原帖由 GK3258 於 2014-8-29 18:29 發表 http://www.hkitalk.net/HKiTalk2/images/common/back.gif
觀塘道係整錯左，係行繞道直接返
至於碼頭係跟現時297
無謂兜碼頭, 咁樣一來一回起碼兜多5分鐘
有時真係唔明點解為296X定線肯飛九龍灣，但為297就唔肯
原帖由 castanopsis 於 2014-8-29 19:41 發表 http://www.hkitalk.net/HKiTalk2/images/common/back.gif
有等過297的版友都會知道，297班次好差，我自己就成日聽到「297好疏」這個comment
如果再轉循環，塞一塞真係隨時成粒鐘無車
印象中唔只往紅碼方向有九龍灣短途客
我自己就見過297往將軍澳方向中午做大半滿入九龍灣
given... 經常搭297既版友（即係本人）好贊同你話297班次差，但係班次差係因為客量不足。297回程真係除左下繁外都好慘烈，所以我先有呢個建議。其實土瓜灣上路真係比105搶哂客，下繁成績真係靠條食唔哂既105客仔同坑口客，所以下繁應該開條297P行依家條路執客。然而，非繁黎講上路真係直飛，九龍灣亦客量不足，所以我先建議縮線黎加班。改循環其實係為左唔會比105搶既土瓜灣下路既人都有得上車。至於坑口方向可能因為小弟唔係中午搭，真係唔知有咁既客源。至於早繁，其實297必須行寶林。雖然係同105重疊，但係105早繁根本負苛唔至個客量，所以其實開多幾班297P既可以直接食埋批客添。297呢條線唔執既，一開東西線非繁可以轉一個鐘一班，一定要特快先保到命（雖然你會覺好耐後），而且特快真係慳到資源同唔太影響現有客（土瓜灣去九龍灣真係無諗過，要再諗）
[ 本帖最後由 GK3258 於 2014-8-29 21:31 編輯 ]
原帖由 castanopsis 於 2014-8-29 19:41 發表 http://www.hkitalk.net/HKiTalk2/images/common/back.gif
有等過297的版友都會知道，297班次好差，我自己就成日聽到「297好疏」這個comment
如果再轉循環，塞一塞真係隨時成粒鐘無車
印象中唔只往紅碼方向有九龍灣短途客
我自己就見過297往將軍澳方向中午做大半滿入九龍灣
given...
297依家根本已經好難大改,因為太多散客
土瓜灣/紅磡<-->九龍灣
將軍澳<-->九龍灣
將軍澳<-->土瓜灣/紅磡
當中將軍澳往返土瓜灣/紅磡唔夠客support一條全日線
(因為非繁土瓜灣/紅磡真係唔多客,同埋仲要被綠小105打到正)
至於兩段半路客,將軍澳落九龍灣都可能用93K改路食咗佢
(當然一定收唔足$9.9,但93K改入去相信都仲可以keep到$7-8
但係297同93kK用車數又少咗,仲叫有誘因)
但係土瓜灣/紅磡去九龍灣就真係難搞
雖然現時有5D,可以做大佢
但係收費太平喇(以297對比)
九巴冇足夠誘因要做大條平線佢
似乎暫時而言,297只適宜繁時拆線
(即類似現時297 vs 297P)
但非繁時都係維持現狀算數
原帖由 hadboy5 於 2014-8-29 21:06 發表 http://www.hkitalk.net/HKiTalk2/images/common/back.gif
有時真係唔明點解為296X定線肯飛九龍灣，但為297就唔肯 296X年代小弟未係巴士迷，至於297，其實寶林坑口去九龍灣（早繁）、九龍灣去紅磡土瓜灣、九龍灣返寶林坑口（下繁）都有唔少客，不能忽視
原帖由 GK3258 於 2014-8-29 21:08 發表 http://www.hkitalk.net/HKiTalk2/images/common/back.gif
經常搭297既版友（即係本人）好贊同你話297班次差，但係班次差係因為客量不足。297回程真係除左下繁外都好慘烈，所以我先有呢個建議。其實土瓜灣上路真係比105搶哂客，下繁成績真係靠條食唔哂既105客仔同坑口客，所以下繁應該開 ...
297轉特快我都想，但係好多問題要解決，逐個數出來等大家想辦法
1. 下繁上路一定上唔到105，寶林客點算？
2. 下繁上路返坑口每班十幾二十個客連105都無，可以點處置？
3. 九龍灣返寶林坑口的乘客有何替代？（首相提到開GMB111A，唔知馬亞木有無資源？）
4. 土瓜灣往九龍灣有107分段替代，但九巴肯唔肯收少幾蚊+送一半客給城巴？
5. 最後，剩做下路返坑口寶林夠唔夠客？796X宜家完全獨市做土瓜灣非繁客量都唔標青，297剩做下路會唔會有客量危機？
補充一下：我建議開一兩班坑口直出=/=寶林會無車，我絕對明白寶林早繁剩靠105會惹來數以百計的乘客投訴
不過條線297寶林客量真係好極端
繁時105唔夠載就有好多客
但非繁夜晚我見過唔少次戲院得0-2個人上，然後十幾個人排105見297來完全無反應
原帖由 castanopsis 於 2014-8-29 22:05 發表 http://www.hkitalk.net/HKiTalk2/images/common/back.gif
297轉特快我都想，但係好多問題要解決，逐個數出來等大家想辦法
1. 下繁上路一定上唔到105，寶林客點算？
2. 下繁上路返坑口每班十幾二十個客連105都無，可以點處置？
3. 九龍灣返寶林坑口的乘客有何替代？（首相提到開GMB111A，唔知 ... 1、2:話左下繁開297P行舊路執客
3:照上車去紅磡方向，循環線嘛，雖然會耐少少，焗搭對巴士公司無害
4:個人認為呢個都係善用資源既一種，其實改特快都cut左車慳左油，就算keep返原本班次都可以用少幾架，密啲班次拉返埋都應該仲係少幾架（密啲係20改15，對297已經係大躍進），少架車成本低左就算蝕幾個客拉番埋應該都賺，因為始終現時唔多客咁搭唔揀107，有既轉107都仲有一半機會落九記袋，亦只係少幾蚊，唔好忘記一架車一轉成本百百聲。
5:其實原本非繁靠埋上路都唔夠客，九龍灣亦無乜，改特快同改行上路算係吸引客搭。就算真係唔夠，好似上面咁講，當以‘’不減班次‘’來減班都係有賺。回應補充:根本條線響寶林非繁同105打係得啖笑，但係上繁又汁到好多雞。坑口直出其實對巴士公司誘因不大。一個坑口保證唔到最旺時段滿，走埋去寶林汁埋雞就一定滿。所以早繁可以唔使理。非繁黎講，其實真係唔會夠105打，拍烏鷹十分正常，開坑口直出連嗰一兩個客都bye埋，又係無誘因
簡單啲黎講，非繁與其咁傻走去行上路同個無可能打得贏既105鬥，不如飛番去當特快做，對乘客定公司都有益
[ 本帖最後由 GK3258 於 2014-8-30 00:15 編輯 ]