隧道鑽挖機其實係一台集多種建造工具於一身0既機械。能更安全及有效率建造長距離，劃一切面0既隧道。
預留位本身係特別隧道段，鑽挖機本身唔係合適的機械。一般係鑽完主隧道，再個別改建做預留位。
安排鑽挖機0係車站對接，其實就係之前所講0既重見天日。呢個安排相當普遍。
至於拆除自掘墳墓果部鑽挖機，同做多次貫通去拎番部機，只要肯不惜工本去做，又無話唔得0既。但咁就差不多等於跌佐個十蚊大銀落沙井，要請個工人去執番，甚至鑽個洞落沙井底拎番咁解囉。
咁點解鑽挖機在鑽頭果面露出的時候（貫通即是鑽頭果面露出）才較易拆卸，但在鑽頭果面不露出的時候（鑽掘頭路段即是鑽頭果面不露出）就較難拆卸？:o 原帖由 paul2357paul 於 2014-3-25 03:42 PM 發表 http://www.hkitalk.net/HKiTalk2/images/common/back.gif
咁點解鑽挖機在鑽頭果面露出的時候（貫通即是鑽頭果面露出）才較易拆卸，但在鑽頭果面不露出的時候（鑽掘頭路段即是鑽頭果面不露出）就較難拆卸？:o ...
鑽頭係大過已建成的隧道的﹐因為向前挖的時間﹐後面會即時砌上隧道壁﹐這些隧道壁係永久結構﹐亦會令隧道面縮細。
換句話說﹐除非拆除這些隧道壁﹐否則隧道機係無法向後行。
而以我所知﹐鑽挖頭係一塊過﹐無分件的分得拆散的。
如果要經已建成的隧道取出(取回地面)﹐除了分割鑽頭外﹐便別無他法。
當要分割鑽頭﹐取回地面便等同廢物﹐只可當爛銅爛鐵處理。同時﹐分割後都要經過已經建成的隧道﹐要好小心運輸﹐以免撞及隧道。
更重要的﹐都唔知要運幾遠﹐才有機會到適合的地點可以運回地面。事關其他工程會不停建做﹐原本的入口﹐以至另一部機運回地面的位置﹐都會在短時間內有工程﹐好快已經唔適合運回地面。
反而﹐這部要廢棄的隧道機﹐最後的功用便是在挖墓地之時﹐挖長上些少﹐以便做出一條則線﹐日後可以停放列車之用。
當年﹐太古站便好似因為要廢棄一部機在地底﹐於是便挖多一條則線﹐成為今天供停列車之用。
如果2部機係相挖﹐會在中央部份相遇﹐2部機又要運回地面﹐方法便只有在車站/預先安排好的豎井做對接。
首先安排一部機挖到去車站/豎井﹐便拆散運回地面。之後另一部機才挖去這個車站/豎井﹐再拆散部機。
再做工程做番車站結構 / 唔用隧道機的情況下做回隧道結構﹐回填豎井 / 豎井做永遠性結構做通風槽.......... 原帖由 kei_hk 於 2014-3-25 16:31 發表 http://www.hkitalk.net/HKiTalk2/images/common/back.gif
換句話說﹐除非拆除這些隧道壁﹐否則隧道機係無法向後行。
而以我所知﹐鑽挖頭係一塊過﹐無分件的分得拆散的。
如果要經已建成的隧道取出(取回地面)﹐除了分割鑽頭外﹐便別無他法。
高鐵隧道直徑逾九米，新界郊區幾段隧道都係用鑽挖機建造。
如果鑽頭係一件過，請問咁大件野點樣運去位於八鄉、米埔等的工地？
唔好忘記通去呢D區域0既道路只係來回各一線，計埋淨空打斜角都唔夠九米喎。:L
[ 本帖最後由 s3n370 於 2014-3-26 00:49 編輯 ] 原帖由 s3n370 於 2014-3-26 00:44 發表 http://www.hkitalk.net/HKiTalk2/images/common/back.gif
高鐵隧道直徑逾九米，新界郊區幾段隧道都係用鑽挖機建造。
如果鑽頭係一件過，請問咁大件野點樣運去位於八鄉、米埔等的工地？
唔好忘記通去呢D區域0既道路只係來回各一線，計埋淨空打斜角都唔夠九米喎。:L ...
其實係散件運入去
只不過舊野唔拎番出黎就拆唔到咁解..
師兄都講過整好隧道壁之後會縮細左個隧道面積
咁變左架野都成件出左地面
或者另外整個超大既井俾佢出返黎先拆到件運走
如果條隧道係掘頭既話
你係隧道入面拆唔到.. 原帖由 PoohPoohJoe 於 2014-3-26 06:23 發表 http://www.hkitalk.net/HKiTalk2/images/common/back.gif
其實係散件運入去
只不過舊野唔拎番出黎就拆唔到咁解..
師兄都講過整好隧道壁之後會縮細左個隧道面積
咁變左架野都成件出左地面
或者另外整個超大既井俾佢出返黎先拆到件運走
如果條隧道係掘頭既話
你係隧道入面拆唔到 ...
