可憐的70後尾，長期「剛好」被政府和社會無視的一群
香港地70後(其實係70後尾啦)，童年正值輝煌80年代，較50後,60後,70後頭既童年富足，不用挨過艱辛的50,60年代。初出茅爐時，社會又似乎較80後面對的好景，似乎很幸運，但其實是很可憐，長期青黃不接、很生不逢時的一群(當然，有錢仔除外)。70後尾的成長歷程：
****************************
80年代末 - 90年代初，約高小至初中，開始對世事似懂非懂的年紀，就在8964過後不久、97陰影下渡過，只知自己大半生，也要活在一個用坦克把自己人民活活輾成肉醬的共匪政權之下。最要命的是到97年，70後尾正是18-19歲，剛成年的一群，屆時香港會否實行強制服兵役呢(共匪「法律」上，確係規定義務服兵役，只是無實際執行)？當年無人知無人討論，亦無上網找資料這回事，只有擔心，因為萬一有，70後尾就肯定剛剛好第一批食到正。
另，當年教畜權威龐大，不論家庭、學校體罰，都仍然普遍(雖然比50,60,70年代，已經算溫和)，面對教畜的無理取鬧濫用職權，70後中小學雞固然只有啞忍，家長呢，往往和教畜同一鼻孔出氣，70後中小學雞在學校受完教畜欺壓，回到家又被父母欺壓，即使較好的家長，也只能敢怒不敢言，無奈啞忍教畜的種種劣行，哪有所謂怪獸家長和港孩(當然，70後尾長大後，如成為新一代教畜，就剛好見證時代轉變，由「先生大晒」變成要受怪獸家長和港孩的氣了)。但似乎不出幾年後，到80後中的一代成長，情況就已經完全不同，到90後的世界更加不用說。
還有每年CE放榜，全港媒體關注，對失敗者的喧寒問暖關懷鼓勵之聲，不絕於耳，唯獨96年CE(70後尾，尤其79年生，可能撞中的一屆)，放榜之日，竟撞正千年未必一遇的李麗珊凱旋榮歸，史無前例的全港歡騰，CE雞？誰有空去理會？
****************************
90年代末 -00年代初，初出茅爐，大概也是香港陷共之時，甚麼建華之亂(暫停聘請公務員；合約制及外判盛行；強姦金；鼓吹所謂「持續進修」、「資源增值」、「知識型經濟」...全都是剝削欺壓、加辛減薪的修飾詞，實際使多樣工作要求提高、工時和工作量增加，但薪金、福利、人手減少；不提私人市場嚴重奴工化、不提港特首高官薪金高過美國總統幾倍，不提任一招薪金高過格老十幾倍.......反指待遇相對合理的基層公務員「薪金太高、福利太好」，實則煽動奴工對基層公務員作「黃子華魚旦論式」仇視，以在窮人鬥窮人，打工仔鬥打工仔的內鬨下，更易聯同傷家對奴工加辛減薪......)、金融風暴、科網泡沫爆破、911、沙士......如輪大米般輪完一鑊又一鑊，初出茅爐頭十年八年，就在如此地獄下渡過。05年前，如果無升職，基本上不減薪也凍薪。
****************************
00年代末 - 今，接近或到了而立之年，可能開始有點事業成績和積蓄，是時候計劃、或已開始人生另一階段：置業、結婚、成家立室、生兒育女........這時就來金融海嘯、次按危機、樓價狂升、雙非蝗蟲霸佔醫院床位產卵、掃奶粉.........
