原帖由 kwyeung 於 2012-6-10 15:06 發表 http://www.hkitalk.net/HKiTalk2/images/common/back.gif
我係度玩左咁多年, 除左意見不合俾人惡意扣過1分, 真係無人俾過負評。
或者係我十分好彩, 俾人羊群心理正評都試過,
同樣係羊群心理, 點解人地負評, 我會係正評呢？
可能時空出錯, 集體正負不分掛？:'( ...
咁某程度上你已經承認左有羊群心理呢個現象出現 ~
正評負評根本就唔係呢個問題上 o既重點 ~
你比人正評我恭喜你,
但係你都識講意見不合俾人惡意扣過1分
咁即係意見不合都可以被扣分 ? 呢個係咩道理 ? 打壓言論自由 ?
意見不合應唔應該扣分, 好視乎你把加分扣分當成什麼一回事。
在我而言, 加分如 fb 的 Like, 扣分就係 Like 的相反, 可以叫做 Dislike 吧。如果係咁, 意見不合當然可以扣分, 因為我唔同意篇文章嘅意見, 我唔喜歡篇文章, 就以扣分來表達 Dislike。這和我見到一篇文章覺得喜歡, 覺得讚賞, 我就加分表達 Like 係一樣性質的。
本來我認為評分制嘅好處係可以避免貼「我同意!」、「我贊成!」、「我不同意」等等灌水文之餘, 可以讓大家表達簡單意見嘅方法。
本來我認為扣分應該就唔構成打壓言論自由的, 扣分本來不應實質影響他人發言, 但似乎這裡扣分太多會令到他人 (新站友) 不能貼文, 我認為就唔係太好, 一個站友有冇發言權, 應該係由站務決定, 唔應該由其他站友決定。
不過似乎評分制發展起來, 大家對它都非常重視, 把它和個人榮辱掛勾, 既然係咁, 將佢取消都係好事。
原帖由 syp 於 2012-6-11 09:51 發表 http://www.hkitalk.net/HKiTalk2/images/common/back.gif
意見不合應唔應該扣分, 好視乎你把加分扣分當成什麼一回事。
在我而言, 加分如 fb 的 Like, 扣分就係 Like 的相反, 可以叫做 Dislike 吧。如果係咁, 意見不合當然可以扣分, 因為我唔同意篇文章嘅意見, 我唔喜歡篇文 ...
扣分制係一個明顯杜絕灌水的一個好方法,以前我被視為扣分較多的一群,也被板友質疑過,但我只會因為灌水問題才扣分,絕少會因為意見不合而扣別人分,
反而我的文章被扣分,很多時候都係"踩親人地條尾",而不是因為灌水.
我同意有不少板友以扣分去聲討意見不合的板友,甚至有部分前板務人員也會這樣,從而衝突便加深了.因此,取消負評制,或者係一件好事,但係會令板務人員增加工作量和
壓力了.
原帖由 syp 於 2012-6-11 09:51 發表 http://www.hkitalk.net/HKiTalk2/images/common/back.gif
意見不合應唔應該扣分, 好視乎你把加分扣分當成什麼一回事。
在我而言, 加分如 fb 的 Like, 扣分就係 Like 的相反, 可以叫做 Dislike 吧。如果係咁, 意見不合當然可以扣分, 因為我唔同意篇文章嘅意見, 我唔喜歡篇文 ...
講真, 大家的確係hkitalk都睇到個分好重, 好多人一有人扣分, 反應就好大, 就算部分用評分制扣人分的人,
更大聲支持扣分的人, 當自己被扣分, 都一樣反應大....立即投訴..
評分制除左有可能令新站友不能貼文, 其實當扣分出現, 唔少人因為好重視, 被扣分都會唔開心好多....
咁情況下, 真係取消好過....
我自己記得只俾一次俾人扣分, 都係因意見不合, 不過之後就無.....不過其實我睇法係, 就討論區而言,
意見不合本身應該透過討論去處理, 而唔係扣分, 咁未必係叫打壓, 但亦一定唔係好事, 在討論立場而言
有部分人成日用扣分同灌水掛鉤, 甚至講到有扣分可以幫輕admin工作, 但我始終睇唔到有關係, 首先,
係違規文章, 有無人扣分都好, admin都是有責任去處理, 而是否用扣分就少左灌水? 其實呢幾年一直
都唔係, 就算有新站友灌水俾人扣到變begger, 都一定有其他新站友灌水, 而舊站友如果發出低質素文章,
本身佢有大量分數, 扣分根本唔影響到佢....風格只是繼續
而之前都提過, 有關評分引至的投訴同問題, 要處理反而是增加admin工作量, 由以前評分專員到依家版主...
是我做admin的親身體驗, 而要處理評分問題, 本身亦是比處理一般文章更難平衡...結果亦容許引起不滿
(所以當年要有委員會處理評分問題)
或者我再俾d數據, 當我做左總版主, 會能夠接收到所有報告, 我亦開始做記錄同分析, 而從今年4月1日到
5月15日扣分取消, 個半月, hkitalk 共收到182個報告, 當中約18個是同評分有關, 包括投訴扣分, 同話扣錯分...
即評分問題佔報告問題約10%, 而5月16日開始, 扣分取消, 有關評分投訴就置0了...報告數量有所減少...
