黃埔溜冰場+黃埔號船頂?
1.黃埔溜冰場?以前黃埔有個溜冰場,位處於邊度? 收費幾多?
人流同有冇而家西九嘅溜冰場咁多?
點解要拆左果溜冰場? 當年拆果陣有冇人反對?
2.黃埔號船頂?
想問一問黃埔號嘅船頂係咪可以比人上去?(聽母親講以前係可以上去...)
而家吉之島出面有條樓梯,係咪通去船頂?
thx! 船頂曾經係大陸某樓盤的示範單位和售樓處
宜家係咩黎就唔知了... 冰場﹐真係無乜印象。
但係船頂﹐以前肯定可以上去。記得係要先坐升降機上幾層﹐才可以行出去﹐出面行樓梯的。 溜冰場現址為冒險樂園 船頂係可以上去
印象中上面係有一條石梯
以前曾經玩過,好刺激:lol 原帖由 sam745522 於 2012-6-15 12:58 發表 http://www.hkitalk.net/HKiTalk2/images/common/back.gif
1.黃埔溜冰場?
以前黃埔有個溜冰場,位處於邊度? 收費幾多?
人流同有冇而家西九嘅溜冰場咁多?
點解要拆左果溜冰場? 當年拆果陣有冇人反對?
"反對"呢樣野係呢幾年先興,
而且反對o既幾乎都係同政府部門/決策有關連,
但無可否認近年有開始反私人機構決策o既趨勢.
記得最後一次望落去溜冰場, 成個場得兩個人:o
唔知同下午非繁忙時間有冇關係!
至於船頂, 好似唔係成日開俾人上, 有特定時間,
記得有次去到終於開左條樓梯, 上到去係開心,
有條滑梯囉, 但其他好似冇乜特別! 冇錯, 冒險樂園果個位就係當年冰場既所在地.
當時11期商場同宜家一樣, 有三層, 鋪黑色地面, 成個場暗沉沉.
最底層係冰場+超群餅店, 中層係(宜家書局, 反斗城, 琴行果層), 當時有...老麥(開幕至今位置不變), 新城電台(宜家柏斯琴行斜對面果堆鋪, 近老麥果邊整咗D貌似電話亭既物體俾人聽節目. 直播室裝咗大玻璃, 方便顧客'睇'到明星做電台直播.
宜家KFC果個位, 當時曾經係一堆餐廳, 我記得有間餐廳叫南京牛肉面. KFC對出果條電梯當時未擴闊, 電梯底有間電視遊戲機鋪, 專門DUP 超任FLOPPY GAME俾細佬. 電梯對面有間野叫成功書店, 門面都幾大, 賣書賣文具.
沿住宜家大眾書局向入面CORNER行, 以前有間酒樓, 野食麻麻地, 耐唔耐就會轉手一次. 酒樓出面又有另一間玩具店, 專賣閃咭, 氣槍等等. 至於其他鋪, 冇乜特別可言, 翻新前都有幾多吉鋪. 印象中YES STATION有係商場開過, 位置係大約宜家反斗城某一部份.
以前地面商場仲有幾間鋪頭(宜家地面全部變哂地鋪, 我唔當係商場一部分. 以前地面商場有間運動用品店叫做長江, MUJI曾經係佢隔離開過一段短時間. 行入小小有一間大型D既文具店, 叫敬昌. 再行入D就係永安百貨地面果PART(即係宜家CALIFORNIA FITNESS), 不過, 當時永安佔地大過CALIFORNIA FITNESS, 位置大約係宜家11期1座至9座下面.
正如上面所講, 早年11期商場比較黑, 比較暗, 好難谷起人流, 所以大約九十年代中, 或者97前重新裝修過, 舊版商場大約只用咗5-7年. 當時既商場出入口同宜家相比, 有D唔同.
PS: 當時BODY SHOP果個位唔係街鋪, 係有條路行入去11期平台同埋公園 我記得溜冰埸隔離有間馬利奧餐廳，只是隔一塊玻璃，進餐時可以看人溜冰，但是以我所見生意不太好，以前十一，十二期的商埸都是黑馬馬的，十一期間老麥可算是元老店了，一開幕就有了，直至現在；而黃埔號天台有條滑梯的，有條窄窄的滑梯上去的，現在有冇開放就不得而知了；以前十二期有個音樂噴泉的，宜家就改為百佳超級廣場了。 原帖由 SaViOlA 於 2012-6-15 22:25 發表 http://www.hkitalk.net/HKiTalk2/images/common/back.gif
冇錯, 冒險樂園果個位就係當年冰場既所在地.
當時11期商場同宜家一樣, 有三層, 鋪黑色地面, 成個場暗沉沉.
最底層係冰場+超群餅店, 中層係(宜家書局, 反斗城, 琴行果層), 當時有...老麥(開幕至今位置不變), 新城電 ... SALA, Chickeeduck果度以前係新城電台, 記得當年丘凱敏係新城DJ, 見過佢去M記買野食(仲同佢打過招呼)
現在Quicksilver果度好似以前係新城的接待處. 原帖由 sang128 於 2012-6-16 19:15 發表 http://www.hkitalk.net/HKiTalk2/images/common/back.gif
而黃埔號天台有條滑梯的，有條窄窄的滑梯上去的，現在有冇開放就不得而知了
而家封左喇..
百佳變去十二期之前, 係位於時尚坊
頁:
[1]
2