究竟新車對司機係好定壞？
當年低地台車新到港，ATR,ASV全部車頭擋風玻璃都係曲嘅，不論巴士書或是司機都指這會令下雨天看不清左鏡。到了直梯年代，出現了擋風玻璃平番嘅設計，但係又比人話個小玻璃窗旁的柱（俗稱A柱）會增加盲點，而家連另一廠方嘅設計都換埋呢項設計，究竟係好定壞？另外流線形玻璃窗設計似乎令車不能在洗車機中洗乾淨，又是否值得檢討呢？歡迎討論 其實只是新車對司機黎講, 改變是要時間適應, 但咩玻璃新設計, 似乎未有客觀數據是增加意外率..新A柱及弧形設計較有效意外時保障司機安全 圓角都睇唔到鏡，就未免吹大左，A柱一定有影響，多定少，但無A柱又無可能.....
要講盲塊豬腰鏡一樣有問題.....睇慣左既人就當然唔覺得點.... 圓角窗係落雨時水“bu”清唔到嗰度嘅水，令睇鏡時被水珠折射到睇唔清，sorry我漏左講，但係嗰樣影響會唔會好大？ 原帖由 GK3258 於 2013-5-4 19:11 發表 http://www.hkitalk.net/HKiTalk2/images/common/back.gif
圓角窗係落雨時水“bu”清唔到嗰度嘅水，令睇鏡時被水珠折射到睇唔清，sorry我漏左講，但係嗰樣影響會唔會好大？
落雨咩窗都會有水，我覺得係塊豬腰己經扭曲，再加上扭曲既玻璃再扭多下唔好睇囉.... 請注意︰首先，本人所有意見都係關於九巴車隊，而且係自己親身體會嘅~
新車對於大多數後生車長嚟講，電子野多，軚輕、油門輕、迫力輕、冷氣好......
但對於講感覺(FEEL)嘅車長嚟講，冇軚感，油門用力一踩就地板油難控俾油多少，
迫力要經過電腦，急煞唔夠應(反應慢半秒)，ABS安全但敏感過度，如果過彎快少少，
電就會用ABS煞車，好似重耷咁，
而講到樓主內文偏離主題嘅盲點位方面，
新車主要係A柱問題，WRIGHT車身仲要兩邊A1、A2柱，不過如果係掛牌睇慣都冇問題，
唔係掛牌就勸師兄們多D前後移動上半身以便睇清楚多少少盲位，
畢竟A柱於低速碰撞會提供更好保護車箱內的人，反而舊車如巨龍用嘅都普車身，
上車門比較細，之後第一個窗前係車身部分，如果有客45度走過嚟趕車係睇唔到嘅，
就算上完最後一個行咗入去睇清楚冇人，一閂門就會夾到呢D客，
好無奈又會俾呢D聰明客話做咩睇唔到佢地夾親佢地，
到泊車方面新車有晒鏡頭輔助當然比舊車方便好多，唔使依賴「帶水佬」咁重
(雖然平時我都當佢地廢洽，自己睇鏡泊位算，因為佢地帶但自己響車都入自己:Q )
到洗車方面，洗車機洗唔到完全無關痛癢，因為巴士公司定期會安排車輛做「大洗」，
即係廠內嘅外判商做嘅人手洗車，全車洗白白就冇問題啦~
至於講到圓角頭窗睇唔到鏡嘅大問題，玻璃窗圓角位置本身會令望出去嘅事物有輕微變型，
呢個只係光學上普遍問題，但影響唔大，有時過洗車機時，鏡同鏡臂過咗個擦轆之後，
如果停耐咗一、兩秒就會令圓角位置俾洗車機嘅擦轆磨損，導致出現多條唔明顯花痕，
到玻璃完成乾涸時就會見到打橫花痕有少許影響望鏡，另一方面，當落大雨時，
富豪B7RLE的水潑(潑雨針)係完完全全潑唔到左上角，根本望唔到鏡，
就算早一排冇落雨，喺大霧環境下，車窗充滿水氣，都係睇唔到左鏡，
雖然轉用長鏡臂可以解決以上問題，但係又會增加咗過洗車機勾到鏡嘅風險，
所以當睇唔清楚左鏡就靠自己經驗慢慢切線算~
頁:
[1]