當然, 其他報告可能是數個報告都是同一問題, 如灌水/粗口, 好多時會幾個人一齊報告, 但評分多數只是一個
問題, 一個人報告, 所以實際admin要處理的評分問題, 是高於所有問題之1成, 有負評分絕對增加admin工作量
當然, 我知道部分人仍然反對取消扣分gei, 包括話少左一個表達渠道, 但其實諗深一層, 本站從來無限制
言論, 其實大家一樣可以透過回文理性批評其他站友, 當然, 要避免灌水, 批評時需要比評分有更多理由吧,
對於被批評站友, 本身亦係好事
[ 本帖最後由 3ASV196 於 2012-6-11 10:50 編輯 ]
原帖由 FBI2 於 2012/6/11 10:11 發表 http://www.hkitalk.net/HKiTalk2/images/common/back.gif
扣分制係一個明顯杜絕灌水的一個好方法,以前我被視為扣分較多的一群,也被板友質疑過,但我只會因為灌水問題才扣分,絕少會因為意見不合而扣別人分,
反而我的文章被扣分,很多時候都係"踩親人地條尾",而不是因為灌水.
...
我唔同意扣分制可以幫輕板務負擔, 或者咁講, 「幫輕」作用不及「幫倒忙」大。評分制出現之初至今我都反對呢個制度的, 因為大家冇辦法對評分制作用和性質達成一個比較普遍嘅共識, 有人好似我咁當 Like/Dislike 嘅同時, 亦大把人把它當成「殺人父母」般的榮辱。正因為咁, 板務處理評分時往往引起爭議就比普通文章為大。
而且我所講「評分防灌水」係指我可以靠評分去避免自己需要貼「我同意」的灌水, 而唔係指評分應用來懲罰他人灌水。板友見到文章違規, 應該按報告掣, 如果唔滿意文章 (文章冇違規), 就用回文反駁。一般板友唔應該自以為板務上身, 以為透過負評去「幫輕板務負擔」, 我相信站方冇話過評分制係用來開放板務權力供大家分享是嗎?
原帖由 3ASV196 於 2012/6/11 10:25 發表 http://www.hkitalk.net/HKiTalk2/images/common/back.gif
我自己記得只俾一次俾人扣分, 都係因意見不合, 不過之後就無.....不過其實我睇法係, 就討論區而言,
意見不合本身應該透過討論去處理, 而唔係扣分, 咁未必係叫打壓, 但亦一定唔係好事, 在討論立場而言 ...
我都同意你嘅講法。
我都試過有次同人討論 (或爭拗) 某港鐵車站英文名字的問題, 對方最後不回文反駁, 改為扣我分, 把一些反駁言論放在扣分理由裡。我就認為這些情況就應該用回文處理的。扣分雖然有時可有避免繼續糾纏的作用, 但如果你改為把糾纏的東西放在評分理由裡, 假如我要繼續糾纏, 難道我又找篇對方的回文來扣分再把繼續糾纏的文章放進扣分理由裡? 既然板面看起來還是不得安寧, 倒不如堂堂正正回文解決。
不過有時我真係見到篇文不合我心水 (或很合我心水), 但又寫不出詳細理由論點, 簡簡單單一個負分或正分的確係幫助到我去表達呢個睇法又不用回灌水文。本來我覺得不論正評負評都可以不給理由, 就可以避免爭拗, 可惜大家對負評分數數字本身也看得很重要, 不給理由是行不通的, 那唯有真的把成個評分制 (負評) 取消好了。
近日留意到不同版面開始浮現一堆有灌水嫌疑的文章
情況是在取消扣分功能前前所未見的
這現象嚴重影響版面的可讀性, 從而令整體文章質素插水式下降
未知版方有何對策去阻止這類文章的產生？
扣分功能乃本站多年來的傳統以及特色, 具有保留價格
望版方可以慎重檢討此改動的成效, 並考慮各持份者的利益。
原帖由 FT7052 於 2012-6-11 22:53 發表 http://www.hkitalk.net/HKiTalk2/images/common/back.gif
近日留意到不同版面開始浮現一堆有灌水嫌疑的文章
情況是在取消扣分功能前前所未見的
這現象嚴重影響版面的可讀性, 從而令整體文章質素插水式下降
未知版方有何對策去阻止這類文章的產生？
扣分功能乃本站多年來的傳 ...
為左吸引新板友,以及谷開點擊率和貼文量,有時都被逼要做公"益".
可是,做公"益"雖可以吸引部分新板友,卻會令更多的老板友流失,因為文章質素下降,搞到老板友冇眼睇,呢個比例肯定比吸納新板友的多.
俾少少時間大家適應。
要減少灌水, 必須靠站務人員和站友通力合作。
站務人員得一對眼, 未必睇哂所有文,
但大家有咁多對眼睇實, 比站務人員更有效監察。
一般而言, 出注意/警告已有效阻嚇新人灌水,
少數教而不善的亦必然會被收聲一段日子。
原帖由 kwyeung 於 2012-6-11 23:29 發表 http://www.hkitalk.net/HKiTalk2/images/common/back.gif
俾少少時間大家適應。
要減少灌水, 必須靠站務人員和站友通力合作。
站務人員得一對眼, 未必睇哂所有文,
但大家有咁多對眼睇實, 比站務人員更有效監察。
一般而言, 出注意/警告已有效阻嚇新人灌水,
少數教而不善 ...
師兄一言驚醒,令小弟失傳一排的正義感返番來.
為了和站務人員建立良好關係,為了本板多年來的和諧核心價值,小弟定必和站務人員合作,相信不少板友也願意和站務人員合作的.
希望站務人員認真了解每一個"報告"啦.另一方面,既然當年評分制,也在板頁列明是誰評分,以及評分理由.那麼今天的報告,也是否需要
將報告內容貼在板頁上呢?