技術上另一問題，事關牛頭角定富街果段已經冇乜空間。
現時起動九龍東的政策上，我個人認為政府未充份計算對觀塘線
帶來的潛在客量影響。如果以建議的走線，只係一個 U shape，
有關方面似乎將乘客流向側重於啟德站、九龍灣站、觀塘站三站，
觀塘至九龍灣段由返現時觀塘線接駁。啟德站唔擔心，但講緊
觀塘線的客量上已經快將飽和，又作為九龍東西主幹，仲有冇
能力去食多餘既轉車客呢？
而單軌列車載客量 (兩卡計) 都係 150-184 人左右 [參考新加坡
和吉隆坡同類系統]，比一卡輕鐵最高載客量更少。我就反而有點
擔心，真正採用單軌車後，日後加卡可能會比 APM 系統更加麻煩。
加上條線有 13 個站，又要頻密班次，派車數量一定唔細，所以
我個人意見用 APM (甚至 BRT) 可能會更有利。
未知各位師兄對此有乜高見？
[ 本帖最後由 WR309 於 2012-3-1 22:16 編輯 ] 成個計劃真係好似東京台場發展區(佢又係用單軌車做接駁)，但路線的確兜路，如果改去牛頭角站做環線效益更佳。
不過九龍灣站有德福商場，如果係港鐵起的話，當然會想將新區客量引入自己商場。 睇完段片有d失望, 又話亦會擔當旅遊觀光角色...
但行啟德跑道中間, 左邊私人樓, 右邊酒店, 維港個景都睇唔到
得過橋果段叫望到下... 但又要迫走人地個漁船停泊碼頭
成條鐵路, 循環線咁用黎做接駁角色
只方便遊客去運動場、酒店、郵輪碼頭、商場、鐵路站、高空望下香港繁榮街景
不過megabox 個站又好似遠左d (咁又唔係話要起正門口)
如果唔係有心去果度/無聊/見識下, 似乎唔太吸引遊客
落尖沙咀/九龍塘果d複製商場仲方便.
第1行動區均是一些不受歡迎的設施，但霸佔了海濱地段
車廠又好受歡迎咩- - 鑽石山停泊處咪又俾人反對
我諗都係會起鐵路上蓋物業
[ 本帖最後由 lrv1092 於 2012-3-2 01:21 編輯 ] 原帖由 lrv1092 於 2012-3-2 01:19 發表 http://www.hkitalk.net/HKiTalk2/images/common/back.gif
睇完段片有d失望, 又話亦會擔當旅遊觀光角色...
但行啟德跑道中間, 左邊私人樓, 右邊酒店, 維港個景都睇唔到
得過橋果段叫望到下... 但又要迫走人地個漁船停泊碼頭
成條鐵路, 循環線咁用黎做接駁角色
只方便遊客去 ...
講真, 旅遊 + 運輸, 我見到360之後都怕怕,
到時旅遊又唔係, 運輸又唔係.....收費又貴
一貴..
我會同意佢主要做返運輸接駁角色為主, 當方
便到運輸, 自然擔當到旅遊角色, 好似地鐵無
景睇, 一樣好多遊客坐...
另外, 我想車廠問題難搞d, 唔係啟德新範圍起,
政府又唔想收地, 只可以係舊區拆咁d 政府用途
地再起車廠了....
至於環線問題, hkth站友提出" 增高至現時觀塘
線路軌之上", 我覺得是幾好的建議, 的確是可
行亦將空間利用最好的方案
事實上, 即使睇那片段, 政府建議的路線亦要跨
過唔少高架橋, 高度亦唔算矮了... 同意運輸為主, 觀光為次。如果跑道走線唔係走正中央, 不能同時方便去跑道兩邊嘅地方, 而且將高架軌放在酒店無敵海景前面, 酒店方面都唔肯過你。其實而家新區啲樓唔會起得太密, 即使在跑道中央都會間歇地見到海景。
另外開源道睇起來好似全被覆蓋, 但一般單軌鐵路的路軌只係兩條 "條" 形物體, 通風會唔會咁大影響? 不過唔知佢會唔會要全程加裝沿途的逃生通道, 再加上佢似乎想在開源道段路軌下加建架空行人走道, 咁就可能另一回事喇。
頁:
1
[2]