反而第二輯印度，
記得播放出街後有觀眾願意捐款協助一個貧困家庭，
該貧困家庭係一個祖母同兩個孫，
後來得知該祖母係節目播放出街前已經過身。
其實呢一輯仲有個下文
記得之後再播番一輯
講番多年前曾經搵過既中國人既現況
原來雖然呢對小姊弟
「終於」同佢地既父母團聚
但係...生活竟然比起以前
同佢祖母一齊居住時更差！:o
原來佢地既父母(尤其係母親)
根本冇乜意慾去照顧佢地兩個
反之就只會重視佢地排行第二既仔
(原來大姊排行最大
細佬則排行第三)
結果細佬自同父母團聚後
多次離家出走
結果被送入一d 類似香港既男童院既地方
而家姐我就唔記得佢去邊喇
好似係去左寄宿學校
記得個女仔響節目度講過
佢好後悔同番佢父母團聚
因為咁樣反而令佢同細佬分離
就連King Sir都講
當初呢對小姊弟既願望
竟然成為佢地而家既遺憾...
當時都有影佢地既父母
佢父親似乎確係顯得有點無奈
佢確係好似有點有心無力
但佢母親就...
當時睇見佢既嘴臉
似乎對佢呢一對兒女
根本冇乜親情可言
睇完呢集之後
我都響度諗
其實呢次係咪真係好心做壞事呢？ OT
公共圖書館有尋找他鄉的故事既書，
係同電視播既內容差唔多的，
有興趣可以去搵下 .. @@"
頁:
1
[2]