老實講, 我作為一個巴士迷, 我自覺無面見人, 個人感覺一文不值, 而家如果拎住相機又要上巴士嘅話我都會收埋部機, 廢事比巴士佬歧視
作為九十後, 雖然我承認我自己唔係好乖, 但係阻到人嘅事我一定唔會做
而家啲九十後同二千後好多都有啲心理問題, 成日以為自己好叻, 識少少扮代表, 小弟識有位九十後巴迷以為自己又識九巴高層又同湯車場場主有密切關係就以為自己好勁, 喺度睇唔起其他人
荒天下之大謬, 你而家乜水呀? 之前小弟仲見過有巴士迷喺街上欺凌一位年紀較輕既巴迷, "喂, 知唔知你頭先阻到我影相呀? 你個特見喺邊度睇翻嚟架? italk? 知唔知italk個特見係我報架? "你報特見大哂呀? 你影衰自己就算啦, 唔好影衰埋個壇同埋入面嘅版友呀！
[ 本帖最後由 MF2648_AVBW8 於 2011-10-17 00:27 編輯 ] 原帖由 Snoopy@FB8617 於 2011-10-16 23:21 發表 http://www.hkitalk.net/HKiTalk2/images/common/back.gif
或者樓主可能真係年紀較大
唔知下面發生緊咩事
小弟仲係讀緊中學既最高年級
都仲叫Band 1既
但係近年來基本上老師同我地高form既同學都睇得出
收返來既人越來越差
有D人連Band2都不如
而此情況亦唔單係我地學校發生 ...
其實樓主話自己90後,都唔係好大啫
不過講真個句,唔係淨止而家e幾年,基本上e幾十年可以話係1代比1代退步
不過確實e幾年學生平均每一年質素差異係大好多咁解啫,尤其是行為方面
當ed所謂「學生」連基本學生應有既野都做唔到既時侯,好難對佢地有d咩期望架wo
原帖由 MF2648_AVBW8 於 2011-10-17 00:24 發表 http://www.hkitalk.net/HKiTalk2/images/common/back.gif
之前小弟仲見過有巴士迷喺街上欺凌一位年紀較整既巴迷, "喂, 知唔知你頭先阻到我影相呀? 你個特見喺邊度睇翻嚟架? italk? 知唔知italk個特見係我報架? "你報特見大哂呀? 你影衰自己就算啦, 唔好影衰埋個壇同埋入面嘅版友呀！
冇粗口已經好好架la
[ 本帖最後由 MT695 於 2011-10-17 00:28 編輯 ] 我想講兩句, 不過我講聲先, 我唔係一個巴士迷, 但細個果時曾經有段時間係好迷巴士, 係尼排上左尼度睇到而家某D巴士迷真係好得意, 我唔知係我out左定點啦, 我係一個80後, 記得我細個果時d巴士迷比而家果d含蓄好多, 有機會上去車廠參觀, 有機會搭到,影到自己鐘意0既車已經好開心, 起碼唔會為影相而隊個雪糕筒響路邊尼D咁冇腦0既行為, 更加唔會覺得自己大晒, 人地阻住佢影相就全家都出齊,
可能因為以前數碼攝影未普及, 就算影相都係重質唔重量, 老實講啦, 我覺得而家d友仔好得意, 係又影唔係又影, 係咪想做個香港巴士0既DATABASE ? 你有冇諗過你影黎做咩, 即係例如可能一個住港島0既人, 九龍某線除消, 你又一窩蜂咁走晒去影, 其實...條線同你完全冇關係, 你又未搭過, 你又有咩回憶??老實, 我之前睇過九巴70除消果晚D片, 如果果晚咁0岩我放工要搭尾班70返屋企, 我真係多得你唔少, 有時鐘意唔係大晒, 除非有活動係FOR你咁做, 如果唔係的話, 影響到人真正需要0既人就唔係幾好,見到尼幾日有POST話擺街D 巴士俾人攪, 真係好好笑, 你伸隻手入去又點? 你攪到部車D野又點? 你有本事就遲D買左佢囉, 而家好似話可以買退役巴士GA嘛, 攪呀, 偷水牌果D就唔好咁揚, 冇人會覺得你威, 有時, 鐘意巴士又唔尊重巴士, 你為D咩做巴士迷? 你見個個都係咁攪你就照跟??? 咁人去死你又唔去死? 兩個錯唔等於一個0岩GA---記住尼句說話,
最後, 我知可能有D人會唔認同我, 你地想插就插, 想BAN就BAN, 我冇咩所謂 以下嘅言論,如果冒犯各位板友,請隨便扣分或停板,
今時今日見到部份巴士迷,真係簡直唔知似咩樣!
我真係抱著一個懷疑嘅態度:佢地精神係咪有問題架?
