(18/4) 98P回程客量統計分享
小弟今日心血來潮，想睇下 98P 晚繁班車既客量係點，就特登較岩時間等 98P ，所以出現左今次既統計。統計路段：香港科學館 — 康盛花園
上車時間：18:05
落車時間：18:56
由於只係統計到康盛花園，因此無翠林、寶林、坑口既上落客情況，唔好意思。:L
另外，98D同98P係同一時間係香港科學館埋站，但係過左幾個站之後已經唔見左架98D。
客量統計重點：
1. 因為我係香港科學館上車，所以我唔清楚尖東總站有幾多人上車，而我上車既時侯下層乘客座位無人坐，估計唔多人係個度上車。
2. 過左紅磡山谷道之後，全車乘客總數係 61 人（可能有+/-1既誤差），尖沙咀各站無人落車。
3. 紅磡山谷道比較多人上車，有 17 / 18 個人。
4. 九龍灣國際展貿中心無人上落，依個同我估計既有好大分別。
5. 18:44 到達曉光街，2 人落車，0 人上車 （全車乘客總數：59 人）。
6. 18:46 到達秀輝樓，26 人落車，0 人上車（全車乘客總數：33 人）。
7. 18:49 到達寶達邨，0 人落車，1 人上車（俾全費$9.5！）（全車乘客總數：34 人）。
8. 安達臣道同馬游塘村無人上落（全車乘客總數：34 人）。
9. 18:53 到達茅湖仔，1 人落車，0人上車（全車乘客總數：33 人）。
10. 18:56 到達康盛花園，9 / 10 人落車， 0人上車（全車乘客總數：23 / 24 人）（統計完結）
資料大致上已經寫左，希望大家唔介意依個咁粗略既記錄。:lol
P.S. 唔知點解d格式變左咁......
[ 本帖最後由 KT6491 於 2013-4-18 20:49 編輯 ] 繁忙時間算麻麻
BTW我想睇98S有幾多人入康城多啲:lol 去到康盛得返 20 幾人，恐怕去到翠林已經落晒，吉車返坑口，
不過其實都合理，前面有架 98D，呢個時間 98D 通常都唔駛企，其實咁睇 98D 同 98P 前後腳客量都已經差唔多打和。
始終 6 點好多人都未放工。 98P 我見過幾次都係最多廿個到坑口
而98S 去到清半已經落晒咁劑，日出真係載空氣 但日出康城於上班時間確實有D客(當然唔算太多，如果唔係就自己一條特別線經將軍澳隧道公路走左)，回程可能真係唔夾放工/OT時間 但我見有日幾班98d 都打爆,d人上晒98P，
不過98P 就算要上山，去坑囗都5係好耐！
頁:
[1]