告：
一、海德堡市內電車 (#1, 30p)
二、萊茵河、科隆 (#6, 35p)
三、Metzingen outlet city (#9, 42p)
四、符茲堡、紐倫堡 (#10, 23p)
五、法國小探 (#14, 47p)
六、慕尼黑 (#15, 39p)
七、新天鵝堡 (#19, 44p)
第一部 海德堡電車 (30p)
簡介：
海德堡位於法蘭克福以南，大約一個多小時高速公路車程。
海德堡是現代大學的始祖，學術氣氛濃厚，人民生活寫意、態度隨和，即使留在市內，也是度假的好地方。
海德堡有1000mm軌距的電車服務，除了市內交通，亦與北面的Weinheim及西面的Mannheim系統連結，
形成一個三角形，每邊大約16km長，大約等於由濕地公園去到屯門碼頭，海德堡的規模也和屯門差不多。
共有21、22、23、24、5、26等路線，我這樣排列是因為原本是1-6號，
就在2008年才將市內線冠以2字頭，跨區的5號線保持原號。
用車方面，包括但不限於GT6 (1973)、Düwag M8C (1985)、
Düwag MGT6D (低地台, 1995)、Bombardier Variotram (低地台, 2003-2007)等。
資料來源：http://www.urbanrail.net/eu/de/hd/heidelberg.htm
運作上似乎係有「字軌車」，但有時又會撈亂用。
單程收費印象中係€2，現在找到的資料有一日票、三日票、周票。
用Baden-Württemberg邦票可以搭乘（邦票cover邦內市政府的市內交通，而DB通行票不能）。
去相！
Düwag MGT6D
市南26號線的軌道，該線班次較少。
24號的MGT6D。
23號的Bombardier Variotram。
這叫做公交為先！
22
長長的Variotram，這張算唔算炒相？:lol
應該係GT6。
型號不明，應該都是大廠Düwag出品。這是火車站外。
都係不知名列車，這種車通常行5號。
Düwag M8C
這是從實驗室望出去的景色。
搭上其中一列24號，分分鐘係前面全白色那列。
留在當地個半月，我諗整個車隊都見過了。
兩頭均可駕駛，兩邊均可上落。
運作如巴士，落車按鐘，無人按鐘又無人等車的話可能會慢速通過。
軌道
路線牌，係攪牌。整個系統的路線都好穩定，除了突發事故外都無乜可能會有改變的了。
以下這列車，去完超市搭佢回程，佢亦即係「實驗室望出去」那列，
Google Maps在實驗室附近有張街景相亦都係佢，24號字軌車，未見過兩抽拆開。
這個地方叫做Handschuhsheim Nord，直譯係「手套鄉北」。
這時它停完最後一個車站，將往右轉入小總站（前面有幾條柱的地方），
休息一會再開出，上車位置就是我影相的地方。
跨區5號線則會直行至Weinheim，當中部分路段為單線雙程，功能等同支線鐵路。
車內，有落車方向提示。
遙望駕駛員。
轉盤
在市內唯一一間唐人超市附近影的，不過我地唯一一次去到，佢閂了門。
其實這種紅白車身代表係OEG營運，這隻車通常行5號，但未必一定。
海德堡市內電車就基本上係藍白色為主調，但行21線的又通常係舊款紅白車。
此圖右邊可看到唐人超市的招牌，我由外面望入去，真係不去也罷。
附送：海德堡個堡（但Heidelberg個名係指不在相中的某座山）
堡內
教授更帶我地直剷上城堡後的「王座山」(Königstuhl)，567m高，
係一條直線用腳行上去，上面的景色值回票價。
俯瞰海德堡市，中間是涅卡河(Neckar)，由下往上向萊茵河方向流去；
左邊是火車站附近（圖左可見一鐵路泊車處），右邊是我做lab及住宿的新大學。
沿著下圖中央的直線可到Schlossgarten Schweztingen，距離約11.6公里；
小機場跑道距離約9.6公里；遠方群山是Pfälzerwald (Palatinate Forest)，那是43公里外。
德國名菜：香腸＋鹹酸菜＋自家製啤酒！
海德堡市內告一段落，下一班列車將前往科隆。
多謝欣賞。
[ 本帖最後由 DIH 於 2011-8-1 23:04 編輯 ] 德國真係去到邊都有路面電車, 仲要全部差唔多樣...:lol
順帶一問, weekend 啲人會唔會話鍾意去大城市(e.g. mannheim)消費, 還是留係海德堡市內呢?
