作為一個居民，我對巴士迷既行為好失望
本人住係廣田個頭，對於16號成為最後一條有熱狗既線之一，
既感榮幸亦感害怕
本來我都好歡迎熱狗最後一晚係廣田出現，
因為始終都對左熱狗咁多年，
但係當我睇到報紙上面，30X上巴士迷既所作所為，
我就變左唔多想熱狗係廣田出現，
我唔想有咁多咁野亂事影響到居民生活，
於是我就向區議員反映，希望代為向九巴要求妥善處理熱狗尾班問題
我中午個時咁岩要去搭車，
見到班巴士迷同市民個個爭住同熱狗影相，
有d仲係司機落晒客之後自己衝入去架熱狗入面影相，
我個時覺得，咁樣雖然唔係太好，
但係都唔算叫做影響到其他人，都最後一日啦，情有可原呀
夜晚個時，我無親身落去睇，
唔知到我向區議員既反映有無效，九巴有無職員去控制班巴士迷，
但係，係凌晨既時候，我仲聽到一班又一班巴士迷既叫囂，
包括非常多既「woooooo」、「熱狗熱狗熱狗」等等，
我閂左窗開緊冷氣都聽到，
我屋企人甚至因為太嘈而嘈醒左，
第二日係平日黎架，大家仲要番工番學架？
點解可以咁自私？深夜時份仲大聲喧嘩？
咁樣做真係非常之影響到居民既生活，
我真係，對巴士迷既行為非常失望
（我唔係呢到既資深版友，唔太熟悉呢到既規矩，如果我有冒犯既，請多包容，
但我岩岩同幾個住係區內既朋友講起，大家都有近似見解，所以我肯定唔止我一個人係咁睇，以上既用詞可能未必恰當，但內容絕對係反映左我地既睇法
PS：如果我貼錯版既請代為移動，謝謝！） 咁講如果拎 93K 做最後熱狗線, 會唔會好 d?
竇林總站上面雖然有新都城, 但至少大部份地方有蓋, 隔咁 d 聲
個站的面積又夠大
...定係佢驚旺角東鐵路站唔夠位容納咁多人等車? 唔係話佢地啱
但都係最後一日,又唔係成日嘈,又唔係以後都會咁嘈
咪由佢地嘈下咁囉
定係你覺得嘈醒左你好委屈?
你都識講多包容,點解你唔包容人?
利申:住係廣田個頭 十二點幾, 仲大聲叫囂又講粗口, 有無必要呢?
[ 本帖最後由 mychoice 於 2012-5-9 02:25 編輯 ] 都係果一日半日,將就下啦!!
聽日再訓覺好 當大部份人為左聽日返工返學訓緊覺, 同時樓下又傳來陣陣歡呼聲, 又難怪樓主會咁嬲.
我住o係16號沿線, 頭先都有專登望下最後熱狗, 我呢邊幾空曠得黎同馬路隔左個公園,
而且我住廿幾樓, 不過車上乘客真係好high, 歡呼聲大聲到咁遠都聽到, 真係誇張!!:o
但聽到歡呼聲果下真係幾開心o既, 難得香港人開開心心為一個集體回憶送別.:loveliness: 其實唔只係巴士迷,而係而家喱一代人的行為收養變左質 原帖由 e231 於 2012-5-9 02:21 發表 http://www.hkitalk.net/HKiTalk2/images/common/back.gif
唔係話佢地啱
但都係最後一日,又唔係成日嘈,又唔係以後都會咁嘈
咪由佢地嘈下咁囉
定係你覺得嘈醒左你好委屈?
你都識講多包容,點解你唔包容人?
利申:住係廣田個頭 ... （先聲明，我個時未訓，只係屋企人第二朝要番工俾佢地嘈醒）
師兄，我會咁睇，
半夜三更（凌晨時分啦），係條街到高聲叫囂，
一般人都知道唔岩啦，
學校都有教過啦，擾人清夢嘛，
巴士迷又係咪可以以最後一日啦，唔係成日都會有呢d機會等等既理由，
去妨礙一般人既正常作息呢？
我對此甚有保留
我覺得，如果要人尊重你，首先就要尊重人，
我有d friend開口埋口就叫班巴士迷做巴膠，
我覺得咁樣好唔尊重佢地，所以我唔會咁叫，
但係經過今晚，我又覺得有部分巴士迷真係無尊重過其他人，
係你有權利享受緊最後既熱狗旅程時，其他人都有權利享受一個寧靜既深宵，
所以，佢地咁樣叫囂法，又叫市民點樣尊重佢地，唔叫佢地巴膠呢？
多言了 先認同樓主
因為巴士迷的基本道德是不騷擾他人和干擾正常車務
但事情無奈...
因為是對牛彈琴
但欣賞你...
起碼幫廣大市民說出心聲...
PS我坐GA5685 車上的人一樣嘈到拆天...
無眼睇...我自己 身為巴士愛好者
也希望靜靜的送別愛人 我也不認同那些叫囂巴士迷的行為，實在太過自私，沒有顧及居民感受。
不過Mickey兄，還是算吧，快點降降火，別再放在心上，早點休息吧。