****************************
還有，政府的福利和支援配套，如設有年齡限制的，似乎總是和70後尾，尤其78年出生的過不去。
1.剪翅，99年推出，限15-19歲，70後尾剛好超齡，幾年後放寬至15-24歲，70後尾仍是剛好超齡。
2.再培訓，92年推出，限30歲+，70後尾長期未夠秤，又「剛好」地，到08年，70後尾接近或剛踏入30歲+時，就來放寬至15歲+(即是說，08年後，15-24歲既「離校非在職」青少年，同時食剪翅同再培訓兩家茶禮，70後尾卻是剛好青黃不接，兩家的年齡放寬也是剛好毫無意義)。
3.老董的房屋政策，如八萬五及首置貸款，約98 - 02年間推行，正值70後尾初出茅爐(兼遇著奇劣就業環境，薪金普遍奇低)、甚至仍是專上學生時，大部份70後尾均未有能力置業，因而很少人能受惠於這些政策。
4.新鮮熱辣、建議中的青年宿舍，預計14年落成，但照慣例，能夠15-16年落成，已經要還神.......限18-35歲，即是，70後尾，又是極大機會剛好超齡。即使如期14年落成，78年出生者，屆時剛36歲(如已過14年生日)，又是好剛超齡，只有79年出生者能勉強趕上尾班車。
可以說，政府多項有年齡限制的福利和支援配套，對70後尾來說，也是剛好不能受惠，幾乎只有青少年見習就業計劃(02年推出，限15-24歲，或可以23-24之齡蜢到車邊)、和11年的$6000例外。
可能有人會話，你條廢柴冇本事，至要搵咩剪翅再培訓過日晨者，你有本事既話，仲使稀罕呢D狗屎垃圾？要怨就怨自己廢啦！
唔好意思，用七年讀完F1-F7、CE AL一剔過、冇repeat過冇去過乜ive副學生遊花園，jupas入八大full time UGC degree，夠本事未？一樣死！以78年生為例，如果咁樣直上的話，讀普通三年制degree ，00年大學畢業，撞正科網泡沫爆破，+ - 一兩年亦唔好得幾多！
再本事D，讀醫科喱！又點呢？78年生者又係最可憐，直上的話，02年大學畢業，同時去醫院開始一年實習醫生生涯------即係一入行做個實習醫生仔，就整單沙士畀你「學以致用」！夠晒「刺激」未？死未？問你怕未？
從小到大，每個年代和階段也處處碰壁，每一次也是因年齡而剛好錯過政府的福利和支援配套(除了青見和$6000)，就是70後尾的成長寫照。
70後頭，約90年代初投身社會，都仲有幾年似樣既水尾食下.......
70後尾投身社會，食正
一.97-98年金融風暴
二.97-05(?)年建華之亂
三.00年科網泡沫爆破
四.01年911
五.03年沙士
抖幾年氣，再黎...
六.08年金融海嘯、次按危機
此時，70後頭已上岸，80後就 97 - 03都未到佢地受(除左80後頭可能食到00 - 03)。
只有70後尾，中晒6Q ，連中六元 ，so sad程度舉世無雙~!
70後尾同之前，都係賓賓未普及既年代中長大既一群。
60後至70後頭，前段辛苦，後段舒服。
80後90後頭，前段舒服，後段辛苦。
90後尾，前段舒服，後段未知。
70後尾呢？前後段都一樣辛苦！
[ 本帖最後由 mckhgc 於 2012-8-16 14:21 編輯 ] 只可以講, 回歸後十年時間; 1997-2007 呢段時期畢業的香港土生土長人都好慘
(有錢仔除外)
2006年後, 簽咗CEPA補充協議三, 打後之兩三年, 香港就業市場開始才見好轉
雖然樓價飛升, 但就業市場係暢旺過以前十年
不過依家八十尾及九十後, 新仔們在就業上又遇到『學歷膨脹』問題。
（指學歷要求加升，degree的『購買力』降低至十多年前CE的水平） 我在實驗室都聽過70尾師兄當年沙士時被大幅減薪，
算是極少數剛剛投入職場無耐便要被減薪的一群，而且加返上去一定慢過減。
我呢代就一開始已經唔高，無比較無失望，更乘經濟復甦之機有得加人工。
不過我都會諗，以這個社會結構繼續做落去，我可能老來都唔夠錢使。
64時我都只係好細個，淨係識睇卡通片，大少少的表姐就跟姨丈去遊行了。
但除了怨「剛好」唔夠運之外，還可以點呢？
政府無奶油要特別照顧某一個年齡層的市民，
正如捱過二戰內戰的老人也沒有得到特別優待便已經辭世了，
而家受惠於多種老人福利的係戰後baby boomers－可以話係成世人都好幸福的一代。
[ 本帖最後由 DIH 於 2012-8-16 16:29 編輯 ] 我係剛剛踩界的70後(即係身份證係Z字頭的1979年12月出生人士), 當年出來找工作剛好是911事件之後, 記得在澳洲剛回港, 乜工作都唔請人, 最後搵到一份外判的圖書館助理, $25一小時, 一個月才得四千多.......
