對一般選民而言,交通燈延長2秒已經係一件偉大事(起碼你有關心社區),
但政治議題唔係唔理,只係感覺上區議員係服務社區多於處理政治問題
(當然好多政治問題係由地區開始),加上部分議員係空降參選,該區居民
感覺上無實職無相關地區人仕推介
而且泛民選舉前發生太多不利選情既消息,無論係外傭/港珠澳官司,人民
力量追擊民主黨民協,毓民長毛係立法會表演等,令唔少無政治立場市民
大失所望,結果連帶相關政黨成員參選都因為各類負面因素,同埋自己本身
政職,結果紛紛落馬
當然民生與政治本身係不可分割,部分後生泛民成員都成功當選,一來佢地
專注地區工作,二來選民對佢印象良好,就算有建制派人馬用幾多選舉機器,
結果都能打敗對手,所以泛民呢一次要深思既,係點改善形象,改變原有選舉
方法,起碼真係俾人覺得自己係為社區服務,而唔係空降叫口號跟住乜都唔理
至於下年立法會,由於選舉議題不同,所以泛民雖然都會失利,但未必好似
區議會咁嚴重,但起碼要團結一致,槍口對外,而唔係繼續大佬心態
如果俾我, 選區議員和立法會議員睇o既o野係唔同。區議員我會著重佢地方表現, 政治次之。不過政治我唔係完全唔考慮, 因為而家區議會都被 "政治化", 政府常常把影響全港的事務問十八個區議會意見, 區議會贊成了就當作諮詢了市民而市民也贊成。因此我都非常唔希望保皇黨把持區議會, 代我就政府政策乜都說好。但假如一個是在地區工作做得好的保皇黨, 另一個是空降泛民, 我也許還是會投前者一票。
係人都知泛民無錢搞蛇宴嫁啦,
以香港人性格, 當然係甜頭行先啦:D
加埋保皇黨不斷抹黑公民+泛民分裂,
真係輸少少已經當贏
而家政府無啦啦搞個超級區議員, 搞到區議會同立法會扯上關係,
考慮區議員同時要特別著眼埋政治理念,
擺到明益白鴿+保皇, 死未
原帖由 053h4 於 2011-11-9 19:37 發表 http://hkitalk.net/HKiTalk2/images/common/back.gif
老實, 送唔送禮真係未必重要, 當然, 民建聯的關係團體成日有活動
而家選區議員真係預你成日係個區到浦頭, 學者都分析過, 大敗只係人民力量公民黨社民連等, 而其他幾個以地區工作主導的泛民政黨議席變動唔係好大
點 ... 總之有資源有水喉一定好好多既,
鄭家富做立法會都係帶得一個丘文俊,
做區議會要帶多個年青人就更加難,
要請佢坐係目標選區個村口四年, 每個月一萬人工,
仲有搞下活動D開支就所剩無幾了
至於抹黑, 幾十票夠輸喇...睇下美孚就知
*話說一周刊話禮義廉係人陸一車車送人黎北區同大西北投票,
如果係真既話個動員力真係好恐怖
【第一件事】
水喉一定係保皇黨多係事實，你都識講「保皇」啦，
咁佢梗係第一件事幫到啲「皇」（準確少少講係既得利益者）先啦。
咁樣，啲「皇」第一件事梗係要保住自己利益。
咁要保住既得利益，第一件事就梗係唔可以令到太多人對現狀不滿啦。
做到呢一點最快捷方法，唔係開水喉俾保皇黨派糖係咩？
只要唔係搞到人人無飯開或者生活太黑暗，一般都唔會令怨氣大到失控。
甚至就算搞到遍地餓莩，只要當權者做到反抗代價比啞忍大，
國家都唔會亂到出面。北韓係最佳例子。
【理想 ‧ 事實 ‧ 成見】
其實今次真係好睇得出政治成見對一個人影響可以好大。
我同好多「公投支持者」（簡單 D 講，連民主黨同民協都譴責的人）
交流過，發現佢地唔少都係理想至上人士。
「大部份人本來就係先睇利益兼且多一事不如少一事」呢個道理，
佢地唔同意都猶自可，但好多直情係唔願意理解而且唔俾選民咁做。
其實咁樣的話，做選民嗰個都好辛苦。
平心而論，道理上挑戰民主人士，必然自取其敗。
但請各位民主人士注意一下：你地要期望人人都可以好似你地咁
睇得通問題，本身就已經係嚴重同現實脫節。
保皇黨經常迴避問題，大致就係呢個原理。
【治大國若烹小鮮】
我曾經聽過一句嘢叫「治大國若烹小鮮」。
呢句唔係錯，但如果層次低少少──「治小國」，就唔係咁講。
譬如做街坊保長，就係好艱巨嘅工作。
我前排先聽過，一個屋苑夏天晾被個架擺咩位，
原來都可能涉及區內唔同利益集團互相角力。
一個有如街坊保長嘅區議員，如果唔係經常睇住，又點可能做得好呢？
換句話說，梁家傑講嘅係事實，但亦同時暴露咗己方死穴，
兼且顯得自己「過而不改」。
[ 本帖最後由 238X 於 2011-11-9 23:41 編輯 ]
區議員搞蛇宴/一日遊除左帶俾該區居民一D可享受利益同時，
都係一個主動接觸區內居民的方法，了解居民需要的另一途徑，
用一個輕鬆場合聆聽訴求，總好過坐o係辦事處等居民搵上門，
至於識唔識利用呢D機會就要睇區議員同居民本身。