數碼通取消無限上網
http://www.881903.com/Page/ZH-TW/newsdetail.aspx?ItemId=477310&csid=261_341以後新plan 最多只包2gb﹐出手太低了。
如果係數記用戶﹐每月用量又多於2gb的﹐請考慮轉台 (或者看看可否提早續約)
相信﹐其他電訊商會好快跟隨取消無限plan﹐或在無限plan 加入一些限制。
ps. 舊有用戶暫不受影響﹐直至沿有合約完結為止。2月13日前續約仍有無限plan。 小弟一個月唔用多過1gb..影響唔大
不過真係覺得好反感...電話公司輸打贏要.明明收得人幾舊水比唔到service係你個問題
你偏賴係個客用得勁. 話明冇限,你就話人地用得冇限得來叫做唔公平.
咁乜叫做冇限. 即係你話我去食buffet因為真係太大食所以取消任食.
我仲記得, 我上年係英國, 每個月topup 10鎊, TMobile已經無限任用.都係港紙130蚊.
香港130蚊得400mb都冇.
你送2000分鐘比我把屁.香港仲有人頃電話架咩
以前已經唔gur網外sms要比錢.人地英國唔見佢分網內外...
一係兩樣都收錢, 一係兩樣都唔收.
仲好意思話香港電話費算平......你冇聲出喇卦
回復 2# 的帖子
講真﹐取消無限plan 都預左。不過﹐出2gb 又真係出手太低了﹐對家(pccw & 人仔台)都以5gb為高用量的標準。
如果數記定為5gb﹐相信反對聲沒有這麼大。
無錯﹐電訊商係可以隨時增加收費﹐唔再出無限plan等等做法﹐這是合理的。但是﹐現在大家看到的﹐便是新收費是過貴﹐所包的2gb根本唔合理。
而我最反感的一句﹐是指政府要求講清楚服務內容﹐令到沒有空間再提供無限plan。事實係﹐政府的業務守則﹐只是要求清楚講出公平守則的內容﹐清晰向消費者表達。
最佳示範例子便是人仔台的3g服務﹐入面的無限plan 便清晰講明首5gb不會作出限制﹐5gb之後﹐有權作出限制或停用。 老實講
香港好多人一見到無限就用到盡
你用BUFFET做例子唔多岩
你大食極你都會識停,唔會廿四小時係咁食
但係而家香港有一部分人24小時開住黎上網不特止,有D仲用埋BT 其實屋企200蚊broadband唔好用?唔stable同快過3G data?
唔明d人做乜唔番去用broadband開住部機bt.硬係用部慢到死的3G Modem/手機來bt
抑或係陰謀論,根本冇乜人用3g 來bt, 只係電話公司作的藉口,總之一overload就賴呢班可能存在的人? 互聯網專業協會總幹事趙鈺銘早在去年便已警告，取消無限上網計劃，大眾用智能手機下載Apps、上網睇短片的意慾會降低。此舉就等同扼殺創意產業的發展機會，也對IT業界造成打擊。
他指出，不少市民選用無限上網服務，是因為他們大部分也不知道或不懂計算自己上網的用量，為除後顧之憂，故都傾向選一個收費封頂的計劃。所以對較低用量的無限上網使用者來說，多付出的價錢並非補貼，而是買一個安心的「機會成本」。
Ref: 互聯網專業協會網頁
http://www.iproa.org/index.php/en-GB/media-coverage/559-201111126.html
P.S. 我本來8月現有PCCW手機約滿後改用數記的，現在已決定不轉數記，改投其他公司。 原帖由 PoohPoohJoe 於 2012-2-2 11:10 PM 發表 http://www.hkitalk.net/HKiTalk2/images/common/back.gif
老實講
香港好多人一見到無限就用到盡
你用BUFFET做例子唔多岩
你大食極你都會識停,唔會廿四小時係咁食
但係而家香港有一部分人24小時開住黎上網不特止,有D仲用埋BT ...
條友用自助餐做例子﹐解釋得蠢﹐用自助餐去解釋係無問題的。
而家數記係唔再提供任食自動餐﹐只提供一份份的快餐無問題。
而任食自動餐﹐無錯食家可以任食。不過﹐唔好忘記食店都可以因應情況﹐減慢補充食物的速度 (即係上網限速)。
政府其實只是要求電訊商清楚講解個plan 給市民﹐幾時會作出限制﹐不是唔可以再提供無限plan。
這個有限制的自助餐﹐可參考人仔台3g 服務的無限plan。
數記本身係想加價﹐作為營辦商﹐是他們的決定﹐我也不反對你不再提供無限plan﹐只要收費合理的自然有人用。
問題係﹐把加價的藉口推落政府的業界守則﹐做法可恥。 原帖由 cn2661_2d32 於 2012-2-2 11:28 PM 發表 http://www.hkitalk.net/HKiTalk2/images/common/back.gif
其實屋企200蚊broadband唔好用?唔stable同快過3G data?
唔明d人做乜唔番去用broadband開住部機bt.硬係用部慢到死的3G Modem/手機來bt
抑或係陰謀論,根本冇乜人用3g 來bt, 只係電話公司作的藉口,總之一overload就賴 ...
好老實﹐在其他論壇真係有人講﹐係會用盡3g上網﹐主要都是非家中使用。
而用量是超過100gb 的。
他們多數都是坐車睇網戲等﹐同埋住村屋﹐只有pccw 的adsl 服務﹐由於adsl 太「快」﹐所以直情用3g代替﹐取消pccw的adsl上網。 原帖由 kei_hk 於 2012-2-3 10:37 發表 http://www.hkitalk.net/HKiTalk2/images/common/back.gif
條友用自助餐做例子﹐解釋得蠢﹐用自助餐去解釋係無問題的。
連互聯網專業協會總幹事趙鈺銘都用自助餐去比喻無限上網的。 原帖由 eric278 於 2012-2-3 10:49 AM 發表 http://www.hkitalk.net/HKiTalk2/images/common/back.gif
連互聯網專業協會總幹事趙鈺銘都用自助餐去比喻無限上網的。
問題係﹐當時無人識講減慢補食物的速度;P