原帖由 dongfeng 於 2012-10-28 22:46 發表 http://www.hkitalk.net/HKiTalk2/images/common/back.gif
政府應該改善羌山道及大澳道的路面，以便巴士公司將往返大澳的巴士雙層化，改善巴士服務。:victory:
與其改善羌山道及大澳道的路面，不如參考例如呈祥道、龍翔道、大埔公路、屯門公路、新清水灣道等成功既例子，興建一系列貫通大嶼山山區既快速公路或者半快速公路仲好過啦。:lol
原帖由 cheungtszfung 於 2012-10-29 00:33 發表 http://www.hkitalk.net/HKiTalk2/images/common/back.gif
無錯，點解離島區東涌、欣澳同機場由九龍西聯網管只係因為青馬大橋可以快速送病人到瑪嘉烈，其他地區好靠直昇機，市區大部分醫院都無直升機場，東區係少數市區醫院有呢設備，所以只可以放入港島東聯網 ...
北嶼醫院都起緊
相信到時大嶼山會轉網的了
原帖由 neosan 於 2012-10-29 12:15 AM 發表 http://www.hkitalk.net/HKiTalk2/images/common/back.gif
大澳/梅窩係港島東聯網... 真係百思不得其解..
其實長洲都有醫院.. 南大嶼山可唔可以起返間?
應該係歷史因素﹐以前未有青馬之前﹐所有人都要靠船。
當時只有大澳及沙螺灣﹐假日有船出屯門(市區)﹐東涌每天都有船出屯門。
其他地區﹐全部要靠梅窩坐東出中環﹐所以以往都視為港島區的體系。
但是﹐青馬開通﹐再加東涌道的擴闊﹐嶼南地區的醫療需要﹐已經多了另一個方法﹐便是經東涌去瑪喜烈或荃灣仁濟。
如果現時仍然都係整個大嶼山歸港島區﹐這便大問題了﹐東涌的人便會仍舊要去香港區求醫;P
而老實講﹐除非要用到直升機的運送病人/傷者外﹐現時嶼南地區(包括大澳)﹐都係用車送到梅窩轉水警出香港﹐整體時間都係會較快的。
至於白車的救護員是否可以按傷者/病人情況﹐甚至天氣(海面)情況﹐向控制中心要求直接經東涌出瑪嘉烈/仁濟﹐我覺得係有機會存在的。
長洲間醫院﹐其實都係掛名而已。
入面的醫護人員﹐其實少之有少。晚間危症﹐只係1位醫生+2位護士(之前上過報紙講過的)﹐稍為大病大症﹐便會由醫生決定call直升機﹐定係叫水警轉送出中環。
上面都有人講了﹐位於東涌的北大嶼山醫院即將完工﹐當正式使用後﹐所有大嶼山的危症求助及一般醫療﹐都會由北大嶼山醫院負責﹐介時聯網的分配會再作適當的改動。
原帖由 paul2357paul 於 2012-10-29 06:47 AM 發表 http://www.hkitalk.net/HKiTalk2/images/common/back.gif
與其改善羌山道及大澳道的路面，不如參考例如呈祥道、龍翔道、大埔公路、屯門公路、新清水灣道等成功既例子，興建一系列貫通大嶼山山區既快速公路或者半快速公路仲好過啦。:lol ...
請留意大嶼山有幾多地方是屬於郊野公園﹐在郊野公園入面再建一條新路﹐便要過環評﹐又要面對環保團體的反對﹐唔計建築成本及施工期因素﹐起碼要爭議幾年﹐都未必可以落實興趣。
而事實上﹐由大澳建一條路到東涌﹐成本係非常高﹐但亦只有假日才有合理的需求﹐成本效益的情況下﹐真係唔係太值得建此路。
反而﹐想方法去把現有道路優化﹐拉直﹐減少斜道﹐擴闊等工程﹐更合乎成本效益。
原帖由 cheungtszfung 於 2012-10-29 12:33 AM 發表 http://www.hkitalk.net/HKiTalk2/images/common/back.gif
無錯，點解離島區東涌、欣澳同機場由九龍西聯網管只係因為青馬大橋可以快速送病人到瑪嘉烈，其他地區好靠直昇機，市區大部分醫院都無直升機場，東區係少數市區醫院有呢設備，所以只可以放入港島東聯網 ...