之後就爆沙士, 諗住做下保險, 點知果陣D人根本就冇錢, 仲搵鬼同你買保險, 結果幾個月就拜拜, 之後只找到一份私人助理做下, 得果$4000人工一個月, 仲成日加班, 只係好在有得間唔中黐飲黐食.
後來見稍為好景, 05年底辭了工, 點知一找就找了四個月才找到一間學校做TA, 之後叫做穩定少少, 做左五年才找到另一份長工. 原帖由 gordon 於 2012-8-17 13:06 發表 http://www.hkitalk.net/HKiTalk2/images/common/back.gif
我係剛剛踩界的70後(即係身份證係Z字頭的1979年12月出生人士), 當年出來找工作剛好是911事件之後, 記得在澳洲剛回港, 乜工作都唔請人, 最後搵到一份外判的圖書館助理, $25一小時, 一個月才得四千多.......
之後就爆 ...
果個時期老板話一切頂，果時TA我聽過有3000都無.....癡線
之後政府話經濟好，仲有5K一個月既工，我都唔知咩人先生存到.....
家下最低工資，有錢佬先被逼追翻一D上去，但講真，家下咩野都貴過97前幾倍，但人工平均仲低過97前幾%，有錢人一D都唔面紅，只會話你地無本事 原帖由 DGCNYO 於 2012-8-17 20:29 發表 http://www.hkitalk.net/HKiTalk2/images/common/back.gif
果個時期老板話一切頂，果時TA我聽過有3000都無.....癡線
之後政府話經濟好，仲有5K一個月既工，我都唔知咩人先生存到.....
家下最低工資，有錢佬先被逼追翻一D上去，但講真，家下咩野都貴過97前幾倍，但人工平均仲低過97前幾%， ... 但家下70後尾果班仍在捱打狀態, 仲有班80後, 90後頭加入勞動人口, 幹勁我們不及人(過30歲了), 但奈何是有10年的工作經驗卻不及很多較後生的......
最低工資之後, 其實很多工種根本就請唔到人, 一個尖沙咀賣雞蛋仔阿嬸出到過萬元月薪, 但請人塊牌長期張貼.
新聞透視都訪問過阿信屋, 東涌的分店一個店員的月薪係14000, 仲要出到呢個價先請到人(但同區有學校做一個文員出的人工竟只有7000)
但想起最低工資實施前的艱辛日子, 一個外判圖書館助理一個月才4500左右, 一個文員才$7000, 當年識得有朋友在澳洲大學畢業回港才月入6000, 她剛比我年長1年(同月同日生), 這些就是70後尾在初出茅盧的機遇......不可同日而語了 每個年代都會有人歡喜有人愁, 唔係話有學歷/有經驗/有人撐......就得,
個人性格/了解自己/際遇/做人態度/心理素質......都會對工作/事業有唔同程度影響,
認清楚自己, 總唔需要愁前路, 即使由出世到畢業呢十幾廿年有幾不濟,
一切已成過去, 要望o既係前面, 而唔係力數之前大環境帶出來的不是.
