長遠合一, 我諗一日未到 2047 呢樣野都好難可以實現,
始終香港人意識形態早就入哂腦, 認為大陸始終同香港有分別, 至於乜野分別大家解讀點都有唔同 (但係大多數都係負面), 總之就係有分別
你而家無啦啦話要同大陸深 ...
其實如果只講"香港人", 就是太簡化, 事實上香港最大問題, 係香港人本身都開始由多元化, 走向2極化
事實上, 成幾年前高鐵我都開始講, 其實香港好多人行動上已經做緊中港融合....最直接, 點解有咁多
"港人內地所生子女"? 因為中港融合lor, 就算未回歸已經開始緊, 亦是最直接的開始, 香港人同大陸人
咁唔同, 都可以結婚生仔, 唔知大家身邊d親戚又有無人係中港結婚, 我自己都有, 相信亦唔少...呢d唔係
中共迫出黎...
同樣, 碧桂園等大陸物業, 早係內地人黎香港買樓之前, 亦係90年代開始, 唔少香港人北上置業, 再講
工作, 其實好多公司都會接大陸job, 要北上工作有增無減.....包括唔少外資公司....
我唔係話香港同大陸一定要一樣, 先叫融合, 而是講緊大家越來越多互動關係
講返深圳, 同樣不斷同香港融合, 我好細個80/90年代返去, 好恐怖, 依家, 香港有的飲食同消費方式,
交通方式, 好多跟晒香港, D 商場成個香港模式搬過去, 香港MTR 越來越多內地地鐵營運, 連深圳D
交通警衫, 都同香港一樣了...有時上到深圳, 有D位真係覺得好似香港......去到吉之島一D...(佢地抄我
地仲多...)
之前係大學都要同唔少內地人一齊, 直d講, 北方d內地就真係難d搞, 但南方廣東省一d, 唔知係唔係
睇得香港電視多....講野行為唔少都好似了....當然仲有dd唔同...
即我從來唔同意任何野係迫出黎, 我唔覺得2地政府要去迫, 但當發現唔少野自然地已經進行中, 就明
白到那方向改變不了..最終合一時間要幾耐, 速度要幾快, 就等D人自己決定, 只要基建適量配合返
就OK...
當然, 係呢個過程, 中間係會有D反彈, 呢D好事黎, 正如廣州都會有保衛廣州話的行動, 文化係要
保存, 而係呢個過程中, 我認為香港仍然做到主導角色...而最大問題/障礙都係民主等問題...
再睇返歷史, 其實香港最早由英國人統治香港島, 之後九龍半島, 再之後先新界, 本身個融合都係
不斷北上, 而到今日, 一個香港市區人, 同新界原居民都可以好唔同, 大家更有唔同法例下的權益,
但大家咪又係活在"香港人"這名字下....咁又叫唔叫合一左?
[ 本帖最後由 3ASV196 於 2012-8-25 02:22 編輯 ] 我個人無咩特別意見，但我覺得以下文章似乎亦是一家之言，不妨看看：
http://tsuisioming.blogspot.hk/2012/08/120822vs.html
頁:
1
[2]