原帖由 ma212223 於 2014-3-18 05:28 PM 發表 http://www.hkitalk.net/HKiTalk2/images/common/back.gif
所謂加非繁班次,市區四線全部無份
但其實非繁東鐵,觀塘線仲多大陸客:L
前地鐵市區線﹐講真一句﹐想再加班已經係極難的事﹐主要係已經達到加無可加的地步﹐再加只會訊號系統頂唔順﹐又或者塞車等入站的情況增加。
不如諗下幫觀塘/荃灣線2線9卡化研究:hug:
港島區線路留待將軍澳線西延到香港站分流啦.....
港島線下繁終於由2.5分鐘改做個似樣D既班次
睇黎改完之後下次最應該加既係市區線星期日中午至黃昏既班次
原帖由 icecone 於 2014-3-18 23:25 發表 http://www.hkitalk.net/HKiTalk2/images/common/back.gif
港島線下繁終於由2.5分鐘改做個似樣D既班次
睇黎改完之後下次最應該加既係市區線星期日中午至黃昏既班次
D日間非繁班次加到都唔似非繁班次,
有咩理由非繁忙班次都仲可以密過3分鐘一班....?
同繁忙時間比O既出車數應該前後差1-2抽數量....:L
以前都仲講緊非繁4-5分鐘都仲頂得住,
根本全個網路都OVER LOAD緊,
原帖由 tkf_2005 於 2014-3-19 12:10 AM 發表 http://www.hkitalk.net/HKiTalk2/images/common/back.gif
D日間非繁班次加到都唔似非繁班次,
有咩理由非繁忙班次都仲可以密過3分鐘一班....?
同繁忙時間比O既出車數應該前後差1-2抽數量....:L
以前都仲講緊非繁4-5分鐘都仲頂得住,
根本全個網路都OVER LOAD緊, ...
或者講﹐繁忙時間的定義﹐同以前好唔同。
以前﹐大家講繁忙時間﹐只會覺得係返工日子的早上及黃昏的返工放工時間。
但實際上﹐社會已經轉變﹐唔單只係中國自由行的旅客影響﹐而係香港人本身都使用鐵路都有所上升﹐(某程度係政府保鐵因素有關)﹐令到唔少人消閒外出都會用到鐵路。另外﹐香港人的加班ot﹐亦令放工時間延長﹐直接令到傳統非繁忙時間的人流都有所上升﹐形成全日不同時段人流增加。
當人流增加﹐車廂便會擠迫﹐自然成為繁忙時間。所以﹐現今的繁忙時間﹐已經不再焗限在返工放工時間﹐而係增加到放工前的一段時間﹐去到晚上十點幾十一點(甚至更長)。
即係﹐繁忙時間已經比以前更多﹐持續時間長了。唔係再用返工放工做標準﹐而係直接用人流去做標準。
ps. 香港人的加班工作增加﹐亦解釋了點解早上返工時間的班次﹐係會比黃昏班次為密。
ps2 . 因應加班﹐列車使用量增加﹐會唔會影響日常維修﹐增加系統故障機會率?
會唔會再次訂購市區線新車﹐以增加列車數目﹐令列車可以留廠做日常檢查時間可以增加?
[ 本帖最後由 kei_hk 於 2014-3-19 12:07 編輯 ]
原帖由 tkf_2005 於 2014-3-18 10:56 PM 發表 http://www.hkitalk.net/HKiTalk2/images/common/back.gif
不如諗下幫觀塘/荃灣線2線9卡化研究:hug:
港島區線路留待將軍澳線西延到香港站分流啦.....
9卡化?
解決2大問題先啦。
1. 車站有無得加長月台?特別係唔少係地底車站。
2. 現時的列車設計上是否可加多1卡成為9卡車。
原帖由 kei_hk 於 2014-3-19 11:55 發表 http://www.hkitalk.net/HKiTalk2/images/common/back.gif
9卡化?
