有關《建築物能源效益資助計劃》之升降機問題
最近見到有部份樓宇的業主立案法團提出向政府申請《建築物能源效益資助計劃》去更新樓宇的設備。
當中見到註冊名錄中，有部份屋苑是向政府申請更換
升降機，據知最多可以得到一半工程費用的資助。
想請教一下各位：
(1) 舊式升降機比起新式升降機，最重要的慳電地方在那裡呢？
(2) 舊機可否做到加裝節能設備？如可以，如何去做？
(3) 現時更換一部升降機，假設是以 10 人 750 公斤載重為限，
行走 15-20 層數，一部有機房升降機價錢大約多少？
(4) 承上題，無機房升降機價錢大約多少？
(5) 如果工程涉及加裝停站樓層會多幾多錢？
(6) 有一些舊樓，例如美孚新邨，頂層因設計所限沒有升降機到達。
這些樓宇在工程技術上，如換為無機房升降機，可否同時在頂層
加開停站樓層呢？
(7) 一般換機工程來講，有關公司會送多少年原廠免費全保？
(8) 有一些大型屋苑或商場，會否在升降機保用合約中加入要求
承辦公司提供駐場工程師？如有，保用費用會否大增？
問題眾多，先多謝各位解答。
[ 本帖最後由 WR309 於 2012-3-24 13:55 編輯 ] 嘗試回答：
1.最主要慳左電的地方，是由傳統的雙速AC驅動
更換為可變頻變速的VVVF
不只慳電，還能改善升降機的質素和減少壞機率
2.可以加ReGen系統，把摩打制動時剩下的動能
轉化為電能，送回大廈的電力網
某電梯公司已經有此產品應用在它的無機房產品上
但能不能提供單獨安裝在其他品牌的升降機，我就不清楚了
3,4,5就因應情況而定，間間電梯公司的價錢都會有出入
6.是可以的，已經有不少頂層沒有升降機到達的公屋
在更換了無機房升降機後，已經可以加停最頂層
但部分地方可能因為緩衝區不足夠，井道就會係天台凸左出黎
[ 本帖最後由 OTIS401 於 2012-3-24 16:30 編輯 ] 試答
1,2. 如上文所述，主要係轉用了交流變頻的驅動系統，去取代舊有的驅動系統
除了上文所講到的交流雙速驅動系統之外
若果樓宇本身層數較高或較高級(商業大廈較常見)，本身有可能是用較高級但亦更耗電的直流升降機系統。
不論是換新機還是翻新舊機，電力主要都是在驅動系統上節省出來
除此之外，原本升降機若無群控，或其群控系統較舊，也可從當中改良，從而減少電梯運行次數，增加效率。
參考
http://www.hkelev.com/elev_group.htm
據我所知，有些大形屋苑計過條數，因翻新升降機後有一年免費保用及有特價第二年保用，省下的電費及保養費可以賺返工程費。
3-7. 一般都要有升降機公司的報價才能知道有關價錢
8. 駐場工程師是指維修人員，還是真的要較高級的電梯從業員？
若果是指維修人員的話，在大型屋苑或商場，若全部機都是同一公司保用，由於機數較多
有駐場人員同無駐場人員，電梯公司人手安排根本分別不大
況且，大型屋苑一般有很大的議價能力，很難令保用費用大增。 多謝兩位解答。
先回應第一位師兄的答案：
原帖由 OTIS401 於 2012-3-24 16:26 發表
6.是可以的，已經有不少頂層沒有升降機到達的公屋
在更換了無機房升降機後，已經可以加停最頂層
但部分地方可能因為緩衝區不足夠，井道就會係天台凸左出黎
我想到一個例子，例如屯門市廣場加裝那部 G-3 的客用升降機，
在 4 樓平台有一小部份凸左出黎，係咪類似咁樣呢？
再回應第二位師兄的答案：
原帖由 superay 於 2012-3-25 15:26 發表
1.2 除此之外，原本升降機若無群控，或其群控系統較舊，也可從當中改良，從而減少電梯運行次數，增加效率。
睇左師兄所寫的網頁，想進一步問：
以前的升降機，除左簡單群控系統之外，其實係咪用簡單電路 (而唔係電腦) 是派 lift?
(我唔知有冇講錯，因為唔熟電機工程，如有錯請指正)
據我所知，有些大形屋苑計過條數，因翻新升降機後有一年免費保用及有特價第二年保用，省下的電費及保養費可以賺返工程費。
呢個我都有聽聞，但你都知，一般業主聽見要夾錢就話反對，但其實換左機
分分鐘一兩年條數都喺返度...
再加上依家有政策鼓勵屋苑交 proposal 再資助換機，唔係求之不得麼
8. 駐場工程師是指維修人員，還是真的要較高級的電梯從業員？
若果是指維修人員的話，在大型屋苑或商場，若全部機都是同一公司保用，由於機數較多
有駐場人員同無駐場人員，電梯公司人手安排根本分別不大
況且，大型屋苑一般有很大的議價能力，很難令保用費用大增。
應該是駐場維修人員。
我自己曾經有睇過部份屋苑立案法團既文件，入面在招標時都有要求呢一點。
但依家交通咁方便，我都好奇怪有人駐場同冇人駐場，有冇實際既功用。
例如某屋苑有 20 部 lift，都唔係下下壞啦。 :handshake 原帖由 WR309 於 2012-3-26 11:14 PM 發表 http://www.hkitalk.net/HKiTalk2/images/common/back.gif
睇左師兄所寫的網頁，想進一步問：
以前的升降機，除左簡單群控系統之外，其實係咪用簡單電路 (而唔係電腦) 是派 lift?
抱歉，不太明白這條問題
較舊的升降機，就算不是群控也需要控制系統，其控制部件運作原理都是相近，只是會無咁複雜
我自己曾經有睇過部份屋苑立案法團既文件，入面在招標時都有要求呢一點。
但依家交通咁方便，我都好奇怪有人駐場同冇人駐場，有冇實際既功用。
例如某屋苑有 20 部 lift，都唔係下下壞啦。
肯定有，一來壞機派人過去會更快
二來維修人員熟知屋苑環境及各升降機的情況，有助提升維修質素 這計劃只資助可以有節能效果的部件，一般來說每幢樓約需要$300,000 - $600,000(未計資助)。
而未有這個計劃之前，坊間的升降機公司會以一個長命約來進行更換，一般都是用十年的合約，以分期付款的方式利誘法團。
頁:
[1]