九巴實行站長室電腦化後，仲有司機夠膽收工偷雞唔入總站?
九巴實行站長室電腦化後，仲有司機夠膽收工偷雞唔入總站?
據小弟了解，除左極個別總站 (例如上村、錦上路西鐵站) 及只有特車開出既總站之外，
九巴絕大部份站頭都設有電腦同拍卡系統協助管理及紀錄派車，收工車即使無客，站長已經收工，
都需要到站頭電腦拍卡。
小弟上年都曾經開過文貼有 93K 寶林尾車司機夠膽趕客落車:
http://www.hkitalk.net/HKiTalk2/viewthread.php?tid=590706&highlight=
而當年旺角火車站站長室未有拍卡系統，有好幾個掛牌司機成日偷雞收工單唔上火車站直接私返廠收工。
但近來小弟連續兩次見到 93K 寶林開 0002 既尾車 (一次係 LF3258 另一次係 LB6946)，夠膽唔上火車站直接私返廠。
早兩晚更加發生比之前更令小弟大開眼界既趣事，話說而家 93K 旺角方向已經取消左旺角道同埋洗衣街水務署分站，
彌敦道奶路臣街站唔落，就要直上火車站先有得落。第一次小弟見部車去到洗衣街/亞皆老街街口應該係全吉車，
司機響燈口停車時，離開駕駛艙行左上上層一轉，之後即刻熄燈轉私牌，然後亞皆老街直接直行走，無上到火車站。
第二次就勁咯，小弟坐中呢班車，過奶路臣街後，淨得小弟同埋兩名女乘客仲留響車上，點知同樣去到水務署個燈位時，
司機竟大叫：「去火車站既呢度落曬」，然後響紅燈口開落車門 (完全唔係任何巴士站位)，兩名女乘客似乎不知所措，
惟有照「指示」落車，我又跟埋落車睇下佢玩乜花款。點知呢班車又再重操故技，即刻轉私牌熄燈，然後轉左出亞皆老
街後無轉上聯運街，直行亞皆老街，睇怕都係直接私返將軍澳廠收工!
下，乜而家總站設有站頭電腦既路線都可以收工唔拍卡架咩? 仲夠膽咁寸為左提早收工趕人落車? 真係嫌投訴得少咩。
趕人落車 咁惡嘅:L 梗可以架, 只要站長同車長一早溝通左咪得, 兩種做法
1.) 旺角清客, 再係私牌期間打電話俾站長報到就攪掂
2.) 站長一早入埋架車到站時間, 例如十二點半就入定電腦打架車一點到站
不過據小弟所知旺火站長都唔會等埋呢班車先番廠
所以都可以肯定兩者都有問題
玩到趕人落車既遲早都會爆煲, 一收投訴兩個都殺得 呢個世界有電話呢樣野既~~
好似樓主提及既case...
架車都就到總站, 又無客
打個電話比站長報到,咪收工囉
至於趕人落車.....咁又唔岩既~:lol 之前都都見唔少上秀線唔入上秀總站就直接走人:L
*幾時見到嫁 (PM講) 你話無客其實都無咩問題
但趕人落車呢個真係值得投訴,
宜家個司機渣緊紅小咩? :@ 其實有時日間所見, 就算總站有拍卡系統, 車長都係打電話報到, 係點解呢? 原帖由 GF2158 於 2012-8-25 01:25 發表 http://www.hkitalk.net/HKiTalk2/images/common/back.gif
梗可以架, 只要站長同車長一早溝通左咪得, 兩種做法
1.) 旺角清客, 再係私牌期間打電話俾站長報到就攪掂
2.) 站長一早入埋架車到站時間, 例如十二點半就入定電腦打架車一點到站
不過據小弟所知旺火站長都唔會等埋呢 ...
趕人落車都算嚴重啦,另外我也發現一個情況,就係好多冇站長而有拍卡機既總站,好多車長到站後,會先睇報紙,去TOILET,賭下錢,等到過晒鐘
先拍卡,然後拍卡機顯示"巴士過鐘到站,休息3分鐘開車". 想請問佢地係做緊紅小定巴士？
無法無天嗎？ 上個星期見到有架KMB 81，新城市落曬落就打私牌，熄燈走人:D
頁:
[1]
2