[US] 小弟本月起被大幅減薪>20%，而原因竟然係…
原因竟然係，控制眾議院的共和黨，入面一班緊縮塔利班，不惜一切代價都要反對向有錢人加稅、反對幫助低下階層，搞到兩黨傾唔掂數，
於是要根據佢地兩年前訂立，用意係警告自己的法例，
今年3月開始，整個聯邦政府劃一削支，搞到我老細無錢:@
相信呢個板有睇開我N板/R3板文章的人都大概估到我做邊行。
做得呢行，本來起碼能夠擠身upper middle class係合理期望，
雖然一定唔會諗住發達，但係做落就會發覺，錢其實都係好緊要，
因為無錢的話，好多想做的project都做唔到，無資源無manpower。
於是，因為老細無錢，養唔起我，我呢個月開始要做teaching assistant，
而我呢間學校的teaching assistant人工比起research assistant人工低一截，
搞到我呢個月開始大幅減人工超過兩成，仲要每星期無啦啦用多廿粒鐘幫手改功課，
工作量不加反增，因為做TA唔代表無research obligation，research唔係為人做而係為自己做的
唔係話我唔鍾意教書，不過去到我呢個stage，整d咁既野俾我嘆，真係會好影響進度，
不幸中之大幸，係我執到科graduate level，暫時唔使對住班麻煩undergrad，之後就唔知啦…
我本身一路都死慳爛慳，無渣車（當然唔渣車仲有其他原因，但養車真係好貴），
去超巿係格過晒價，知道晒邊間超巿今個星期有咩平賣先入貨，
而家減完人工都仲儲到錢，但係少好多，
減人工之後唔見左既數目實在相當可觀，遠超我每個月交租以外的支出總和，
三個月已經唔見左一張來回返香港機票有突:@
我個group過去一年已經因為錢的問題，規模縮左一半，有幾個postdoc走人，
雖然有兩個後尾搵到相當好的工，but still。
據我所知，而家因為削支，成個行頭都好大壓力，各個field有好多lab甚至醫學院都要炒人，甚至有唔少lab可能要收檔。
而家茶黨班無恥政客仲要將拉倒奧巴馬的醫療改革，同埋允許政府運作捆綁一齊，
不惜政府停止運作，都要確保窮人得唔到醫療，
再過多11個鐘，政府就停止運作喇，佢地仲好意思投完第43次票拉倒醫改之後走去慶祝:@
政府停止運作，就意味著funding agencies唔會有人review proposal，
就算有review都放唔到錢，意味我來年可能要繼續減薪
國會班極端份子，不惜玉石俱焚，為達目的不擇手段，將國家前途押上賭注。
我想講，佢地已經摧毀緊一整個generation的科研人員的前途，而明明高技術的專業人士先至係佢地口中的「創造就業者」
咁既民主社會都有，真係令人大開眼界
發住咁多嚕囌先:L 其實從來民主社會, 並唔係任何野的保證...
其實你可以轉去做TA 已經好好, 但做開research 的都面對一個好大的問題, funding
一無錢真係咩都無得做....點研究...
我之前聽聞, (只是聽聞, 不肯定), 香港某大學某科學學系, 搞一比賽, 叫各RA 出黎
present 自己做緊乜research, 當然表現會有好有唔好, 個比賽贏左無獎, 但輸左就
炒人 @@ .... 咁都有....
全世界依家都係咁, 因為錢去縮research, 但好多人唔明, research本身正是投入資源
與成果未必成正比的行業, 但cut 資源就肯定無成果...
其實香港之前財政預算拉布都係差d令政府無法運作(當然原因同背後因素不同), 但用
無法運作去迫使另一方接受, 似乎已是政治潮流了...
ps 已離開research 的人
回復 2# 的帖子
兩黨仲未傾掂數，仲有幾分鐘，美國聯邦政府就收檔:time: :@唔知共和黨又會唔會走去慶祝政府收檔？
其實今次政府停止運作，唔止影響科研，
政府起碼有八十萬僱員都要被迫放無薪假，禁止返工，
國家公園同博物館都會關門，護照甚至貨款申請會無人處理，
甚至WIC（為低收入家庭小朋友提供營養飲食的program）都要收檔，
好多方面都會直接影響民眾日常生活，重創經濟
岩岩同一個Princeton/NOAA的朋友傾開，政府收檔的話，
佢工作的果個NOAA facility都會關門，想入去用電腦設備做research都唔可以，
政府收檔幾多日，就會delay佢個degree咁多日咁話:L
今日我呢邊仲有人同我講，叫我盡量留得晌grad school幾耐就得幾耐，
而家呢個時勢，唔係搞科研的好時候，我聽左真係覺得幾灰…
[ 本帖最後由 S3BL100 於 2013-10-1 11:59 編輯 ] 我都幾想知呢班政客代表緊咩利益，
點解夠膽將全世界當做賭注...
