星期日機場的驚喜
上星期日晚，小弟諗住去博覽館睇下城巴有咩特車...雖然雨已經細左，不過路上仍有擠塞，結果去到得返兩架特車，點都好過無....
好多客睇完演唱會都唔知龍翔道浸晒，成廿個客係度死等 E22A，站長勸都唔理，
結果小弟同另一位行家都出聲先肯去轉坐 A22....
另一部市區車....
由於唔想坐市區 E500 出去，於是坐左 E21 出去 GTC 影多陣相再轉 Flyer 走....
點知出到 GTC，有部金車係度，聽同場行家話係 X33 走出黎，初時諗會唔會係司機去廁所呢？
後來有龍運站長拎 d 膠牌上車，就醒起屯門公路冧左..... 原來係加班行 E33！
小弟知道某位板友好鍾意問呢 d 時候 E33 會唔會改行大欖隧道，於是我口痕問下站長
會唔會改路，站長用大師級的語氣話「無計啦，都要照行屯公啦.....」
咁又係，唔行屯公，去轉車站點算？事實上有一個醒目的乘客知道部車繼續行屯公後
走左去搭 E34.... 最後部 E33 金車由一位職員帶路下離開...
同時間，原本行 X1 的 AS10 又入左黎 GTC，又係拎左膠牌上車，今次係 E42.....
我心諗玩到咁癲？點知真係行！！！
果刻真係感動到呢..... 除左博覽館線外，我真係有十幾年無見過白板行龍運線，
細個見到白板行龍運唔識寶，如今再見真係超感觸....
同時間，因為呢部車地台唔矮，仲要係單頁前門，結果幾位龍運職員都有協助乘客搬行李上車。
咁難得就當然要坐下啦.... 因為呢位車長相當有經驗，完全唔需要帶路....
入後勤區就諗起當年坐 AV 行 S64 的情況.....
我見到有人係另一篇文問部車係唔係不斷俾人過頭.... 我想講，好多舊車唔一定差過新車....
簡單黎講部車真係好爽，就係咁簡單.... :)
亦都多謝師傅渣得好定，係北大嶼突然落好大雨，但仍然渣得好好，完全處變不驚~
結果順利返到去博康.... 雨亦差唔多落晒~
題外話：
不過有件始料不及的事小弟唔係幾開心，話說小弟上 E42 前影左張相，上車後 send 俾左 italk facebook page 一位管理員，
一如以往，就等同我送左張相俾 italk 去貼.... 不過後來我知某專頁偷左幅圖，並且話係一個叫「黃X良」的人 send 俾佢，
於是漏夜打俾一位我同台主中間的 mutual friend，希望大事化小，建議一邊鏟圖另一邊鏟聲明。不過唔知係咪我講得唔清楚，
結果就變左小弟授權轉載... 其實小弟都唔想中間人難做，所以決定個人唔再追究，不過聽講後來有其他人掉返轉質疑 italk，
小弟實在非常唔好意思，只能公開澄清一點：相我只係俾過 italk 無俾其他人，但有人聲稱獲授權，我亦只當誤會而唔會追究，
不過因為相已送 italk ，最終追究權留返俾站方，我亦要向 italk page 的管理人員帶來的麻煩致歉！
P.S. 證明我係拍攝者好簡單，就係貼幅大 size 原圖出黎.... 希望還 italk 清白此事可以了結。
https://drive.google.com/file/d/0Bw_5z9yIt02VWWFicWVLbnREZFU/edit?usp=sharing
[ 本帖最後由 da54 於 2014-4-4 22:56 編輯 ] 原帖由 petcity 於 2014-4-4 22:59 發表 http://www.hkitalk.net/HKiTalk2/images/common/back.gif
其實，而家咁講要解決件事好簡單，咪就係「黃x良」偷相
去某台，乘機挑起兩邊對罵
不過，某台係部份人心中係點，相信五四兄你應該俾我更清楚
或者係誤會啦，其實我知的唔會比你多....
不過我勸喻唔好討論其他 page 喇，唔係我最尾段野的原意，我只係想還人一個清白，唔係想挑起紛爭，
同埋漏左一樣：我都想表揚一下龍運的靈活應變。 (後來聽講呢次安排唔係容易) 白板行龍運線唔駛十幾年..上年E33都有一單:lol
http://i.imgur.com/dgwTZPE.jpg 點解會有AS行E42既? 原帖由 PS8851@182 於 2014-4-4 23:26 發表 http://www.hkitalk.net/HKiTalk2/images/common/back.gif
無知一問, 十多年前 AS 有冇行過龍運線?
FU2948行過E31
http://hkbus.wikia.com/wiki/%E5%9C%96%E5%BA%AB:%E9%BE%8D%E9%81%8B%E5%B7%B4%E5%A3%ABE31%E7%B7%9A#.E4.B9.9D.E5.B7.B4.E8.BB.8A.E9.9A.8A
[ 本帖最後由 Alex01 於 2014-4-8 19:28 編輯 ] 連車都早退埋啦:o，所以只此一次:(
此情不再
AS10 除牌消息% S$ \! o0 {' a' \4 YG1 Z8 t
http://www.hkitalk.net/HKiTalk2/thread-830846-1-1.html
頁:
[1]
2