5/14 早上268C元朗往觀塘班次
今朝如常向YOHO等268C返工, 由0905開始等等到0925都冇車, 其他線KEEP住唻我向0925打左27454466詢問268C班次係咪正常, 佢答我因為龍翔道朝早有交通意外,
結果0845開左一班後要到0918先開多左班.
問題:
1) 唔熟路線運作, 想問係類似情況都會係又佢成半個鐘冇車就算?
2) 今朝其他線例如38/42C/269C/40係咪又係咁樣斷晒?
3) 站長向呢個情況下可以做到乜? 係咪唔同站長A同站長B可以有唔同處理做法?
thanks! 原帖由 yoho 於 2014-5-14 15:45 發表 http://www.hkitalk.net/HKiTalk2/images/common/back.gif
問題:
1) 唔熟路線運作, 想問係類似情況都會係又佢成半個鐘冇車就算?
陣間又有班定點崇拜者話, 冇車就算, 係非常之正常, 亂郁班次會影響固定乘客云云
車都上唔到仲定乜嘢點, 定點畀你喺巴士站準時望住架車望遙輕嘆?
268C九點前5-10分鐘一班, 九點後12分鐘一班
變半個鐘又唔算真好嚴重,
不過隔離B線一定救唔到你
都好難真係特登安排有車救 原帖由 yoho 於 2014-5-14 15:45 發表 http://www.hkitalk.net/HKiTalk2/images/common/back.gif
1) 唔熟路線運作, 想問係類似情況都會係又佢成半個鐘冇車就算?
D車都返唔切o黎, 加上繁忙時間架架車都打緊仗, 邊度拉車拉司機... 條條線都打緊仗...想救都難啦.. 可以改搭68m上轉車站轉269c試試，不過若你話269c都可能冇車的話咁真係冇得講 原帖由 h2o 於 2014-5-14 23:53 發表 http://www.hkitalk.net/HKiTalk2/images/common/back.gif
可以改搭68m上轉車站轉269c試試，不過若你話269c都可能冇車的話咁真係冇得講
既然268c同港鐵時間頗接近，樓主唯有就係出發前開app開條線睇吓有無交通意外報告喇！
以龍翔道/呈祥道撞車機率計，如果撞車位搞到剩一線行車或全封咁就真係轉西鐵好過！ 唔知香港的巴士公司幾時唔駛要個客打去問,
先肯公佈所有路線實時開車/到站時間呢 原帖由 cx734 於 15/5/2014 00:08 發表 http://www.hkitalk.net/HKiTalk2/images/common/back.gif
唔知香港的巴士公司幾時唔駛要個客打去問,
先肯公佈所有路線實時開車/到站時間呢
有, 當大部份路線都係定點班次, 30分以上先有一班車時。
講真如果211公佈到站時間，我諗我會半信半疑。大約差三四盞紅燈己可攪到前後車貼住行。 原帖由 cx734 於 2014-5-15 00:08 發表 http://www.hkitalk.net/HKiTalk2/images/common/back.gif
唔知香港的巴士公司幾時唔駛要個客打去問,
先肯公佈所有路線實時開車/到站時間呢 點樣公佈? 交通,車輛情況分分鐘都唔同,唔好話全線公佈,
就算而家有D站頭有顯示時間,一改咪又比人鬧,
呢分鐘架車返到站頭拍卡開車,開車時架車撻唔著,
開車前個司機屋企有事,個司機肚屙之類原因開唔到,
或者架車到站等開車之後站長接到通知後面塞車,要開遲D車,
或者臨時有加班車又調整下D班次;
我又唔明香港人生活係咪咁緊張,的士都唔包你準時到,
自己做呢行聽過好多奇怪乘客的故事,
比如有64K車長話有乘客日日打電話投訴錦上路巴士到站時間唔同,
有D又話行車時間日日唔同,我自己都覺得呢D係屬於精神緊張,
好多站頭幾分鐘一架車都要走去問站長幾點開,問完咪又係企響到等,
良景58M開車時間日日唔同,有個乘客會大鬧站長室,
搭車姐,駛唔駛咁緊張呀?
你估巴士公司,前線站長,車長,唔想日日D班次唔駛執,日日唔駛理,
架巴士日日準時到咩,條路你行晒,D車唔會壞,車長唔會病?
點樣公佈九巴全線開車時間?飛機地鐵渡輪,就算的士都唔包準時有車到啦,
實際開車時間,好多時個車長幾時到站,幾時去完廁所咪幾時開囉
[ 本帖最後由 EE9255 於 2014-5-15 03:48 編輯 ] 原帖由 EE9255 於 2014-5-15 03:26 發表 http://www.hkitalk.net/HKiTalk2/images/common/back.gif
點樣公佈? 交通,車輛情況分分鐘都唔同,唔好話全線公佈,
就算而家有D站頭有顯示時間,一改咪又比人鬧,
呢分鐘架車返到站頭拍卡開車,開車時架車撻唔著,
開車前個司機屋企有事,個司機肚屙之類原因開唔到,
或者架車到站等 ...
可以用gps等系統？