(你最後幅圖搞到我勁肚餓:Q ) 搞到我都貼番幾張! DIH兄一係唔貼，一貼就咁正，資料同介紹都好詳盡，多謝晒:loveliness:
我都計劃九月去德國旅遊，到時真係要試試德國當地的路面電車(越舊越好) #2：
我唔太知佢地的生活習慣，大學都有不少學生及教師係其他城市過來，
週末佢地可能返屋企，例如我地的電子顯微鏡專家就每個星期五駕車三小時回去Göttingen，
又在星期一駕三小時回來，通常11點左右才到達，佢同實驗室主教授係老拍檔，
係老奉星期五早走星期一遲到，應該話這是他的人權。
至於其他市民，可能係去一條叫Plöck的購物街行下，或者郊遊，
我地見過有人同我地一齊搭火車，去山區行山或者踩單車。
其實這和世界大部分非一線地區相似，只有香港人先會成日要shopping同出埠。
#3：
放到第七部你就知;P
#4：
德國的確處處是電車，某些情況下電車兼任遠郊通勤的角色，
Karlsruhe地區更有tram-train，既在市內街道行走，也會走上主線鐵路。 第二部 科隆 (35p)
科隆，英文名Cologne，但德文係Köln。
在此一提，德文有幾個字母係英文無的：ä、ö、ü，
如果不能直接顯示就化成ae、oe、ue，
讀音對我地香港人而言非常易懂，因為廣州話有。
ä 讀若粵語「唔聲唔聲嚇你一驚」中「聲、驚」的韻腹
ö 讀若粵語「靴」的韻母
ü 讀若粵語「於」
科隆最出名的，一係科隆大教堂，另一樣係Cologne water古龍水。
我就只係對前者有興趣。
本集另備短片，歡迎參看：http://www.youtube.com/watch?v=rRfhpU1xuKg
車程：
我們使用€35的Happy Weekend Ticket (Schönes-Wochenende-Ticket)，
可供最多五人在一天內無限次乘搭DB旗下的S-Bahn、RE (Regional-Express)、
RB (Regionalbahn)、IRE (Interregio Express)等「慢車」。
出發，經德國人labmate介紹，在Wiesbaden小停一會，但發覺係無野睇的（我地唔識搵），
只係在一間超市買了在德國的第一件鹹豬手，之後就上返車繼續去科隆。
亦因為在Wiesbaden停留，才能搭到萊茵河東岸線，正光、無空調開窗式車廂，正！
07:28-08:28 RB 15446 Heidelberg Hbf - Darmstadt Hbf
08:34-09:25 RB 15706 Darmstadt Hbf - Wiesbaden Hbf
Heidelberg Hauptbahnhof，好比啟德機場的揭牌式發車情況，
晨早流流已經有ICE去蘇黎世了。
除動態顯示外，在目視高度還有紙製固定時刻。
之前睇時間表完全估唔到係雙層車卡。
影這張相時，我叫同學上車先，佢反問我如何上車，
因為唔知道歐洲大部分列車都要自己按掣開門。
我自己在1996年去英國時知道了。
月台上亦有詳細發車資訊。
車頭是146系，後來知道是很新款的。
我地坐在頭卡，可以影車頭。
11:12-12:46 RB 15520 Wiesbaden Hbf - Koblenz Hbf