如果佢地真係"short"嘅,痴線嘅,咁真係冇嘢好講,
因為身體出現問題,變咗痴線,精神病,依啲可以慢慢教,教佢地唔好咁做,
大佬,你正正常常,要偷要盛,要攪啲車,做咩者?
貪過癮呀?俾我感覺真係有乸生無乸教!
我唔知果班人生長係咩家庭,如果老豆老母一家大細齊哂,
老實講,果仔仲要做啲咁嘅野,一係果仔痴咗線,一係老豆老母唔教,即係冇家教!
我仲好記得70 Last Day,部份巴士迷為咗影張靚相,
俾人阻一阻,部份巴士迷就要問候人地祖宗十八代!
似咩樣?你係要影張靚相,點解唔可以係70 Last Day前影靚相?
要等70 Last Day先係到也文也武影呢?
就算要影,個總站咁大,唔駛企死一個位影咁巴閉呀話?影完可以換個角度影者!
好啦,鐘意巴士係冇罪,但係如果以咁嘅方式去鐘意巴士,
我只可以講:依種行為係賤格、變態,根本唔配做巴士迷,根本冇資格鐘意巴士!
出街見到架特別啲嘅巴士,一味係咁衝呀!殺呀!完全唔睇馬路,俾人撞傷真係唔抵可憐!
好啦!見到或者上到車仲要鬼殺咁嘈,大大聲聲嗌,
你高談闊論話知你,但係騷擾到人,影響到人,其他人一定會向你行注目禮,
再難聽啲講,其他人當你係白痴、低B、弱智咁睇,
我相信,冇其他巴士迷想俾其他人咁睇或者認為巴士迷就係咁樣囉!
我係九十後,眼見以前80、90年代嘅巴士迷個個都規規矩矩,互相禮讓,
坦白講,我真係好羡慕,點解以前嘅巴士迷個個都咁好人,受人尊重,無分你我!
反觀而家部份嘅巴士迷要爭依樣,爭果樣,完全唔識咩叫禮讓,規矩!
仲要做埋啲咁嘅行為,係咪咁多交通迷之中,凈係得巴士迷先至咁樣?
衰啲講句,巴士迷係咪想搞到自己鐘意嘅嘢好似俾人當白粉佬咁歧視?
每次俾人見到我地對巴士嘅喜愛程度都要受其他人冷笑、指指點點,
大家都係想"巴士迷"依個名受到其他人尊重,有番啲尊嚴者!
何必搞衰"巴士迷"個名呢?
香港部份嘅巴士迷,反省下啦!!
見到有幾篇文章都見到巴士咁俾同行搞法,真係火都嚟埋!不吐不快!
如果啲言論過份咗!偏激咗!唔認同!唔好意思!我係唔會修改嘅!我要講嘅就係咁多!
想鬧!想扣分!想停我板!想禁止我發言!請隨便!無任歡迎!
[ 本帖最後由 82M 於 2011-10-17 08:24 編輯 ] 我之前去呢個既80n，當然有巴士迷，有幾個年紀較大既巴士迷，居然好似一個黑社會禁句句總會搭句粗口，呢個已經唔係作為巴士迷既品格，而係反映出他們係冇教養，係不適當既時候做不適當既野。明明上一代既巴士迷係被視為有禮貌，有教養，睇黎遲多幾年，巴士迷不但視為敗類，而且可能係班阻住地球轉既一班垃圾。(PS可能到時會有好既巴士迷。) 只要勸得掂而家D小朋友巴士迷守下規矩...
大ge又多D提下佢地... 已經可以好好多
回復 26# 的帖子
弊在而家小朋友唔容易勸得掂呢 原帖由 FT7052 於 2011-10-18 00:04 發表 http://hkitalk.net/HKiTalk2/images/common/back.gif只要勸得掂而家D小朋友巴士迷守下規矩...
大ge又多D提下佢地... 已經可以好好多
如果咁簡單，就唔會有港童二字出現吧… 原帖由 82M 於 2011-10-17 08:21 發表 http://www.hkitalk.net/HKiTalk2/images/common/back.gif
以下嘅言論,如果冒犯各位板友,請隨便扣分或停板,
今時今日見到部份巴士迷,真係簡直唔知似咩樣!
我真係抱著一個懷疑嘅態度:佢地精神係咪有問題架?
如果佢地真係"short"嘅,痴線嘅,咁真係冇嘢好講,
因為身體出現問題, ...
俾人遮問候人其實一向都有
企係度等左好多耐俾人衝出黎遮住其實都真係好忟架
只不過以前好多〝短鏡人仕〝係會自動自覺企埋d 唔會點阻住d 〝長鏡人仕〝
唔會好似而家d小朋友咁當自己係透明
一味衝去人地面前遮住晒:L