(建議) 蝕錢線繁時20分, 非繁30分, 定點班次, 會否可行
蝕錢線都無咩人坐, 不如繁時20分, 非繁30分, 定點班次, 大家等車有得預, 好似76K模式咁, 是否可行?如85同85B, 可以行聯合班次, 好似新巴23A同26咁, 繁時可做到10分鐘一班, 非繁15, 已經好好
至於3M果類線, 俾小巴做會更好 3M返學時間連埋攝車都唔夠載
淨計彩雲總站都排住百幾二百人等車
放學時間即使較疏,但都可以企滿落山
轉畀小巴?一個鐘開幾多架先夠? 板主, 不要問我地, 問九巴, 問運輸署, 甚至問下你當區嘅區議員吧。
確實, 呢個係一個好理性好實務嘅建議。 有啲蝕錢蝕勁多的線我寧願佢40分鐘一班都唔好搞30-35分鐘一班:lol (off topic)有啲小巴線好多人坐好多人排隊
但小巴服務明顯供不應求 而呢個情形我諗小巴公司無理由唔知
希望九巴可以考慮下開繁時線去清客 定點班次就固然係好.
但15-20 分鐘呢D問題都唔係太大.....
最緊要開足班次....
每日都係同一時間開....
唔好鐘意就今日收一架車,明日收兩架,後日開足車....
搞到日日既開車既時間都唔同.
咁樣一定留唔到熟客,
而生客遇到咁O既班次就當係20分鐘咁等啦.....
(但係而家O既問題就係等到過左最長個時間都係唔見車...)
[ 本帖最後由 barca_399 於 2012-10-19 19:53 編輯 ] 原帖由 流星☆雨 於 2012-10-19 19:15 發表 http://www.hkitalk.net/HKiTalk2/images/common/back.gif
(off topic)有啲小巴線好多人坐好多人排隊
但小巴服務明顯供不應求 而呢個情形我諗小巴公司無理由唔知
希望九巴可以考慮下開繁時線去清客
開條261S幫手清客啦. 你標籤咗條線要放棄
咁班客就會同你一齊放棄條線
咁你要救線定殺線? 開定點班次未必係巴士公司既想法
始終有唔少路線好想陰乾，當然係要你等唔到車，趕走晒D客先安安樂樂
如果改行定點班次
我覺得巴士公司無咁易答應
或者可能拋其他條件，例如行定點之餘，轉行循環線
到時中途班客都係好難等車
循環線一方面可以有條件做到定點，二黎因為要將兩邊休息時間合併做一個
唔介意抖少D既司機就會更碌車，但可以達至碌車而不脫班
我搭開既循環線，如果半個鐘為一轉，誤差較少，約3-4分鐘，有時係中途等車，d時間可以好靚，keep到班次表既間隔
但如果係超過一個鐘一轉，誤差就會較大，最多會比編定班次等多10分鐘 不如學澳巴15,21,21A咁60-85分鐘一班好過啦
(嶼巴A35就30-585分鐘一班,不過人地會列出每班車開車時間,反觀九巴除左14C之外就列埋晒D 1x-2x分鐘既無法準確預算時間既班次,當然容易俾人投訴班次失準啦)
[ 本帖最後由 HE7921 於 2012-10-19 23:16 編輯 ]