師兄請噒清楚該文講D乜先啦。
安裝佐隧道壁後的隧道內部空間細過鑽挖機同鑽頭係事實。
但既然鑽挖機都係由散件裝嵌，即係可以拆番轉頭。
唔好講高鐵隧道逾九米直徑，市區線隧道都有6米幾直徑，0係地底拆係無咁理想，但都唔會唔夠位拆呀？
點樣一路拆，一路頂住D泥先係大問題。
0係地底拆件後用自己鑽出黎條隧道運番走，小弟之前提及0既英法隧道己經係咁。
香港自己都知道至少兩單。
正如小弟之前講，拆唔拆係睇肯唔肯花工本，即係值唔值得做
隧道大多數都係一出一入，有得出番黎先拆，一來有多D空間，二來唔駛考慮頂泥呢個問題。
點會捨易取難搵自己笨？
至於鑽掘頭隧道，通常唔會有幾多條，多數都安排最後先鑽。
如果講緊條掘頭隧道係部鑽挖機0既最後任務，鑽到盡頭，架機殼同鑽頭本身己經可以頂住D泥，
搬走哂D機件後直接用石屎封死，絕對係快靚正。
諗住起完拆番個殼同鑽頭出黎，但同時要煩過點頂住D泥頭，又係搵自己笨...
[ 本帖最後由 s3n370 於 2014-3-27 00:50 編輯 ]
回復 15# 的帖子
好多謝咁多位師兄詳細解釋 又學多樣野 我一直都對地鐵既野好有興趣! 原帖由 s3n370 於 2014-3-27 00:46 發表 http://www.hkitalk.net/HKiTalk2/images/common/back.gif師兄請噒清楚該文講D乜先啦。
安裝佐隧道壁後的隧道內部空間細過鑽挖機同鑽頭係事實。
但既然鑽挖機都係由散件裝嵌，即係可以拆番轉頭。
唔好講高鐵隧道逾九米直徑，市區線隧道都有6米幾直徑，0係地底拆係無咁理想，但都 ...
但問題係散件入左去
入面未必可以就咁散件拆
一來係拆卸空間既問題
二來部件拆散既SIZE問題，未必用到原本隧道出
三來要睇組裝方法，如果接口位係部機前部分，都未必拆到
話就話搬出黎可能COST好貴
但部TBM訂番黎都好貴，COST其實一樣大
可能既解釋就只係因為部機用唔著，拎出黎哂心機
TBM通常都度身訂造
拎番出黎都無用~.~ 其實通常盡頭都有回收井，好少唔回收，
個井用黎做個剪彩都有用啦，完成封返又或者做通風樓，
而且盾頭通常有活門，個盾部份鑽刀會損毀要換，咁唔會成塊盾頭換，所以樓上亦唔洗驚有接口位係機前面拆唔到
隊道其實好Standard，尤其鐵路隧道，好少用唔返 原帖由 PoohPoohJoe 於 2014-3-27 06:44 發表 http://www.hkitalk.net/HKiTalk2/images/common/back.gif
但問題係散件入左去
入面未必可以就咁散件拆
一來係拆卸空間既問題
二來部件拆散既SIZE問題，未必用到原本隧道出
三來要睇組裝方法，如果接口位係部機前部分，都未必拆到
話就話搬出黎可能COST好貴
但部TBM訂番黎都好貴，CO ...
師兄唔駛咁擔心拆唔到喎。既然師兄都知道鑽挖機係度身訂造，造果陣自然要由運送到裝拆所有限制都考慮過哂啦。如果係諗得週詳，散件尺寸同接合方式位置通通都可以配合到，包括要0係隧道中間拆卸。
無論架鑽挖機0係邊度完工都好，一定要預裏面0既大型機械隨時壞佐要維修甚至更換。而運送機械，裝拆通通只能靠早前鑽落果條隧道。
所以最差最差都係講緊係情況有變，但造機果陣無預先會出現。例如原來係預成架機重見天日，但臨時改在地底拆卸。但講緊呢個情況好少可發生，第二，頂多係機殼同鑽頭無法簡單地拆卸，夾硬要鋸走。
[ 本帖最後由 s3n370 於 2014-3-27 12:39 編輯 ] 原帖由 waterboy1984 於 2014-3-27 11:28 發表 http://www.hkitalk.net/HKiTalk2/images/common/back.gif
其實通常盡頭都有回收井，好少唔回收，
個井用黎做個剪彩都有用啦，完成封返又或者做通風樓，
而且盾頭通常有活門，個盾部份鑽刀會損毀要換，咁唔會成塊盾頭換，所以樓上亦唔洗驚有接口位係機前面拆唔到
隊道其實好Standard，尤其 ...
鑽挖機設計的最重要因素係隧道地質，尺寸反而係小事。
機械部份可重用機會較大。反而關係到隧道尺寸的機殼同鑽頭，完成工程後因為已經磨蝕佐，好難用落下單工程合約。
想再回12樓。閣下話唔知要運幾遠先到出口﹙掘隧道可以唔知掘佐幾遠？﹚，又話後面配合唔到﹙假若閣下抬緊煲滾水，都識得叫，滾水，借過吧？﹚。唔止係呢度，好多帖子都係咁。
當然，唔識當然唔識，但唔通真係做果d都係咁一舊雲咩。
[ 本帖最後由 s3n370 於 2014-3-27 13:14 編輯 ]