試過坐E22入左航膳西路，唔記得入航膳東路，飛左兩個站
969再加上969系各線，再加上969早繁不經景湖居及銀座的安排，真係會好難記……
962系會比較好d，比較分明……
九巴都間中有這些情況，279X逢封汀九橋時，有N咁多種行法，包括：
1. 荃灣路,青荃橋,青衣北岸公路,青葵公路返回原有路線. (最正路版)
2. 荃灣路,青荃橋,擔桿山迴旋處,楓樹窩路,青衣西路,青康路,長康總站調頭,青康路返回青衣西路原線.
3. 荃灣路,青荃橋,擔桿山迴旋處,楓樹窩路,青衣西路,寮肚路,長亨總站調頭,寮肚路返回青衣西路原線.(無停青華苑站)
4. 荃灣路,青荃橋,擔桿山迴旋處,楓樹窩路,青衣鄉事會路,涌美路,青康路返回青衣西路原線.
但我試過下列四個版本：
5. 荃灣路,青荃橋,擔桿山迴旋處,返回青敬路原有路線(即不停青華苑,長亨邨兩站)
6. 荃灣路,青荃橋,擔桿山迴旋處,青敬路,青衣鄉事會路,涌美路,青康路返回青衣西路原線.(經過灝景灣有停站,今個月初的事)
7. 荃灣路,葵青橋,青衣路,返回青衣西路原線.(第一次經青衣南)
8. (當日北岸公路係封左) 荃灣路,葵涌道,青葵公路南行,迴旋處,青葵公路北行,西北交匯處,青葵公路南行,長青公路返回青衣西路原線.
其實上面唔知邊個係訓練過，邊個係未訓練過的版本。
有時車長訓練左唔代表佢記得晒所有野，況且969系千變萬化，連279X這些無乜可變的都會出錯，咁969出錯都唔過份。
試過有次坐969，出咗大欖之後跟968落咗去大馬路:L 。
講開訓練，今日中午接近一時在大老山隧道上 798 往沙田，架車到田園閣站，車長只開前門比人上車，意識上一直未有開下車門，有乘客叫落車叫左兩聲，車長按掣開門......鐘，係小弟我第一個按的。。。可能佢諗緊自己開緊返將軍澳......
另一次去觀塘碼頭坐順利巴士，聽到兩個車長談話，了解到呀車長新調到此線行走，對此線明顯不熟悉，剛巧坐到佢開車，一直佢都唔敢放膽開快，連返觀塘離開順安尾去聯合醫院條大斜路都一直靠左，直至見路牌至打燈過線，相信係第一日行呢條線。。。
796C改以半島做總站初期，成日有司機行舊線
其中一次兜左去尚德，飛左將軍澳官立小學
另一次就係君傲灣迴旋處掉頭
另一次就796S飛左彩貴閣個站，直出九龍
試過搭52X過西九龍中心後跟59A去咗南昌嗰邊迴旋處，最後跟12A出返荔枝角道行返原線
新城應該考慮下裝部GPS導航係架車度
原帖由 RW5779~ATSE48 於 2014-12-31 13:49 發表 http://www.hkitalk.net/HKiTalk2/images/common/back.gif
試過搭52X過西九龍中心後跟59A去咗南昌嗰邊迴旋處，最後跟12A出返荔枝角道行返原線
個陣係咪未改唔兜南昌邨？
原帖由 lsc04d11 於 2014-12-30 20:52 發表 http://www.hkitalk.net/HKiTalk2/images/common/back.gif
969再加上969系各線，再加上969早繁不經景湖居及銀座的安排，真係會好難記……
962系會比較好d，比較分明……
其實969早繁走線已經好好記,出站後靠左行就得左:handshake