原來我同你並無緣分，我只能對你說聲...再見
全冷前尾二個晚，有留意B0板o既人會發現我曾經問過11C仲有無熱狗，其實我之前打過電話去九巴問有無熱狗，個服務員話無...7:30pm翻到屋企，當我猶豫落唔落去等11C，就發現有人話今朝有熱狗行11C...
我即刻跑落去，7:40pm去到馬仔坑遊樂場，點知等極都無，當我想走時，後面傳出一陣引擎聲，向後一望，見到FZ7161!!
我即刻開相機影，可惜太緊張無focus到，而且係夜晚，相機質素又唔好，結果...
望翻張相個陣，見到仲未囉11C個牌，心唸仲有一次機會...
第二日放學，整理好時間，令自己仍然可以準時比賽，就落去等11C，一路等都無車，直至1803，佢終於出現，可惜......
偏偏係個個時候反方向有好多車，成3-4架巴士，根本無辦法影到，不過我無放棄，然而...
我又太緊張無focus到...
兩次機會都錯失，證明我同你真係無緣分....只能對你說聲...再見!:Q
[ 本帖最後由 HR845 於 2011-9-10 18:07 編輯 ] 何解唔去竹園總站影呢?
影完即走照計都ok丫 何解樓主要搞到臨急臨忙,而唔選擇早d影???
呢排好多路線好似全冷得咁快咁突然,唔早d影真係隨時無機會... 我自己要翻學，又放得遲，翻到屋企已經好夜... 講真個句,唔係個個都有詳細既計劃既.
小弟返學個時間表有得比自己編,但遇唔遇到/無預定既target個陣就變成無機會.......
就算真係行返都好,如果有人遲報車/無出車消息(+外來因素),自己時間唔啱,咁就泡湯啦......
小弟較早前211之行都見到11C熱狗掛牌,但當時只係掛住拍211,所以打算遲少少先影&拍11C熱狗,
點知原來已經無機會啦:'(
就算自己想影,都要夾啱時地人和.
以上純個人意見,不喜勿插.
頁:
[1]