平日早繁 荃灣 往 九展 的最快方法 (己完成)
早上約8時出發，由荃灣站或荃灣西站起錶，35分鐘內要完成全程1. 正路係搭去九龍灣站轉穿梭巴士，但港鐵車程己經佔32-33分鐘，有D忟。另問穿梭巴士返工時間會唔會排長龍？
以下2, 3, 4呢三個方法會唔會快D？
2. 西鐵往紅磡轉215X；
3. 西鐵往尖東轉乘13X, 98D, 219X, 224X或296D。
唔似得轉215X幾乎全程高速，但一次過叫5飛會唔會有著數過齋等215X？
4. 地鐵往佐敦轉乘13X, 98D, 219X, 224X或296D。
地鐵車程會稍長，但呢5線巴士差不多上快速公路，會唔會再好D？
5. 其他方法。會考慮以的士作短程接駁，但唔傾向搭荃觀紅小或42C，幾年前搭落，總行程相對全程港鐵無乜著數，加上站頭較遠。
謝謝提供
[ 本帖最後由 s3n370 於 2013-3-19 22:20 編輯 ] 若果荃灣西出發的話
個人傾向西鐵線-->215X
西鐵線佔去大約20分鐘時間
215X有望15分鐘內完成
荃灣站附近若果近千色店
個人傾向坐官荃落13座再行上去轉免費車
小巴有望20分鐘左右完成
行得快兼九展車唔使等都可以趕得切完成
另外,荃灣落佐敦都已經用咗25分鐘(根據港鐵網站)
行番上地面再轉巴士出都應該趕唔切10分鐘內完成
另外,想等哂5條線只可以行去勞資審裁處
(因為98D/296D停柯士甸道,13X/224X/219X停南京街)
相距港鐵站又遠咗些少
尖東去佐敦(上公路前),各巴士線大約要10分鐘
所以基本上去尖東轉呢5飛都係冇乜可能趕得切
全程港鐵可以話畀你聽實趕唔切
(根據港鐵網站,荃灣-->九龍灣:34分鐘;荃灣西-->九龍灣:37分鐘)
基本上閣下提供嘅方法只有西鐵轉215X有較大機會趕及
其實整體得35分鐘都係好炆水...若可行,建議預多10分鐘時間
[ 本帖最後由 JX9097 於 2013-3-18 14:54 編輯 ] 叫五飛好過叫單飛215X, 有兩/三飛係循環線, 唔怕回程變左私牌有排等,
個人傾向建議西鐵線落尖沙咀彌敦道等13X/219P/219X/224X, 應該快過荃灣線落佐敦轉.
如果215X真係開到班次表上5-9分鐘一班先考慮啦.:P
另外, 35分鐘真係好忟水, 建議預多少少時間.
[ 本帖最後由 EX-TL 於 2013-3-18 16:14 編輯 ] 原帖由 s3n370 於 2013-3-18 14:07 發表 http://www.hkitalk.net/HKiTalk2/images/common/back.gif
早上約8時出發，由荃灣站或荃灣西站起錶，35分鐘內要完成全程
2. 西鐵往紅磡轉215X ...
去POLY 等車 有5 /28 照上 企一個站到山谷道轉 13X 215X 219P/X 224X................... etc
近西站重可以搭 238P，頭班車 7:48am 開，到第一個分站大約 7:50am 左右，出到去加士居道大約 8:10am，應該趕得切 8:35am 前到達。 原帖由 peterkwan 於 2013-3-19 13:25 發表 http://www.hkitalk.net/HKiTalk2/images/common/back.gif
近西站重可以搭 238P，頭班車 7:48am 開，到第一個分站大約 7:50am 左右，出到去加士居道大約 8:10am，應該趕得切 8:35am 前到達。
如果九巴肯整呢類咁實用o既轉乘優惠, 有優惠提供之餘, 仲收宣傳效用, 唔駛個個盲頭烏蠅走晒去迫港鐵. 謝謝各位的意見。
小弟最後搭西鐵轉215X，全程由去到荃灣西站到九展落車計，只需35分鐘。當中西鐵仲要送車尾...
最令小弟驚訝係215X的客量。去到理大見到有二十幾人排隊，同時離遠見到有架215X在漆咸道南等緊綠燈轉彎。
架215X埋站時已經坐滿加企幾個，上車拍卡後，後面隊尾已多佐7-8人。
去到山谷道站30-40人想上車，好多左望右望，似乎係見架車咁多人，心大心細睇下有無其他0岩路0既巴士。
最終夾硬迫多十零人就頂閘離站。
山谷道多人等車應該係正常不過。但以215X油尖區覆蓋到的住宅，即使甩班都唔似可以令到架車坐滿。
估計有唔少乘客係從各區經尖沙咀轉215X往九龍東。
又令小弟諗番起有位住將軍澳，在元朗上班的朋友。
相信大部份板友遇到呢個情況會諗都唔諗，搭車出觀塘轉268C/269C。
呢位朋友的選擇係搭98D往尖東站轉西鐵，據悉車程只係一小時左右，亦快過經觀塘轉。
回#2。小弟提過唔傾向搭荃觀紅小，原因係整體時間唔快。
幾年前有段短時間係搭佢出觀塘再轉車返工。
無錯紅小車程只係20分左右，正正係因為車程太快，吸引到太多人搭，早繁往往要等3-4個字先上到車。
加加埋埋不如搭番地鐵，反正時間無乜分別，亦唔太介意迫足全程。
回#6：238P可以22分鐘去到加士居道？不過點都好，如果搭到07:48的238P，小弟會用番最正路的方法...
其實唔係唔想預多D時間，只係出發時間有好大變數...只可以plan to the worst.
離題一講，早繁連理大都咁多人上，照計唔係搭東西鐵就係由港島過黎轉車。
相比起同站其他往東九龍的路線係無人排隊，計劃中的101X似乎係睇準呢個客流。
就算收貴101一截，都仲平過俾多程215X。
[ 本帖最後由 s3n370 於 2013-3-19 22:40 編輯 ] 98D去到尖東站先轉車咪要先塞紅隧口同女拔一帶?
咁似乎唔多會快咁bo...
小弟次次都係搭102系/98A轉268/9C
(搭唔搭巴士出九龍視乎趕唔趕時間)
98D最慘唔係好似215X咁先經尖東,否則咁樣可能會真係快一截都唔奇 原帖由 JX9097 於 2013-3-20 04:16 發表 http://www.hkitalk.net/HKiTalk2/images/common/back.gif
98D去到尖東站先轉車咪要先塞紅隧口同女拔一帶?
咁似乎唔多會快咁bo...
以昨日所見同小弟間其他時經呢段路比較，紅隧口果段漆咸道早繁無日間較後時間咁塞，唔係上加士居道天橋去葵涌又會塞少段...
佐敦一帶更加唔駛講...
頁:
[1]