巴士性能討論/求教
小弟見近日就某新車到港引發250匹馬力是否太少的爭議, 想在此和大家討論下這個困擾已久的問題。以往的舊款引擎如經典的LT10/LTA10標稱馬力不外乎240-280匹,平治O305更是自然吸氣引擎,比起
現時動輒300多匹的環保引擎卻有過之而無不及。
當然,影響性能有很多因素,最直接的是重量,我不清楚同樣長度與載客量的二十年前款的空調巴士式與
現時比輕了多少。還有現時用來限制車速和節省能源的複雜的電子系統,把“多餘”的輸出減省掉,
那麼現時的專利巴士線路可以說沒有機會用到這些被封印的馬力了, 那麼為何不直接配置容量更細, 輸出更少的引擎?
以香港專利巴士的議價能力不可能做不到。你可能會說那些平時用不著的動力是用作不時之需,但在滿載和上坡是也
不見得有多了不起,即是說被封印的依然沒有派上用場。用另類的例子比較, 那些舊款的房車例如美國四十多年前的
muscle car動輒也有300多400匹馬力以上,雖然威風八面,但即使是一輛狀態極佳的,只鬥直路,和現今配置容量少得多的
高效能引擎的performance car如三菱Evolution比,勝算有多大恐怕不用多說。但巴士則好像相反,當然,不是每一款都是如此,
但也令人嘖嘖稱奇。
商用車不是以性能為主,我知道,但還是那個老問題,那些馬力去左邊?和用不著的買來做咩?
歡迎討論賜教 原帖由 GT40 於 2014-1-29 12:45 發表 http://www.hkitalk.net/HKiTalk2/images/common/back.gif
小弟見近日就某新車到港引發250匹馬力是否太少的爭議, 想在此和大家討論下這個困擾已久的問題。
以往的舊款引擎如經典的LT10/LTA10標稱馬力不外乎240-280匹,平治O305更是自然吸氣引擎,比起
現時動輒300多匹的環保引 ...
馬力大小唔係完全取決於引擎大小
波箱同differential 既setting 甚至擺位都有影響
細排量引擎既馬力同扭力輸出不一定少過大引擎 仍然買大容積引擎，相信係為了維持唔比以往差既行車表現
KEEP巴士唔同KEEP跑車，就算車舊咗，輸出冇新車時咁高，花少啲成本做維修都仲行到出街
至於較細容積既引擎，十年八載之後仲剩返幾多輸出真係冇人知
又或者等唔到十年八載已經要多做引擎維修，就算車價因為細容積引擎低咗，又係之後要洗多啲錢
P.S.
早排某啲新車冇故障燈著，吉車上斜路都只係得二三十公里，聞說係代理誤於系統內減低1/3輸出
部VDL新車滿載後點都重過部吉車吧，到時爬住上斜，你又接唔接受到？ 我諗而家個重點係放喺燃燒效率多過純粹睇出到幾多力
以前(即十幾二十年前)，差不多冇人會睇效率呢件事，再加上以前巴士又冇冷氣又冇咁多電子嘢，車重一定輕，所以輸出根本唔會預太多，夠平時市區路面start/stop慢慢行已經唔錯，所以通常都係用細馬力兼夾用偏高引擎轉數嚟行
我所講嘅所謂偏高轉數係講緊接近最大馬力嗰個轉數範圍
不過而家咩都貴，尤其係用油，而家用盡方法慳油係大勢所趨
或者大家可能留意到近代引擎嘅規格表都寫埋每出一個kWh能量燒幾多油呢類效率數字，或者甚至畀埋條curve用家睇下邊個range係最好效率
通常嚟講一副八九千cc嘅六缸柴油偈不論點tune，效率最靚其實係大約一千至千四轉呢個範圍，想上最大馬力嗰個range已經係講緊事倍功半，即係話要用多兩三倍嘅油嚟出一個比起高效轉數範圍只多一倍嘅輸出
所以而家個傾向係將個TURBO較大而企圖將用開嗰個輸出份量shift去效率最好嗰個range，希望喺提升效率嗰時同以前用開嘅輸出分別唔太大(當然實際係另計)，所以就係點解而家架架車都要大馬力大扭力，尤其係大扭力，因為想做返以前嘅輸出但係又要低轉嘅話扭力就一定要大(輸出 = 扭力 x 引擎轉數(in rpm) / 60 x 2 x pi)
最大馬力嗰個範圍而家唔係話冇機會用，但通常只限爬山用，長遠行高轉會蝕效率
返嚟而家呢架VDL新車，而家點解咁多人擔心架車唔夠力嘅原因最主要係用低轉谷效率又扯唔起，想高轉谷下佢又比大cc行低轉徙更多油
因為細cc偈本身除咗重量輕咗呢個唯一優點之外，一嚟最大馬力通常都高轉啲(即係高轉反而冇大cc咁多力維持到)，二嚟最大效率通常都唔比大cc引擎高(有時甚至更低)，三嚟細cc偈相比大cc同樣輸出嘅引擎下下咁谷會更多損耗(因為turbo谷得勁過以前)
或者我咁講，我諗我哋差唔多唔會見到一架行L10偈嘅雙層車下下轉完波得返一千轉，或者下下都千三四轉就上一個波，或者用呢個轉數嚟上斜都咁好力
而家用細cc偈就變咗係兩頭唔到岸
或者再講得簡單啲，平時揸私家車你有幾可見過車主會好似揸賽車咁下下都到紅區先轉波吖？
[ 本帖最後由 8166NL 於 2014-3-22 12:19 編輯 ] 閣下真係唔好以為新車真係好輕先得架
最明顯既事莫過於兩擔車
而家一架E400拎埋超載PERMIT上埋合金令先上到90人
以前一架雞車都成118個, G544仲要車埋部冷氣都多過E400
仲有一樣野, 而家D偈話就話出三百幾隻馬仔
但一般工作轉數點上都上唔到1900轉以前
平路就更加1500轉內轉波
丫仲有鎖油門呢樣野
On paper二百幾升到三百幾
你咪覺得多左既力唔知去左邊囉:D 九巴直頭走火入魔 長期低轉行下停下 晒油又傷PARTS 原帖由 NEO_962 於 2014-3-22 21:18 發表 http://www.hkitalk.net/HKiTalk2/images/common/back.gif
G544仲要車埋部冷氣都多過E400
凍雞/凍鴨溶雪之前載客量得75，冇企位(H43/32D)
頁:
[1]