呢啲咁實實在在嘅控制世界陰謀
真係仲精彩過啲小說電影動畫...
回復 4# 的帖子
佢地無代表任何利益只係想玩死奧巴馬
不過民調46%話要共和黨負責...... ;P
話要奧巴馬負責少過4成 ;P
食花生等睇聽日環球股市跌到阿媽都唔認得
[ 本帖最後由 BlackBird 於 2013-10-1 21:37 編輯 ] 原帖由 238X 於 2013-10-1 14:52 發表 http://www.hkitalk.net/HKiTalk2/images/common/back.gif
我都幾想知呢班政客代表緊咩利益，
點解夠膽將全世界當做賭注...
呢啲咁實實在在嘅控制世界陰謀
真係仲精彩過啲小說電影動畫...
弊就弊在真係有班蠢才支持佢地……
琴日民調出來，話有56%茶黨支持者認為政府收檔係好事，呢班茶黨極端份子當然有恃無恐，
琴晚電視上面仲妖言惑眾，話佢地一路努力防止政府收檔，
係民主黨控制的參議院無做過野，實情係班共和黨一直唔肯無條件通過撥款俾政府繼續運作，
堅持要拉倒醫療改革，堅持要窮人得唔到醫療。
而且仲有個問題係，以而家的選舉制度，呢班極端勢力根本唔需聽公眾意見。
自從2010年共和黨重奪眾議院控制權後，利用十年一次人口普查的機會，
重劃選區，將唔少州份的眾議院選區畫到奇形怪狀，
目的就係為左確保自己的優勢，製造多個必然支持共和黨的選區出來（google "gerrymandering"）
在民主黨人無機會黨選的前提下，佢地當然唔需要聽所有人的意見，
佢地只需要驚，如果佢地唔夠激進，下次選舉就會突然間彈左個比佢地更激進的極端份子出來，
共和黨初選挑戰佢地，搞到自己連議員都無得選。
於是，舊年選舉，民主黨眾議院實際得票比共和黨仲多1.4%，
但係共和黨依然霸住過半數議席。
而家個勢，根本四百幾個眾議院議席入面，得廿幾個可能有競爭，
民主黨想重奪眾議院控制權，一d都唔易。
輸左得票仲咁惡，輸打贏要，真係令人大開眼界:@
而家仲有下一波，就係過多兩個月，就可能債務違約，
班極端人士如果繼續不擇手段都要達到目的的話，全球經濟即刻冧
而家好啦，政府收檔，NSF關門，我諗我應該要繼續無限期被減薪:@
[ 本帖最後由 S3BL100 於 2013-10-2 00:46 編輯 ] 咁梗係有原因先做蠢材、喪屍架啦 其實想問樓主喺美國嘅status係咩？ 原帖由 238X 於 2013-10-2 08:02 發表 http://www.hkitalk.net/HKiTalk2/images/common/back.gif
咁梗係有原因先做蠢材、喪屍架啦
共和黨宣傳機器實在太勁，不斷同人洗腦
大家可以睇下呢段video，
好多人竟然連affordable care act同Obamacare之間無分別，竟然懵然不知，
因為共和黨宣傳機器日以繼夜誤導人，話醫改係搞社會主義、政府控制人民生活、損害就業
上次三月定四月，政府劃一削支開始果陣，
曾經有一個星期，因為聯邦航空管埋局下面的機場控制搭人員被迫輪流放無薪假，
搞到全美國航空交通大亂，影響到班國會議員自己，
於是佢地急急立法，將航空交通控制員排除在聯邦政府削支之外，於是航空交通即刻回復正常。
d人就係針拮唔到肉唔知痛，淨係關心同自己有關既野。
計我話，政府收檔，根本無理由維持航空交通管制、州際公路管制正常運作，
最好應該好似博物館同國家公園關門咁樣，將所有機場、州際公路封晒，停止運作，
結果必然影響大量民眾，包括國會議員本身，
到時群情洶湧，議員自己深受其害，睇下佢地仲敢唔敢不惜一切代價都要拉倒醫改。
回#9：
今次民主黨一D責任都無，奧巴馬今日電視演說無錯架，
共和黨根本最終目的就係要確保窮人得唔到醫療。
我知美國唔少人都係咁諗，但係窮人係咪等於懶人先？
係咪窮人就唔應該得到醫療，病左就由得佢地自生自滅？
醫療本身係基本需要，乜應該係牟利運作咩？
本身有先天疾病的人，保險公司係咪可以拒絕受保，佢地有事就自己執生？
今日我老細以前既學生走來present個talk，佢而家係national lab做，
今次都被迫無限期放無薪假，但係佢都應為民主黨無錯，
奧巴馬係唔應該妥協，因為healthcare delayed is healthcare denied，
根本無理由俾保險公司繼續坐大，判人死刑
另回#8：
簡單來講，我係academic student employee，渣student visa