京成access 轉京成本線轉車問題
本人即將前往日本旅行，在空港大廈2京成access 轉京成本線是否免費轉車，不知應如何組合才能減省旅費，所以希望版友相助。 京成本線及Access 月台是分開 , 如果坐京成本線 . 要在大堂過第二次閘機再落月台不過感覺上Access 行北總線係快過京成本線 是否免費轉車? 你目的地想去邊？
重點：京成本線（舊線）同Sky Access線（新線）都停晒機場兩個站，
在成田空港站（總站）新線有一個側式月台、舊線有一套島式月台，
在空港第二大樓站新舊線月台係同一條軌同一舊石屎但人為地分為兩個收費區。
當你在機場屬於Sky Access線的閘機入閘，而沒有經過第二重閘機入到京成舊線，
則去到市區任何車站出閘，佢都自動當你搭新線而收新線個價。
如果目的地只有京成本線到（如船橋）就直接搭京成本線，
如果係去都心日暮里、上野，
要最快同最貴可以搭Skyliner，
次一級Access特急都可以試新線，
要最平就係行舊線的京成快速特急、特急，
如果去品川、羽田、橫濱可以搭京急直通車，有經新線亦有經舊線。
新舊線去到京成高砂及青砥係同方向跨月台轉車（Skyliner不停），可以自由轉車去上野或者品川橫濱，
如前所述，收你新線定舊線價係睇你在機場有冇入第二重閘機。
請恕我不太明白「免費轉車」即係想點，一離開機場後，兩線分道揚鑣，直至高砂才匯合，
去到高砂，你之前究竟搭新線定舊線已經有定案（入一重閘就一定係搭新線、入二重閘就一定係搭舊線），
再之後的收費就根據高砂至目的地的車費標準而定，出閘時自動計好晒（如使用Suica）。
新舊線各自機場兩個站出市區都係同一價位，例如機場至青砥：
成田空港－青砥：新線1,120円，舊線920円
空港第二－青砥：新線1,120円，舊線920円
唔知有冇解答到你的疑難，定係搞到你更一頭霧水呢？ :lol
[ 本帖最後由 DIH 於 2014-7-23 16:52 編輯 ] 東成田 原帖由 ctb910 於 2014-7-23 19:44 發表 http://www.hkitalk.net/HKiTalk2/images/common/back.gif
東成田
我都係唔明，請問你想由邊度去東成田，或者由東成田去邊度？去東成田做乜？影車？想去芝山千代田？ 我由押上去東成田經北總線，在大廈二轉本線到成田轉東成田線去東成田，在大廈二是否免費轉車，而且去東成田是特別車站。 點解唔索性出閘
由T2行隧道過去東成田?;P 原帖由 ctb910 於 2014-7-23 20:47 發表 http://www.hkitalk.net/HKiTalk2/images/common/back.gif
我由押上去東成田經北總線，在大廈二轉本線到成田轉東成田線去東成田，在大廈二是否免費轉車，而且去東成田是特別車站。
我用 www.hyperdia.com 查到，這個搭法共收1,310円，詳情如下：
原帖由 OTIS401 於 2014-7-23 20:58 發表 http://www.hkitalk.net/HKiTalk2/images/common/back.gif
點解唔索性出閘
由T2行隧道過去東成田?;P
T2 的話, 沒有記錯晌月台那一層有隧道直接行過去東成田站, 剛剛好同向車站一邊成反方向的
隧道入口有好清晰的指示牌
日本維基上指 T1 經隧道行去東成田大約十分鐘
相信 T2 唔會相差得太遠
至少慢極都快過你坐車轉過去 :lol
費用係 0 yen
不過留心好似話如果要晌東成田轉搭 shuttle bus 要經過簡單安檢關卡的
就好似由 T2/T1 入機場前一樣
頁:
[1]
2