想問大家有冇聽過"水貨團"呢??
小弟有個fd 叫我今年六月一齊參加"水貨團",即係去歐洲幾個國家幫一間公司買一d 名牌,之後佢地再搵人寄呢d 貨去日本賣,途中包食包住,為期約兩星期,仲有人帶埋你去觀光想問下大家覺得係咪呃人??大家又有冇聽過呢樣野??
我自己覺得冇乜可能咁抵,可能有d 野不過唔知咩野
另外小弟個fd 話佢家姐之前去過都冇事
歡迎討論~~~ 係報紙間中都有登廣告請人去join呢d旅行團
小弟有親戚參加過,都賺左有5位數字,
不過已經係幾年前既事
其實呃又唔會呃得去邊,假設你買左d名牌袋,好似"LB"呀,"姑慈"呀
若果冇人收,拎番黎HK D "米欄"站,或者上網放左佢都唔會蝕得太入肉
不過通常佢地都會有個leader會指點團員一切(教你買咩款,咩色) 原帖由 AL_29 於 2006-3-21 00:09 發表
係報紙間中都有登廣告請人去join呢d旅行團
小弟有親戚參加過,都賺左有5位數字,
不過已經係幾年前既事
其實呃又唔會呃得去邊,假設你買左d名牌袋,好似"LB"呀,"姑慈"呀
若果冇人收,拎番 ...
想問下你親戚係咪要自己俾錢去買呢d 貨??
小弟聽個fd 講係唔駛0既 頭先同果位親戚閒談幾句,佢話而家d水貨團唔太好做
同上面我個reply所講既野都有D出入,係度講聲sorry先
首先,佢話而家係得"LB"最值錢同賺得最多,只不過,班leader
其實食水食得好深,例如你係米蘭買左一個"LB"銀包,當$2000蚊
先算啦,歐洲果邊好多都有得退稅,大概1,2百蚊左右,你買完之後
佢地大概都係用2000蚊,或者高少少既價錢同你收番,即係話,你
一個銀包只係賺個幾百銀,之後佢地拎去日本買,起碼賣4000以上
可想而知佢地食水有幾深啦
其次,果邊D名店,特別係"LB",而家都check得好緊,驚俾人走水貨佢地
可以check到你既購物記錄(因為你找數既時候佢地會要求你俾個P
ASSPORT佢地睇,然後輸入有關資料作record,同埋好似for退稅用),
因此你短時間內去買野,又或者隔幾日去唔同國家既唔同分店
佢地都絕對有權唔賣俾你,加上而家"LB"好似有規定限買數目,所以
賺得其實唔多
至於使唔使自己出錢,就要睇下果團個leader既做野方式,有d要俾埋錢你
不過可能要買夠某個金額,如15000,有d就要你自己俾,之後找數.不過
佢地交貨唔會當面同你check清楚,即係有機會會俾人屈機,我親戚試過買
左個"姑慈"既手袋,買果陣check清楚冇花冇爛,之後個leader同佢講,話個袋
花左,唔收,於是佢又可以俾少d錢,分分鐘咁又可以慳番一筆
觀光方面,其實都唔見得好,兩個禮拜去咁多地方,一定趕頭趕命
而且期間有樣野一定要做,就係要包好d戰利品,唔容易架,要好小心咁包
要晒好多時間,另外,食野方面有可能係好求其(要有咁既心理準備)
總括黎講,去一轉而家都係約莫搵到一千幾百架咋,唔同5,6年前咁風光
而且有心理準備係有可能得個和,甚至要倒貼
因此我親戚都唔太鼓勵再join呢d團
但若果你真係要去既時候,問清楚d詳情,如食宿,分賬等等....
對你會有保障
頁:
[1]