其實點解大部份九記金車都要加DOOR LOCK?
而家九記D金車都要等兩下錢箱聲先可以開車,我見D白版都冇DOOR LOCK反而而家有DOOR LOCK搞到下下都要等兩下錢箱聲先可以開車,好慢............ 有日係眾安街見到有部49X白板落完客離站冇關門，係路中心停低再關返度門:L 為左要 I am So Onxx 認證 ;P 原帖由 GCx468 於 2014-3-10 19:26 發表 http://www.hkitalk.net/HKiTalk2/images/common/back.gif
為左要 I am So Onxx 認證 ;P
兩者有咩關係?
雖然我自己對老九冇咩好感, 不過裝返個門鎖係為咗降低行車時乘客跌出車外既風險
連提高安全標準既措施都抽水, 係咪有少少過份呢? 好似亡命紅小咁，未停定就開門，唔關門就開車好唔好？ 安全問題
嫌慢學咩人搭巴士 個door lock係唔係因為當年發生左太多宗 司機未關好落車門就開車 同 司機唔知道落車門夾住人就開車 嘅意外，
所以政府要求巴士公司加裝 車門壓力感應器 加 (煩到你死嘅)落車門關門警告 同埋 落車門未關好安全鎖？ 白板都有安全裝置，新、九巴 G 牌 1996 年左右出牌個堆都已經有 (唔知係咪後期加裝)
停車要差唔多停定先開到門，早左扭掣度門唔會開，要扭返埋個門掣停定部車再扭過先開到門
閂緊門可以開車，但度門未完全閂晒而部車郁緊既話司機位又會有多一種警報聲
不過以往白板個代既車有一級樓梯，正常人係車廂行經車門位置警覺性都會提高，唔會企咁埋，而且中門似乎相對窄少少，唔係咁易係閂緊門而司機踩油起步途中跌個人出去
好似以往城記 B6 (聽講有 doorbrake 但拆晒)，不過一般司機都當係普通車咁開閂中門
調返轉，車門較闊既車，就算無 doorbrake，例如 15xx 中門又闊而且落車位斜斜地 (聽講得 1501 有，亦可能係成批都有，不過後期應該係成批車取消晒)，司機通常都會自動收到就黎停定先開車，差唔多閂完門先踩油
但講真個句，安全還安全，好多野根本應該係人既心態問題，正常司機無人會想有意外，但大部分司機有得踩界都會踩界，
矯枉過正既後果根本只會弄巧反絕，搭城巴 15xx 無 doorbrake 但班司機自己知危險根本就自動自覺唔會亂黎，反而搭有 doorbrake 既車，特別係要拉手掣先開到門，閂晒一段時間先郁得個種
新巴九巴城巴都好，甚至係英國搭由倫敦行舊左運去其他城市繼續行個堆車 (雖然封左後門淨用前門上落，不過本身就係前門都要拉手掣先開到)
簡直就係助長司機次次減速減到車速仍有 10kph 時已經夾硬拉手掣拉定部車然係開門，或者閂緊門就踩定油準備彈手掣
(係英國體驗呢樣野既次數竟然少唔過香港，尤其係無人落車既站，為左一個上車客而往往未停定就一野鋤落個手掣度趕著開前門，明明本身該路線唔使追時間，只係司機往往唔想俾呢類少事而拖慢行車節奏咁解)
doorbrake 尤其以而家車門更闊而且向開推既車上簡直係必須，只不過巴士公司既 setting 實在多餘到令人無名火起
搭得巴士就預左佢停站上落客，間中預到 d 大站上落客耐左，或者部車性能爭少少，搞到追唔到燈，都仍然係大部分乘客可接受既範圍，
但落完客等度門係慢慢叮，閂完再額外等兩秒咁樣根本就白白浪費大家時間，呢樣野同停站要慢慢逐架車對正站頭先上客一樣簡直只會令人愈黎愈覺得巴士效率奇低 (雖然繁時理應係對正隊頭黎上客最公平)，乘客慢慢流向鐵路/小巴/的士/渣車
[ 本帖最後由 HW8373 於 2014-3-10 15:36 編輯 ] 如無記錯,N年前有架"黑金鋼"行13A(唔太sure,有錯更正)去緊紅碼,去到前新蒲崗裁判署個站落客,其中有個阿婆比較細粒同落得慢,個司機無留意以為落晒客,就閂門開車,結果拖住個阿婆行o左幾十米至停車,好彩阿婆只係輕傷,之後就有團體要求九巴加強車門的安全,然後就先o係架AV1度試行安裝感應器,當感覺到有障礙物就會自動重開,之後所有車都有裝感應器啦(記得當時仲開埋記者會做示範) 原帖由 HW8373 於 2014-3-10 23:35 發表 http://www.hkitalk.net/HKiTalk2/images/common/back.gif
白板都有安全裝置，新、九巴 G 牌 1996 年左右出牌個堆都已經有 (唔知係咪後期加裝)
停車要差唔多停定先開到門，早左扭掣度門唔會開，要扭返埋個門掣停定部車再扭過先開到門
閂緊門可以開車，但度門未完全閂晒而部車郁緊既話 ...
唔知係setting 唔同定係運作原理唔同，以新城黎講，比較舊o既低地台車，度閘只要閂到某個位置door brake 就會自動解鎖，
但稍為新o既低地台車o既door brake，一係就要等錢箱郁，一係就要等指示然後先踩brake 解鎖再起步，呢一類door brake o既表表者一定係Neoplan，下下閂完閘仲要等成秒先起到步，不過新巴好多Neoplan 已經度廢左呢個功能，全部跟哂10XX 咁，一閂門就可以郁
簡單D 黎講，前者感覺上"Physical" 同實在D，後者感覺上係電子野，要run 一輪confirm 哂所有野先俾你踩
比較特別o既係城巴青年，有點似舊式door brake，只要度尾閘郁少少door brake就會解鎖，好多卡佬未閂哂尾閘已經起步
不過唔知係咪客鐘同door brake 相關，青年落客一定要等尾閘完全打開先會熄客鐘燈，如果個站得一兩個人落，卡佬手快快未開哂尾閘就閂門的話，客鐘會長著，結果下一站就算冇人落都要再停車...
[ 本帖最後由 VA54-HN8897 於 2014-3-11 13:51 編輯 ]
頁:
[1]
2