支持邊一便都好啦
晌巴士上面「留書」「鬧喱鬧撈」
就已經係「刑事毀壞」
(唔駛各位坐監都好啦,賠張L凳一萬幾千...
呢種「宋公明醉酒式」表達意見...
1000年前仲可以上梁山,惡返轉頭
而家0既香港?賠少個斗零已經可以「破產」處理...
唔抵喎~更何妨真係有監過你坐*?!)
* 視乎0個位裁判官係好人定惡死啦...
輕則緩刑幾個月到幾年不等,重則準備幾年晌監倉渡過...
不過,小弟見過0既都係「鄉民」向汎民「發炮」居多...
(老實講: 日日都係見到呢幾句「媽媽差差」
見到本來平靜0既小弟都準備起火咁滯...
好在無人引爆~[陰德積得多0卦~])
巴士本來就係「有皇管」0既地方
有晒規定(230a章)唔准各位「當自家客廳」去濫用...
不過,太多人當呢d規定無到,仲要「公民抗命」留堆大字晌度...
如果真係有警察(仲要係心情唔慌好0個隻)晌度的話...
各位仲會唔會有機會睇小弟回文「鬧鬼」各位「其身不正」呢?
話知佢九巴支持佔中都好啦
塗鴉座位、騷擾其他乘客安寧等等...本來就已經違法
而家巴士公司要「法辦」0者,唔需要無限上綱加抽水0卦...
唔需要搞政治辯論傷0左各位條氣先啦。
PS 拉得塗鴉0既,不如拉埋堆大聲公、賣菜婆啦...
(乜巴士係海德公園某廣場咩?!)