城巴22XX車門問題
今日見到架城記22XX（正常服務行緊E22A，有客）一路高速行緊（仲要唔係啱啱停完站嗰隻）行一路開住上車門無關。想問究竟係咪壞左？之前好似有post話過有裝置係唔關門開唔到車，想問係咪呢批車無裝？有無其他車都無裝？最後搭單想問，早前有人話過某啲路段（例如馬頭涌道入九龍城大迴旋處前個十字路口）塞車時好難唔突出車尾出黃色方隔，咁想問之前見到有架新巴在前面已有巴士凸尾時仲直行，結果塞死左成個路口，算唔算過份左啲？ 原帖由 GK3258 於 28-5-2013 21:32 發表 http://www.hkitalk.net/HKiTalk2/images/common/back.gif今日見到架城記22XX（正常服務行緊E22A，有客）一路高速行緊（仲要唔係啱啱停完站嗰隻）行一路開住上車門無關。想問究竟係咪壞左？之前好似有post話過有裝置係唔關門開唔到車，想問係咪呢批車無裝？有無其他車都無裝？最後搭單想問，早前有人話過某啲路段（例如馬頭涌道入九龍城大迴旋處前個十字路口）塞車時好難唔突出車尾出黃色方隔，咁想問之前見到有架新巴在前面已有巴士凸尾時仲直行，結果塞死左成個路口，算唔算過份左啲？
1)如果係行緊高速，咁大多係壞咗
2)應該係唔關門郁唔到手掣，咁先進嘅野舊車應該無裝(都係近幾年先有嘅野嚟)
3)時間緊逼，塞死之後郁番就得，最緊要過到就得(司機格言) 城巴車多數都係中門裝door brake (部份司機自行停用 :lol ) 由歐二年代起 Dennis (之後到 Transbus 到而家 ADL) 車可選配 doorbrake
不同巴士公司有不同選擇，常見有兩款
1.開/關到某個幅度會啟動/解除 doorbrake，部車會有一把類似爆發出黎既手掣聲，再拉手掣都唔會再有風聲
2.拉手掣後先可以開門，閂晒先開得車 (呢隻設計亦多見於其他廠牌車型)
新巴
10xx-11xx：前門無，中門係 1.，唔肯定 1001-1020 原裝有無唔同，聽聞呢堆車規格較接近九巴/龍運既車
20xx：前門無，中門 1. 重有英國部分雙門 Dart 都係呢隻 doorbrake
30xx：前門、中門都係 1.，懷疑有部分 30xx 中門係 2.，以前成日見 30xx 閂緊中門鬆手掣點知閂完後反而起唔到步要反覆拉多一次手掣先走得
33xx、3601：前門 1.、中門係 2.
12xx：前門無，中門係 2. (33xx、3601 同 12xx 中門其實只係估計係 2.，未見過有司機未拉手掣就開門)
城巴
210x：兩隻門都無
都普 21xx：前門無，中門係 1.，早幾年其實有半數司機會停定就真接開中門，一開就會自動鎖定，反正作用等同於拉手掣，
但近年個個司機都主動先拉手掣後開門，唔知係巴士公司改過批車定係點
半豪雙門 22xx：前門無，中門估計係 2.，幾乎見親都係先拉手掣後開門，另外搭過呢堆車起步離站後中門彈閘而部車只係響警號而無即時剎停 (不過顯然等司機搵機會自己停車係安全過成部車即刻急剎..)
單門 22xx：無，依稀記得多年前已經係無
紅柱 22xx：前門係無，中門係 1.，啟動/解除時既幅度比新巴版好似大少少，開左大半隻門/閂左少少先啟動/解除
2700：1.
簡單講即係只有新巴都普蠆同 2700 頭門有 doorbrake，其他巴士頭門都係無
九巴應該全部三叉戟原裝都係前門無 doorbrake 中門係 2.，九巴車原裝頭門有 doorbrake 應該只有 Centroliner
新城由歐三年代開始中門都係 2.，之前以為係 1. 個隻停產左，但最近係英國見到原來去到 E400 年代原來重有英國巴士用 1. 平衡司機工作量/安全，似乎只係香港巴士公司自己轉左 2. 呢種麻煩規格
頁:
[1]