搭車排隊
話說小弟今朝排隊搭車, 我見到有個較後生o既長者 (聽梗mp3, 幾型 :victory:, 之後見佢用長者八達通) 企o係我前幾個, 但係佢排隊唔係跟大隊直線咁排, 係企o係條隊側邊 (靠行人路再入), 如下:○ <-- 隊頭
○ ↓排隊方向
○ ↓
○
○
○
● <-- 該長者排隊位置 (同大隊直線約有一個身位)
○
○
◎ <-- 小弟位置
佢有時行前少少, 但都唔係跟大隊排 “直線” , 都唔知佢係唔係排緊, 耐唔耐又見佢望o下有冇巴士o黎, 所以都唔知係咪等另一o的路線. 最後巴士o黎到佢就跟大隊上車. :L
小弟其實想好心同佢講叫佢排好o的, 但都有段 “距離” 就唔好話佢算數. :o
其實呢個情況大家覺得應唔應該提醒o個位長者排好o的呢? :handshake大家有冇遇過呢o的情況, 會點應對呢? :hug:
[ 本帖最後由 3av234 於 2012-2-21 11:39 編輯 ] 呢d成日都有，排成一直線，但離幾丈遠都試過……
但我唔鍾意都係分唔到長x闊既排法，根據小學既知識，長一個長方形裡面，因為某一邊長d，所以叫長，而短d o個邊就叫闊。
咁想條可以無限延長/容納更多的人，應跟住個「長」排，但d人永遠都跟住個「闊」排，就算有短短的排隊欄，條隊長左既時候都係會九十度彎轉轉，
見到尚德商場那兒就很可笑…排692P，排到入商場門口位少少先轉彎…
要O係條路直行直過既路人(唔搭巴士，只是走路)都好唔方便…
講番你單case，我會o係排入隊之前就「解決」呢件事…(若不太離譜的話，我不會理)，除非我就企o係佢後面，再加少少離譜，我都會同佢講聲。
(如果到你排左入隊先至講，你又要行出條隊同佢講，到你想返入隊又可能到你自己被人話)
我有時更加想同搭港鐵既人講……係要塞住綠色箭咀，其實開左門，等上車既客係咪應該企o係門既左右邊呢？？並唔係企o係中間…到o個個時候就算你好乖等人落哂車先上車，但你都阻住人落車，亦阻住人上車啦…
[ 本帖最後由 lsc04d11 於 2012-2-21 18:59 編輯 ] 令我諗起上水鐵路站等270往翠麗方向條隊隊尾永遠都會夾雜住d等279X往粉嶺方向o既人 :L
有時隊尾遇著d排隊排到好似樓主個case咁o既人，又唔知佢想等270定係279X
如果唔問佢o既等邊條線o既話，佢肯定唔會施施然排返入條隊度（等270）又或者再行開少少等車（等279X） :L
點解九巴唔o係舊年重組上水鐵路站o既巴士站位o個陣順道修正埋呢個問題呀 :Q 青山道通州西街果個站都有問題
86/86B太多人排隊，就會同6D/40果條隊疊埋一齊。
如果係86/86B多人先，6D/40條隊又迫唔到欄出面，分分鐘龍尾都唔知係排緊邊條隊。
最好將86/86B條龍返向排咁就OK！
另外桂林街296c vs 42又係打晒交，行人路窄，兩個站擺得太埋，所以人龍實撈到亂晒。
而且42成日收車好多人排，296c好多時都因為咁無位排隊！ 帝都酒店果個站真係:L
80K 88K 85 283 果堆線全部堆哂起一個站牌度= =
D人呢就永遠一堆咁堆哂起果個area度
一有車黎呢,就永遠有爭先恐後嘅情況出現:L
真係好心起果度劃番開幾條線或者擺番D鐵欄比D人有秩序D排隊啦= = 青山道永隆街個2B,2F站 都係 ...
明明得2F有排隊欄 , 朝朝早都總係有個阿姐同佢個仔企喺2F隊 ,
一撞倒2B埋站先呢就喺度推人地等緊2F嗰堆人:@, 上次重要"啤"住我 ...
人地其他2B乘客都識行埋一邊等 :handshake 原帖由 mankakit 於 2012-2-21 23:42 發表 http://www.hkitalk.net/HKiTalk2/images/common/back.gif
帝都酒店果個站真係:L
80K 88K 85 283 果堆線全部堆哂起一個站牌度= =
D人呢就永遠一堆咁堆哂起果個area度
一有車黎呢,就永遠有爭先恐後嘅情況出現:L
真係好心起果度劃番開幾條線或者擺番D鐵欄比D人有秩序D排隊啦= ...
田園閣都有呢個問題
但非繁時人唔多爭先恐後就唔算嚴重
不過朝早繁時就會有一個好獨特嘅情況
因為會有一條約定俗成排出嚟嘅隊 47X
但若果個乘客唔知呢樣野照跟番非繁時咁有車至行出嚟搭就會搞到好尷尬...... 各元朗大馬路K74往天瑞既站都係，其實K74無隊排，不過班客仔唔排又驚比人話打尖，結果就將K65同K74條隊二合為一，部份客仔一見條隊郁就上車再加上4XX-K65指定車款呢個指定組合就上，試過見個伯伯搭到去天瑞先知上錯車，跟住我帶去出去搭34A...(等足23分鐘，好彩有凳坐) o係我呢個站, 只係得一條線要排, 或者因為較多人搭呢條線吧, 雖則個站有成十幾條線. :P
不過有o的人真係自己羅o黎衰抵畀人鬧, 我試過見到有個客A唔排隊爭上車, 畀另一個客B(有排隊)睇唔過眼, 對話如下: ;P
B: 排隊啦你, 個個都排, 你唔排? (後有十數人)
A: 咩事呀, 你係咩人呀?
B: 香港人! 你都係香港人啦, 好學唔學學埋晒o的大陸人咁, 咁冇文化o既?
A: ......(無言, 死死地等所有人上晒車先)
又唔係唔識字(劃晒位排咩線), 都唔明點解唔排隊, 又唔明點解o的人排到咁衰. :L
頁:
[1]