原帖由 ME9661 於 2012-3-11 16:37 發表 http://www.hkitalk.net/HKiTalk2/images/common/back.gif
咁樣好唔好看喎!!!!!!!!!!!!!
以前個標準邊有咁高... 表達到咩路線已經得了...
不過好老實 快定慢 真係好睇車手表現... 我以前西環出中上環我基本上都座 中記10號
大部份都好好飛... 又唔覺得佢地真係慢WOR
赺市區比什麼巴士都快不了好多
記得圓頂寶入面都幾污糟
不過97年尾(?)坐過LF32, 內面D鐵皮新髹左藍色同白色油
連地板都擦過晒, 由黑過墨斗變成重未見過既紅色
坐左十幾年, 第一次知個地板原來係紅色...
最記得有車手揸圓頂寶由北碼去東邊街只需15分鐘
細個分別住過筲箕灣 (2、2A)、天后 (去北角返幼稚園，成日都搭到10號)、某年暑假去皇后大道東上暑期班 (10 號巴士)
同搬入則魚涌初期日日望著 22 號總站/經過，成日都接觸到圓頂寶
好既印象有佢個搶眼米色軑盤、左邊集中晒一斜排電掣 (見過有司機用黎擺腳，重好奇怪佢點樣確保唔會亂撻到 d 掣)、
靜止時擺位永遠唔對稱既水撥、食司機位後面從傍板上面個窿望司機渣車同開閂門、
同埋黑色車門 (唯一一樣覺得圓頂寶比中巴其他車型優勝既地方，黑色感覺上幾乾淨)、
行 22 號既特別板圓頂寶 (後尾知道係 LF106)
但基本上對圓頂寶恨多過愛
當年已經坐底廿年車齡，車入面窗框都唔知油左第幾浸淺藍色油上去，而且顏色同質感非常核突，反晒光好吸塵好污糟咁；
雖然中巴用防火膠板個堆車都一樣咁污糟，但圓頂寶簡直令人掂到窗框 d 油漆都周身唔自在
停車震到無人有，成架車 d 凳震動幅度有成厘米咁多；雖然以前個年代周街中巴型號停車都係唔入空波，架架都係震，
但圓頂寶最唔舒服、感受最深，可以話係童年陰影之一
慢 (可能因為搭開既珍寶都行埋 d 無得飛既線，從細覺得珍寶快極有限，
但圓頂寶感覺上特別慢，好似從來無聽過圓頂寶 3 4 波既波箱高音聲)
爛撻撻 (唔肯定係咪同一部車，但有一段長時間見到最少一部圓頂寶左邊車身指揮燈得翻個殼但如常服務；
同埋正如版友回憶咁攝滿紙皮既側牌；車尾個種一粒粒既警告燈雖然山寨寶 / XF 都有，但放係圓頂寶上好似特別唔可靠好易壞咁)
搭親一係爆晒棚 (中記對於 2A 開線初年實在太保守，雖然字軌車好快已經由 XF 轉 LF，但之後維持一大段時間先再進步為 12 米車) 一係包車 (幼稚園 K3 係下晝班，中午時分搭 10 號幾乎一定係包車去北角，條條線好地地得佢條衰線出圓頂寶，
成架空車停車時震得特別勁，感覺上好似中巴日日用架衰車折磨自己咁)
就算唔係搭，係車外望埋水箱位見到透氣口欄柵一係爛一係彎晒，隱約見到熱氣水蒸氣冒下冒下好似夾硬要架車行咁
雖然當年係讀幼稚園，但已經覺得中巴夠膽派埋 d 一早應該淘汰既舊車出黎獻世好似好唔憂做咁，
無耐之後中巴無埋專營權，一方面覺得非常唔捨得但另一方面又覺得間公司絕對係抵死，
難為以前港島居民可以忍中巴 d 殘車咁多年，分分鐘由後生搭到老都係搭緊某兩三款型號既巴士
大個左先知原來九巴珍寶都捱到 1997 年，九龍市區 d 巴士型號相對較新，一堆三軸甚至冷氣車中夾雜一架珍寶係度，個畫面應該都幾得意 :lol
另外又懷疑過中巴 SF1 係 90 年代未正式退役前曾經出黎行過 (可能只行過一兩日)
記得細個係灣仔見過架頭門同中門都係闊門既中巴埋修頓球場站 (應該係行 2 號)，頭門中門開門方式又係一樣
當年以為係改左頭門方向既特別版 XF，而家查翻資料發現無 XF 咁樣改過
原帖由 HW8373 於 2012-3-13 06:36 發表 http://www.hkitalk.net/HKiTalk2/images/common/back.gif
細個分別住過筲箕灣 (2、2A)、天后 (去北角返幼稚園，成日都搭到10號)、某年暑假去皇后大道東上暑期班 (10 號巴士)
同搬入則魚涌初期日日望著 22 號總站/經過，成日都接觸到圓頂寶
好既印象有佢個搶眼米色軑盤、左邊集 ... 九巴珍寶95年已退 90s初開始已經開始大量退 97年已經去到雞車退役潮 :lol
http://farm7.staticflickr.com/6143/5966329780_f5a9123107_b.jpg
原帖由 victorwong888 於 2012-3-13 11:35 發表 http://www.hkitalk.net/HKiTalk2/images/common/back.gif
搭單一問，點解當年沒有中記的亞記寶及九巴的雞車賣到大陸行駛？ 邊個話無 ?
原帖由 cacilhas 於 2012-3-13 15:59 發表 http://www.hkitalk.net/HKiTalk2/images/common/back.gif
邊個話無 ?
有咩?