回復 70# 的帖子
非常好。講出重點所在，有D人一味剩係識眼紅東鐵所謂既「平」，西鐵「貴」係「唔公平」，但就無視呢個根本性既分別(都仲未計其它各方面既服務質素，東鐵點差過西鐵廿幾條街)。東鐵所謂「平」，其實只限小部份住得近東鐵站既幸運兒，大多數新界東居民(包括唔係東鐵但近馬鐵者)，出入東鐵站都要付費接駁，一計埋呢條數，東鐵所謂既「平車費」優勢，將立即降至零，甚至負。
尤其香港既規劃，本末倒置，有能力畀多多錢搭車、或者根本十有八九係有車階級既，就住港鐵站樓上，例如名城、御龍山，黎緊仲有車公廟站同大圍站上蓋項目；真正需要便利公交既基層，就住到了了能能，例如美田、新田圍，黎緊仲有水泉澳公屋、火炭北公屋。
呢D已經係講到爛既事實兼常識，但某些人士可能因患紅眼症而影嚮視力，一直對此事實選襗性失明，小弟對此等人士，除左予以無限同情，實在唔知可以點幫佢地。
就算係大埔，講清楚D，大埔K巴都只有3條線，仲要假日停開/冇免費接駁，例如尋日清明節，大埔的話，除非係少數住得近o個兩個站既幸運兒，否則尖東去大埔真正車費為$10.1 + $3.6/3.9(視乎K12,71A定71S) = $13.7/14。 我只係覺只有太和邨才是真正受惠