前地鐵是否曾提供貨運服務?
記得十幾年前日頭搭地鐵嗰陣，不時遇到工程車，而且時間都幾固定，平日大約下晝一點九過荃灣車廠，跟住三點左右又由荃灣車廠落返唔知邊個廠，
星期六、日就好似分別夜晚十點半同黃昏六點半過荃灣廠。
我就知道抽車非常嘈（唔知係咪冇幕門關係），同埋印像中啲拖卡外型幾古怪吓，
係黑色車卡配又紅又綠嘅條紋，而家再見唔返，
裝咗幕門之後就冇咗呢啲工程車。
到前幾年非繁忙時間又出返工程車，不過係賣廣告，好似賣咗一兩年就冇再賣，
記得有賣過京奧、藝術品同sony ericsson。
[ 本帖最後由 gsrc0525 於 2014-7-26 21:22 編輯 ] 原帖由 gsrc0525 於 2014-7-26 21:20 發表 http://www.hkitalk.net/HKiTalk2/images/common/back.gif
記得十幾年前日頭搭地鐵嗰陣，不時遇到工程車，而且時間都幾固定，
平日大約下晝一點九過荃灣車廠，跟住三點左右又由荃灣車廠落返唔知邊個廠，
星期六、日就好似分別夜晚十點半同黃昏六點半過荃灣廠。
我就知道抽車非常嘈（唔知 ...
以前係會用工程車做內部運輸，而家全部係外判.. 聽講以前每個車站的收入(賣票機的錢箱)﹐都係每日由工程車由每一個車站運返車廠集中處理的﹐好似全部集中去九龍灣車廠。 原帖由 kei_hk 於 2014-7-26 23:46 發表 http://www.hkitalk.net/HKiTalk2/images/common/back.gif
聽講以前每個車站的收入(賣票機的錢箱)﹐都係每日由工程車由每一個車站運返車廠集中處理的﹐好似全部集中去九龍灣車廠。
最記得有一、兩次晚上11時左右在金鐘站轉車時看到有工程機車埋站去收錢箱，另有一次是在中午時份看到。 其實除左錢銀上物品俾左保安公司，其他內送物品都仲係MTR自己運輸，只不過環境及營運上問題，除某些無得揀的情況外(如運送軌道結構物件等)，絕大部分物品都已改為路面車運送，當然會在非行車時間內進行，所以大家搭車時候都唔會再見到
[ 本帖最後由 Megabus 於 2014-7-28 14:59 編輯 ] 一睇樓主的標題，仲以為地鐵幾時咁激，好似九鐵開貨運列車服務。原來只係講緊內運。
"服務"的對象係外界，如果小弟曾幾何時可以拎件貨物，俾錢後，地鐵就會幫小弟運到某站，咁就真係"貨運服務"啦。
地鐵有自家飯堂、康樂設施俾員工享用，唔通小弟又可以話地鐵提供餐飲及娛樂服務咩。
頁:
[1]