「剛好」被無視亦係每個年代都有, 雖然小弟唔知「教畜」一詞為何,
估計唔會係好o野, 70後(尾)經歷過o既, 70後(頭/中)/80後(頭)一樣有經歷,
96年CE放榜遇著珊潺奪金都計?! 小朋友咩~:L
持續進修, 資源增值, 知識型經濟等等根本係世界趨勢, 停留o係8/90年代標準,
只有死路一條, 香港人唔係想淪為其他國家o既外勞卦!
小弟是80後, 911前一星期出來做事, 食正晒911, 沙士, 金融海嘯,
01年出得黎做野學歷唔荒高得去邊, 整體家庭環境質素低無可低,
更遑論有屋企人幫助, 比一般70後(尾)大學畢業生更難捱.
後者捱得過沙士, 基本上04/05年跳出去楂住大學學歷, 有三四年工作經驗,
捱過沙士呢段時期, o係僱主眼中其實好吃香, 縱使人工依然好低,
但工作表現累積落去, 好o既話08年金融海嘯都冇有怕, 過渡到之後,
09/10/11年要升職有機會, 加薪一成成咁上都仲得, 能力問題而已.
78年出生, 當年仲想靠展翅/青見翻身, 真係不能同意更多呀廢柴,
就算俾你入到去, 一樣係hea住讀, 你唔hea人地原意都係hea, 冇變過,
hea完出黎認受性有幾高呢......有心進修或者轉型唔係讀呢d囉,
作者要多謝有關方面唔侵你78年玩呀!
讀到醫科, 02年畢業後, 第二年實習撞正沙士唔係應該珍惜咩, 咁都好怨?
呢篇野睇完雖然得啖笑, 但又睇唔過眼怨氣泛濫.
用黎抒發不快都仲得, 鋪埋出來俾人欣賞, 意圖用大量數據博取認同70後尾被無視,
怨氣甚濃, 希望樓主篇野o既作者係另有「奇」人! 我只係接觸過極少量工種（我爸駕巴士，我在大學做），
真係唔知道，原來911/沙士期間人工低得咁緊要。:funk:
我爸當時都臨退休，睇返我地屋企情況應該無乜減過人工（最多只係凍薪），
到幾年前退休時一個月糧連獎金之類垃垃雜雜計埋係一萬幾千，
相比之下有文職去到6000甚至4500我真係而家至知，
如果係實施最低工資前這段記憶猶新的時間，出4500真係剝削得好離譜。
而我之前講有師兄被減薪，減極都有過萬，而家同一職位我諗係漲返兩三成。
私人市場始終好受老世影響，唔刻薄做唔到老世，良心僱主真係絕無僅有。:hug: 原帖由 DIH 於 18/8/2012 09:31 發表 http://www.hkitalk.net/HKiTalk2/images/common/back.gif
私人市場始終好受老世影響，唔刻薄做唔到老世，良心僱主真係絕無僅有。 ...
唔係個個都咁叻，又有良心又賺到錢，
有啲中小企，可能真係 keep 到好啲待遇都會破產，
大嗰啲可能仲要向股東交代，
有啲股東比員工更加依賴公司盈利生存。
做良心僱主，背後可能都係趕緊一班人去死。
所以我從來唔會對啲管理層有期望。 呢兩年政府先至請番ACO (助理文書主任, 適合中五至大專學歷)
根本就益晒90後
我地80後畢業的, 正值一般職系級的公務員凍聘期間 (紀律部隊除外), 辛酸歲月就在y2k裏度過, 打工不單止無希望, 而且很多都係 contract 或者日日見人被叮叮, 人心惶惶.
依家雖然請番ACO, 但唔通叫我地呢班80後, 個個有exp. 的去轉行咩? 又要同班 flash 爭工而 offer又不會比 flash 更高, 不論年紀經驗, 大家只能由11K人工做起, 80後蝕晒.:(
[ 本帖最後由 barking 於 2012-8-18 14:22 編輯 ]
頁:
[1]
2