13:16-14:26 RE 11020 Koblenz Hbf - Köln Hbf
Wiesbaden的設備比較舊。
車也比較舊，我地搭左面一列，無空調。
突然見到車外有一片水，初時還以為是個湖，後來見這片水一直都伴住鐵路，
再看看車站名，不得了，這就是大名鼎鼎的萊茵河！
萊茵河畔，像畫那樣美～是真的！
我個人很喜歡這張
車內極之少人，主要客貨流都在河對岸，萊茵河在德國一段兩岸都有雙軌鐵路。
去到Koblenz轉車，後來才知道Koblenz也有一些景點。
因為我地係在香港機場臨飛前先買旅遊書，出發前一兩日先plan行程，
無法好好串連比較小型的景點，只能去最大路搭完DB唔使駁腳的熱門旅遊點。
科隆的名字終於出現了！
窗明几淨
進入科隆站，與ICE3並行。
落車了～
到達科隆，當然要參觀一下科隆大教堂。
之後還登上塔頂，教堂就在火車站旁邊，教堂某些門口直情係出入車站的捷徑。
科隆大教堂，高到如何都拍不到全貌。
它的歷史十分傳奇，1248年動工，1473年停工（也經過了225年），
剩低一個鶴式起重機在樓頂長達4個世紀，直至1842年才再動工，1880年終於建成。
1880-1884年間是全球最高建築，但如果它當初在13世紀已經建成呢？那將會是怎樣的工程成就？
不過也可能在我們未能目見之前已經被毀了，就如埃及亞歷山大港或中國「真」長城。
落返地面，偷拍科隆電車
回到科隆車站等車走，見到Thalys，
在網上見得多，近距離一親香澤又是另一番感覺。
這個位是TGV系列的特徵。
另一邊廂，又有一列CRH3，呀唔係，係ICE3
科隆名物
回程，搭萊茵河西岸線，輪到這邊正光無西斜了。
18:32-19:42 RE 11027 Köln Hbf - Koblenz Hbf
19:51-21:27 RB 12783 Koblenz Hbf - Mainz Hbf
21:49-22:23 RB 15733 Mainz Hbf - Darmstadt Hbf
22:30-23:35 RB 15475 Darmstadt Hbf - Heidelberg Hbf
雙層～
之後換了Class 425，這種低檔次的車也要弄個一等包廂出來，
除了有塊玻璃分隔外，一切和二等無異。
這是候車室？
要在這部EMU的縱向座位坐個半鐘絕對是難忘體驗。
在Mainz偶遇ICE1，有一班美國遊客好遲先到月台，本來準備閂門開車，
經過一輪理論陳情後，車掌自己用身體擋住車門，畀佢地上車趕飛機。
近距離寫真
數字
我此等窮書生只能搭這種車
都唔錯，在此車上體驗「越過麥田夜空飛行中」的況味
再轉多一程車都係咁款，手動開門
多謝欣賞。
[ 本帖最後由 DIH 於 2011-7-25 15:44 編輯 ]
回復 6# 的帖子
嘩.原來大力士開到去德國架,我仲以為最遠只係去到AMS.請問大力車火車係咪要經荷蘭先到德國架? 原帖由 FBI2 於 2011-7-23 10:29 發表 http://www.hkitalk.net/HKiTalk2/images/common/back.gif嘩.原來大力士開到去德國架,我仲以為最遠只係去到AMS.請問大力車火車係咪要經荷蘭先到德國架?