直升機不是一個重點﹐而係送院所需的時間問題。
以大嶼山要出動直升機去運傷病者﹐可降直升機的地方除了港島外﹐仲可以選擇最近的機場(飛行服務隊基地)﹐亦可選擇屯門醫院﹐屯門醫院也有直升機位的。
不過﹐唔係所有傷病者都係需要用直升機的﹐大部份人都係會用車運去碼頭轉水警出市區的。
一般來講﹐嶼北(包括大澳)係出屯門會較快的﹐嶼南經梅窩轉船出中環會較快的。
聯網考慮點﹐即係送去最近的醫院考慮﹐應該會此方面。
直升機問題﹐反而係睇飛行服務隊本身安排 或 幾家可供直升機降落的醫院安排﹐不是聯網的考慮因素。當要用到直升機(唔計被濫用)﹐一定係最急的﹐便會送去最直接的醫院﹐已經不用去想聯網問題。
原帖由 kei_hk 於 2012-10-29 10:45 發表 http://www.hkitalk.net/HKiTalk2/images/common/back.gif
請留意大嶼山有幾多地方是屬於郊野公園﹐在郊野公園入面再建一條新路﹐便要過環評﹐又要面對環保團體的反對﹐唔計建築成本及施工期因素﹐起碼要爭議幾年﹐都未必可以落實興趣。
而事實上﹐由大澳建一條路到東涌﹐成本係非常高﹐但亦 ... 東涌不是有單車徑經沙螺灣往大澳嗎？
原帖由 HE7921 於 2012-10-29 12:17 PM 發表 http://www.hkitalk.net/HKiTalk2/images/common/back.gif
東涌不是有單車徑經沙螺灣往大澳嗎？
這是一條行人小經 (我唔會視為單車徑的)﹐大部份只係有一條約2個人闊度的石屎路小經。東涌起點有一段路﹐近沙螺灣至機場雷達站(定係天文台儀器站)﹐深屈附近有一部車的闊度。
但此部份所估的長度﹐只是很短。
而這條小經﹐係一直去到大澳的﹐中途經過深屈﹐有車路可達﹐而沙螺灣到深屈的尾段﹐當年曾經做過工程﹐闊度又有一部車輛的闊度﹐勉強可供私家車行駛。
除了深屈一小段有接上車路外(深屈道)﹐勉強可行車外﹐所有路段都係車輛無法駛入的。
去到大澳會係山路﹐仲有樓梯級。
少部份做過山坡工程﹐會闊些少。
[ 本帖最後由 kei_hk 於 2012-10-29 12:46 編輯 ]
加開船仔去東涌吧, 而家收屯門價 $30一位太趕客了, 收$25 去東涌可以接受啦,
最好準備埋接駁巴士由東涌碼頭去地鐵站, $3 一位差不多,
船程維持在30分鐘左右就有吸引力了, 起碼唔使搭巴士咁暈車浪海上嘅景色都吸引d 呀。
原帖由 leochill 於 2012-10-29 12:42 發表 http://www.hkitalk.net/HKiTalk2/images/common/back.gif
加開船仔去東涌吧, 而家收屯門價 $30一位太趕客了, 收$25 去東涌可以接受啦,
最好準備埋接駁巴士由東涌碼頭去地鐵站, $3 一位差不多,
船程維持在30分鐘左右就有吸引力了, 起碼唔使搭巴士咁暈車浪海上嘅景色都吸引d ...
:lol膠力十足,仲要搵接駁巴士,真係傻傻地.
原帖由 chiukit2001 於 2012-10-29 03:47 PM 發表 http://www.hkitalk.net/HKiTalk2/images/common/back.gif
:lol膠力十足,仲要搵接駁巴士,真係傻傻地.
老實講﹐唔算什麼膠建議。
事關東涌碼頭本身有 e31﹐好似仲有一條城巴對外市區線的﹐的確係有條件分流的。
同一時間﹐亦有東涌的本區線﹐只要適度調整﹐便可方便接駁東涌mtr。
反而﹐船的班次唔係多﹐船亦唔可以用大船(要顧及東涌碼頭則邊的行車跨海天橋)﹐疏導能力真係有限。