原帖由 edylau 於 2012-3-10 15:36 發表
港鐵批E500都唔好得去邊, 雖然1波扯到2千轉至跳2波, 但起步發圍非常慢, 2波打後又係極速轉波, 好似K12, 車程咁短, 上太和路行得50幾km, 已上到4波images/smilies/default/sweat.gif .
另外, 據聞E500可以先進到detect到約1800轉, 就自動cut油.過多的電子調控, 正如樓上所言, 真係矯枉過正, 亦是過於迷信理論ge惡果.
對Voith波箱而言, 1掣和2掣都好重要, 因為按了2掣, 架車都唔會快d落1波, 除非司機長時間踩地板油, 但佢咁樣係好辛苦, 總不及按1掣來得直接 (而且要面對工程部廢kick-down ge風險, 踩幾大油都唔會拖波 images/smilies/default/lol.gif ). 正如升降機, 你按了10樓, 架lift無可能同你停7機ga.
同時, 係合理情況下, 司機都唔會長期鎖1波, 因為1波極速得30幾km, 行觀塘道, 太子道等大直路只係龜速, 司機總唔會傻到俾架車又嘈又唔識快.對於碌車ge司機, 佢根本不會考慮鎖唔鎖波, 只要架車行得郁就算.所以公司根本唔使擔心濫用波掣ge問題.
例如超豪, 以前講過新巴超豪 (特別係#5040或之前) 可以好飛得, 但大前提係要持續踩地板油, 一鬆腳就會轉高波, 所以只按3掣, 只能鎖到3波, lock唔到1或2波. 反之後期有1, 2掣的超豪, 就可以按鎖波掣, 穩健地hold係1, 2波上斜.
除了Voith, ZF都好應該有齊1, 2, 3掣, 1/2掣固然可幫助上斜, 但2波極速只有約40km, 跑公路係超慢的, 如有3波掣, 一上公路暗斜, 都可以迅速hold係3波 (極速有50幾km), 好力之餘, 又可保持合理ge速度. 難怪冠忠的Man旅遊巴, 其ZF波箱有齊1, 2, 3, D, N, R掣.
有時, 我寧願搭架性能可靠d ge E蛇龍, 老虎蘭, TD豪, 超豪等舊車, 好過搭d搞到唔拖唔水ge所謂 "新" 車.
咁唔知係 MTR8xx 副偈執得保守定點樣呢；記得波箱一樣既城巴 810x 新車頭一兩年，夏天起步都可以好正，
雖然引擎容積細過以往 ISMe 咁多，起步一定會爭咁少少，但整體上完全可以接受
另外 Voith 官網講過近代適用於大扭力車既波箱型號轉波時有自動限制扭力功能，可能亦有助解釋近年 Voith 車尤其 1轉 2波時架車明顯慢一慢咁既情形 :(
至於波掣，限波掣通常對於限制範圍後既高波都有效，高波時禁低波掣都會有鎖波功能
波掣上面個數字其實只供參考 (波掣只係零件，入面電腦程式調較先係重點)
以前城記紅柱 6xx 曾經係 1掣鎖 2波或以上、2掣直接鎖 4波；短豪係 1掣鎖 1波或以上、2掣直接鎖 3波
B6 1掣鎖 2波或以上、2掣直接鎖 3波；大部分舊式 ZF 車個 3 掣都改左可以鎖埋 2波
而 Voith 車無論鎖 1波定其他前波行車，1波去到咁上下速度時，只要波箱減速器運作 (一掂到剎掣) 架車就會跳入 2波然後運行波箱剎車程序，即係塞下行下既交通環境之下 1掣已經可以同時有鎖 1 2 波功能，即係城市巴士黎講 Voith 車加裝 1 或者 2 掣
俾司機真係有需要時仍可拖波已經足夠
如果一早提供晒全部限波掣，其實即係間接容許司機一早用定波掣谷轉數
正常行車時用限波掣無非係想助跑上斜或者過燈尾或者爬頭，此等路面環境安全行車下司機本身都應該有相對大既警覺性，
如果司機連用一秒時間伸手禁波掣都難，即係交通應該都好繁忙 / 路面環境複雜，根本都唔適合諗渣快車
城市巴士多數有乘客要企/係車廂走動，司機想快應該比其他大型車輛更密切留意路面可能出現既變化而更新自己判斷同俾反應，盡量確保唔需要有非必要既剎車
當架車去到燈位前幾十米距離時司機判斷可以過到既話，自然唔介意伸隻手鎖波令架車可以全速駛過盞燈
相反無經驗 / 唔專心既司機如果過分依賴高波限波掣，老遠起步已經鎖定波一心諗著過到但最後要急剎只會造成乘客唔舒適/危險
一般情況下多一個限波掣加上適當油門/波箱/ k/d 掣配合得好基本上已經夠用，再多幾個掣就真係助長司機當手波車渣浪費燃油