經比利時列日 (Liege)，唔需要經荷蘭 第三部 Metzingen (42p)
Metzingen這個地方是以前去過的labmates介紹的，是一個服裝outlet town，
HUGO BOSS的大本營也在這裡，價錢唔算平，但勝在集中。
我自己買了一套西裝和幾件波衫。
影片，建議看完相後才觀看：http://www.youtube.com/watch?v=VZVkg-vnt6s
09:55-10:47 S1 Heidelberg Hbf - Mosbach-Neckarelz
10:52-12:15 RB 19167 Mosbach-Neckarelz - Stuttgart Hbf
12:22-13:04 RE 22023 Stuttgart Hbf - Metzingen (Württ)
在此帶出多一點，我之所以可以準確無誤地複述車次，是因為德鐵DB在網上可以幫你規劃路程，
只需輸入起訖站、有需要可加上中途站及停留時間、列車種別、日期時間等，
佢就會幫你計劃好；在大站自動售票機亦設有相同服務，更可免費列印行程表，
好似一張機票咁大的卡紙，方便收藏及隨時查閱，極之便利。三年後都無甩色。
這套系統在德國境內可以準確提供所有重鐵以至部分巴士資料（包括共用DB路網的「私鐵」），
到德國境外的歐洲地區仍然可提供車次及時間，覆蓋面極大，
能使用歐洲各主要語言操作，包括英文。
這次第一次搭S-Bahn，S-Bahn班次穩定，大約30/60分鐘一班，站站停，
可以說是類似日本的在來線通勤化，但規模小很多，班次也疏很多。
由於德國鐵路採榮譽制，不設入閘機，S-Bahn停站多人流快所以不設檢票員，
我地自己見到有些德國青年都係隨上隨落，可能係無買票的。
RE/RB或以上車次，在站距長的路段會有人查票，但在佢落車前都未必查得晒。
我地當然有買票，這次旅程全部在Baden-Württemberg邦內，所以只需買邦票，€29我地三個人用。
首先沿Neckar向東行，溯河而上可以去到斯圖加特，條河繼續上到Tübingen、Rottenburg等地。
S-Bahn車內，這算是多人的了。
Neckar河在海德堡以東是山區。
小站售票機
大家都是二等。
到Mosbach-Neckarelz後轉雙層車到斯圖加特，DB的RE及RB有不少雙層班次，
一個機頭拖4-6卡雙層，週末都真係幾多人搭的，
這樣就連硬件不多的小站都可以有載客量大的班次停靠。
我貼這張相不是講巴士，而是我早前在討論高鐵文中提到的歐洲鐵路幹線萎縮現象。
另外亦可看到，歐洲式鐵路建設，不似英國有高高的圍欄，維護安全靠的全是教育。
伐木
我地坐在第一卡，可以隔住道門影車頭。
新型146系
車鈎
收菜喇喂！
斯圖加特 場內
與ICE3一齊入站，入站時要等清軌，有少少延誤，我地幾乎趕唔到下一班車。
快步去轉車之餘都要回頭一望剛才的車。
車站
下一班車，由143系牽引，唔係，係推。
一樣係雙層車廂。
只係幾分鐘時間，剛才那班車已經要轉班次上客。
見到TGV。
Mercedez-Benz旋轉標誌，斯圖加特的地標。
可惜我地無時間去睇。
到達Metzingen，準備大出血。
+ Bus
Outlet的牌子
HUGO BOSS內
我買完衫，同學仍然睇緊，我走出外面周圍探下，有一條小河。
這個角度，我覺得似小樽。
回到Outlet內，我買了一個見到都甜死肥死的包－I like it!