解決2大問題先啦。
1. 車站有無得加長月台?特別係唔少係地底車站。
2. 現時的列車設計上是否可加多1卡成為9卡車。
8改10一定可以:lol
不過月台好難有10卡位
今日晴報頭版，話上星期搵記者試三條路線去中環，test下繁忙時間係咪等一班就上到，同埋對比網站/app的「最短行車時間」
http://www.skypost.hk/港聞/要聞/20140319/001/返工逼港鐵%20沙甸魚指數將軍澳重災/131887
成篇正文報道，我覺得ok，我反而關注的是側邊的附文。
乘客愛「衝門」 列車站站延誤
港鐵經常延誤開出，與部分乘客「無品」亦有關連，港鐵職員工會理事長林偉強分析，「衝門」是主要死因，每次因有人衝門，車門重開一次需時10秒，一班車經常有兩、三次衝門事件，已延誤20、30秒；另外人手不足及多人按緊急掣，亦導致列車延誤，當中又以星期一效應最嚴重，試過一個早上有二、三宗。
乜一班車只有兩、三次衝門咁少？我覺得每個站兩至三次就差唔多，有一次搭車試過五次添，個司機最終仲要無奈地開咪，好嬲咁樣叫人響聲後唔好再試圖走入車廂。仲要廣播完哂先肯開車，但睇黎香港人都會當耳邊風，甚至唔知司機係話緊佢。
每個站都20-30秒啦！
工會副主席何振邦稱試過一群人衝門，有人上不到車，車上朋友竟然按緊急掣指有人被夾，好讓車門重開朋友上車。
有於南昌站工作的月台助理指，見過有乘客情急之下，飛跳入車廂墮地；亦有乘客會因衝門失敗而遷怒轉於月台助理﹕「做咩你要閂我度門呀﹖」另一名於香港站工作的月台助理指，有本地上班族看準門不關妥不能開車的弱點，將袋千鈞一髮間拋入車廂，蓄意令車門再打開。
其實係咪唔應該請月台助理，而係請月台警察呢？
響聲後仍衝門或用上述如斯激烈的方法者，定額罰1500。
按緊急掣那個，根本就要罰$5000。(緊急掣上已寫著不適當使用，要罰！)
罰左既錢做可加可減機制內的基金，變成影響下年會否加價或加價率的因素！
[ 本帖最後由 lsc04d11 於 2014-3-19 19:42 編輯 ]
早上繁忙時間，在油塘站等過海列車，等4-5班車先上到係家常便飯
但在上星期四的早上，當好多人等了幾班車，月台上積了一定乘客數目之時
想不到會有一部空車清客，似乎有關方面已開始用新辦法去改善過海擠迫的問題
PS: 列車到站時，月台顯示牌同廣播都話部車係不載客列車，但隨即被車站職員開咪蓋過有關不載客廣播
原帖由 lsc04d11 於 2014-3-19 07:41 PM 發表 http://www.hkitalk.net/HKiTalk2/images/common/back.gif
其實係咪唔應該請月台助理，而係請月台警察呢？
響聲後仍衝門或用上述如斯激烈的方法者，定額罰1500。
按緊急掣那個，根本就要罰$5000。(緊急掣上已寫著不適當使用，要罰！)
罰左既錢做可加可減機制內的基金，變成影響下年會否加價或加價率的因素！
對付麻煩客，月台警察也應該係有效方法。
但對於其定位，個人覺得可以調校一下，平衡乘客利益同列車運作。
例如車門未能關上，除了係乘客問題之外，亦可以係因為司機太早關門引致。
明明有秩序咁上緊車，入面仍然有足夠空間，司機卻要早早關門，就應該比訊號司機唔好關門住。
司機明顯睇都唔睇，例如一關門時，8卡都有人被車門夾住，就應該紀錄下來加以更進。
(其實有關方面肯用心做，月台助理一樣做到。)
原帖由 lsc04d11 於 2014-3-19 19:41 發表 http://www.hkitalk.net/HKiTalk2/images/common/back.gif
乜一班車只有兩、三次衝門咁少？我覺得每個站兩至三次就差唔多，有一次搭車試過五次添，個司機最終仲要無奈地開咪，好嬲咁樣叫人響聲後唔好再試圖走入車廂。仲要廣播完哂先肯開車，但睇黎香港人都會當耳邊風，甚至唔知司機係話緊佢。
每個站都20-30秒啦！
換電門同埋淨係重開受阻果隻門已經快返唔小啦
但我記得港鐵定前地鐵講過點解要一次過重開所有車門的原因係公平,
有時唔好一味話d 客點點點, 又唔諗下點改自己d 硬件先得..
仲有轉車大站, d 車長淨係用自動閂門模式的話, 跟本就唔夠時間上落
有時上到一半已經閂門, 咁實彈門啦:L