淺談tvb花旦
本文我會盡量以持平心態去寫tvb近代新花旦的一些感覺和分析優點和缺點，如果覺得唔夠持平，歡迎大家討論首先分析係近代網上所講的五位一線花旦:
胡杏兒: 近代冒起得最快的一位花旦，時裝很靚，特別演喜劇是五大花旦之中最好，但古裝就麻麻地，同埋喊戲或內心戲仍未夠入心，仍需努力。
楊怡: 少數由訓練班上位到一線的花旦，古裝同時裝皆宜，內心戲原本不錯，但近年開始流於表面，但近年每部劇都有喊戲，令人感覺很煩厭。
鍾嘉欣: 一樣是時裝古裝皆宜，樣子甜美，很容易入屋，但樣子所限，只適合乖乖女角色，雖然之前曾演反叛角色，但感覺甚為吃力。
陳法拉: 資歷係咁多位之中最淺的一個，內心戲唔太ok，但係演古靈精怪或者喜劇角色很是不錯。
徐子珊: 整批花旦之中演技最放的一個，不過演奸角會較其他四位花旦為好，但外型所限，古裝造型有種格格不入感覺，時裝就很是不錯。
現在講一批認為可以上到一線新世代花旦:
陳茵媺: 可能係外國多年，聽佢講對白仍有時會感到佢有些口齒不清，但近來睇《大太監》時，覺得有改善，至於演技見出她很努力，但因為可能要顧住廣東話對白，內心戲仍需改善。
黃智雯: 新世代花旦之中最睇好的一個，時裝民初造型都不錯，不過短頭髮打左個折扣，長頭髮較有女人味道，而內心戲算係新花旦之中較好的一個。
李詩韻: 整體表現絕對唔差，但tvb前幾年好像無出力捧過佢，時裝同古裝皆宜，前幾年演技很表面化，但近年兩部劇睇得出內心戲開始有花功夫去準備。
田蕊妮: 近年從亞視過檔，做硬朗角色很受人接受，但小家碧玉就很吃力，內心戲不錯，時裝好睇過古裝，古裝有少少唔太順眼。
胡定欣: 入行年資比起上面的幾位新花旦為耐，時裝古裝皆宜，內心戲演出來很有感覺，但係樣子無咩特色，同埋之前做左多年奸角，令入屋難度增加。
頁:
[1]