後面有一個鯨魚「沙雕」，會噴水的。
走了
19:55-20:38 RE 22052 Metzingen (Württ) - Stuttgart Hbf
20:59-21:46 IRE 4914 Stuttgart Hbf - Karlsruhe-Durlach
22:33-23:10 S1 Karlsruhe-Durlach - Heidelberg Hbf
站牌，我的衫要改碼，要之後再來取貨，所以我會回來的。
這個站的設備比較簡陋，但都有三條軌，有一條非電化支線在此分支。
柴油鐵巴(railbus)，不是我們要搭的。
佢就係來自那條支線，之後我地在某站跨越佢。
我地上車後，在某處見到的古老車卡。
車廂的唔知乜電路板。
回到斯圖加特，入站時又見到ICE，唔知1定2。
從外面看，車門好似在下層，其實是在中間。
斯圖加特車輛段，有餐車的是ICE1，其他白底紅線車身是IC。
到Karlsruhe-Durlach轉車，回程的路線與去程不同，
因為DB已經幫我地夾好晒車次接駁，這邊比較快就行這邊。
Karlsruhe地區的tram-train，在youtube片中可更清楚其運作，
情況就好似輕鐵走上西鐵路軌，停西鐵月台，行行下又走返去街道上。
理論上，假如你要搭的起訖兩個站都是DB管轄，但有其他營運者的車輛行走，
你可以合法使用DB車票搭這些車，我地去法國時都有這樣的情況（容後再述）。
我地係搭這一班S1，這段路應該屬於S3，但佢去的目的地Homburg又的確係S1。
夜了，不再拍，血拼一天就此完結，第二日要去符茲堡同紐倫堡。
多謝欣賞，美好回憶可以同人分享真係好開心。:loveliness: 第四部 符茲堡(Würzburg)、紐倫堡(Nürnberg) (23p)
去完Metzingen，第二日就再出發去以上兩個「堡」。
因為當時始終係觀光為主，唔會為搭車而搭車，
由於路程較短，所以這次的鐵路照片比較少。
這次都有影片：http://www.youtube.com/watch?v=sB5adndxaOY
08:55-10:23 S1 Heidelberg Hbf - Osterburken
10:23-11:22 RE 4952 Osterburken - Würzburg Hbf
S1的一段前一日先搭過，沒有再影，只係影下站牌：
用車，這個425系，西門子出品，加減速十分乾淨俐落，車內車外的設計也很整潔/neat，
惟最大的敗筆，是車體在低速有共鳴現象，使車內在進出站時嘈吵不堪，
在科隆那段片的後段或Metzingen那段片的前段都可以聽到。
Osterburken站內
迎接我們的列車比較古老，但車速也不賴。
到符茲堡了，連站牌也是舊版的。
符茲堡主要景點是一個叫Residenz的地方，它在二戰時被嚴重破壞，但後來已修復。
裡面不准影相，都是一些宮廷式設計，幾好睇的。
另外還有一個大花園，有一些綠色隧道之類的園藝設計。
另外還有教堂，去西歐尤其是德語區旅行都不外乎是這些。
符茲堡電車軌
符茲堡電車，勁窄。
14:40-15:55 RE 34621 Würzburg Hbf - Nürnberg Hbf
這程車沒有影相，但有拍片，在前面的連結。
因為本人的失誤，原本13:40有班車，我以為係13:50，
結果出到火車站趕唔切，迫住等多一個鐘，好彩唔使轉車，否則延誤更多。
去到紐倫堡，站前電車總站
淺嘗紐倫堡地鐵，搭一個站，講真，根本沒有檢票，
在平時應該係地鐵入閘機的地方只有幾條柱仔，指示都係德文，
想即場買票都不知怎樣買，故－被迫搭霸王車。
我地目的地係凱撒堡Kaiserburg，搭地鐵只到一半路程，之後要自己行上山。
上到堡了
俯瞰城區
凱撒堡內其實係兵器展覽館，但本人乃和平主義者，
不在此貼兵器照片，大家再望下街～
回程都係行返去火車站，沿途又影下古蹟。
看得出這座建築物有甚麼特別嗎？
類似這樣的情況，在德國不少城市的舊城區，俯拾皆是。
沿路在路邊pizza店用餐，久違了的「一楷pizza」，然後回到火車站。
處處都是「歷史」兩個字，也許是戰時被毀壞得多，痛定思痛，
德國對倖存的舊建築甚為保護，像紐倫堡，整個舊城區都被保留。
19:05-20:19 RE 34626 Nürnberg Hbf - Würzburg Hbf
20:37-21:33 RE 19897 Würzburg Hbf - Osterburken
22:06-23:33 S1 Osterburken - Heidelberg Hbf
回程無捷徑，要跟返原路走，巴伐利亞的RE都比較古舊。
然後換上一列去斯圖加特的列車，但我地只去到Osterburken。
到Osterburken再轉返S1返「屋企」，睇下時間表，這是晚上十時了。
返到海德堡已經十一點半，連續兩天外遊，累透了，然而美好回憶將伴隨一生。
多謝欣賞。
[ 本帖最後由 DIH 於 2011-7-26 00:11 編輯 ]