昨晚經歷: 合道理之「拒載」
琴晚 23:15 左右o係上環地鐵站等東行電車去銅鑼灣等左無 30 秒就連續有 5 部車黎 ...
頭 3 部筲箕灣 , 後面 2 部去跑馬地 ..
已經覺得奇 ... 正常夜晚無咩可能會咁 ~
我上左第 1 部 #38 .. 之後 3 個站都唔算多人上 ..
不過聽到上車既乘客講 .. 等左 15 分鐘先有車 .. 即係斷左纜..
去到置地個站就上到企位 .. 當時個站大約有 35 人等車
坐o係下層車頭...見師傅埋站後無開尾閘..只係開頭閘比人落車
但轉左紅燈後就開返尾閘 .
再下一個站 .. 上多左幾個
到立法會個站 ... 起碼有 40 人以上等緊車 ..
當時部車無落 .. 停左車後頭尾閘都無開
師傅就o係頭閘大聲講 ... 「等後面啦 .. 後面好多位坐呀 .. 後面大把車」
之後就開車 ..
但當時聽見站中乘客"媽聲四起" .. 同好不滿既神態
我覺得師傅既做法無錯 ... 雖然某程度上佢一定係趕返筲箕灣收工 ..
但係之前講到果陣班次係斷左纜 .. 停少個大站盡快趕去前面載客都係好事黎
而後面真係有成 4 部空車 .. 希望司機唔會比人投訴 ..
貼呢篇文主要係想同大家分享下呢個經歷
不過繼續講埋之後行程 ...
去到金鐘 .. 又有成 30 人等車 .. 好多人見後面無車所以上晒 #38
部車頂晒閘咁去灣仔 ... 爆晒下部車仲飛到 43 km/h ..
灣仔果兩個大站好多上落 .. 無耐已經知道後面既車追返黎
(因為聽到 #119 開門聲) .. 去到集成好多人就等後面D車先上 ..
#38 落晒客就可以關閘即走
到怡和街個站.. 估計積聚左 60~70 人 ..#38 師傅好不容易先入到站
之後我都落車喇 .. 落左車後根本行唔到 ... 個站塞死晒 ~~
等一陣 .. 順便睇埋後兩車 #119 #96 有幾多人
結果 3 部車都企晒人走 ..
如果當時跑馬地仲有車開去筲箕灣 .. 或者可以載咁批銅鑼灣客走先 .. :lol
[ 本帖最後由 慶回歸．VA21 於 2006-2-22 11:49 編輯 ] 個人覺得個司機都幾合理...
因為有d司機真係害群之馬, 專玩"釣魚", 加上乘客搭車心理+習慣, 往往做成頭車最爆, 後車吉車等情形... 原帖由 amtrak 於 2006-3-4 22:06 發表
個人覺得個司機都幾合理...
因為有d司機真係害群之馬, 專玩"釣魚", 加上乘客搭車心理+習慣, 往往做成頭車最爆, 後車吉車等情形...
我一路對電車最不滿ge地方就係響呢度
從來都無乜班次可言
往往等到炆都仲係一架都無
點知一黎就一次過黎5-6部
p.s.乜野為之"玩釣魚"?
頁:
[1]