東涌逸東《裕滿人家》收銀用不良手法欺騙街坊
《十蚊澳門幣博-當一百蚊港-找比人》事原: 14-07-2013 約下午二時
本人一家三囗去東涌逸東 ＜裕满人家＞飲茶，食完去櫃檯找數$183，於是我拎左張500纸弊找續，收銀先將17蚊散銀放在櫃檯之後再將一搭搭得齊整嘅100蚊放上櫃面，於是拎起，我身都未轉唒一點數，兩張一百竟夾住一張非常似港幣100嘅10澳門幣，於是立即同個收銀講你找錯錢，佢嘅反應是你係邊度找回來，之後佢同另一個收銀咬耳仔還嘻皮笑臉，之後遞上一張纸叫我寫低電話，我問點解咩事？我話你唔換返比我就報警睇cctv,個收銀即時收起佢地果副嘻皮笑臉，之後叫左個經理黎，經理了解完佢即時問收銀 :係邊個收返黎，當然佢地啞哂啦，我就講喇，你地咁大間酒樓用咁嘅手法，你唔換我即報警，之後經理連忙換返張一百蚊比我，之後走人！ 7月發生?? 還是轉貼??
回復 2# 的帖子
係七月發生，是本人經歷，因我是新用此討論區同想更多人知收$時要當面點清楚及此酒家收銀用咁嘅手段，
事發當日已在facebook..what's apps已告知友人！
thanks! "咬耳仔還嘻皮笑臉，之後遞上一張纸叫我寫低電話"
其實應該即時報警吧....以免其他人受害
佢咁唔老實,應該唔係第一次:funk:
咁樣應該算係詐騙?
回復 4# 的帖子
當時很想報警的，做錯野比機會佢，都仲嘻皮笑臉……:@
之後後悔無報警！
希望板友門日後提防小心！
頁:
[1]