堅尼地城至上環站係趕唔切接駁到過境線尾車
有版友講起尾班車問題，我都參考港鐵官方網站，下面幾個站往落馬洲/羅湖站尾車如下堅尼地城 2110/2240
香港大學 2112/2242
上環 2115/2245
中環 2119/2249
金鐘 2120/2250
如果按照表列尾車時間，港島線列車會喺2117/2247到中環3號月台，
但係中環站港島線同荃灣線並唔係同層轉乘，而且得一條通道，要行去月台中間先有電梯落荃灣線，
同埋照咁睇荃灣線啲車一踏正2119/2249就會關門，即係轉車時間兩分鐘都唔到，
仲有最緊要係往荃灣線嘅第一、二部電梯係往上行，跟住第三部電梯先係下行，
正常步速下起碼行多半分鐘先落去，跟住落電梯都要落半分鐘，
過境線尾車係唔太夜，客流仍算多，電梯一般都塞人。
如果要過境嘅乘客，唔係喺3號月台中間落車，
按照正常步速，落到荃灣線月台，好大機會目送2119/2249尾車離開，
尤其是用得落馬洲/羅湖嘅人以遊客比較多，佢哋一般係唔知邊度最快轉到車，
除非一落車跑去中間，跑落電梯，落電梯嗰陣甚至撞開晒啲人:lol
中環站港島線/荃灣線轉車一般有足夠時間走盞，
往上水/烏溪沙尾車0004到中環3號月台，再上到0010班荃灣線，
往紅磡尾車0030到中環3號月台，再上到0035班荃灣線，
荃灣線尾車0059到中環，再轉到0104往堅尼地城尾車，
轉其他線尾車都預留5分鐘時間。
其實係咪應該將尾車時間要相應提早約3分鐘，
即係堅尼地城往落馬洲尾車改為2107，往羅湖尾車改為2237，
咁到中環嘅時間就變成2114/2244，再唔係就改到比時間表再提早一班車？
可以預留到5分鐘時間俾過境客轉線。
[ 本帖最後由 gsrc0525 於 2015-1-8 21:29 編輯 ] 冇記錯KOT係有10分鐘步行時間走盞:lol
P.S.講起尾班車，如果搭西鐵尾班係TUM開去到MEF
岩岩係0040，同荃灣綫往CEN同步到站
如果荃灣綫開遲少少就可以趕到:lol 咁就要講少少KOT有趣事
話說KTL往油麻地列車尾班為0042
而ERL正常情況下會有一班往紅磡列車大約0041埋KOT站 , 而呢班車係官方網頁係接駁唔到KTL往油麻地 (尾班係寫0036到KOT果班車既始發地開出時間)
有一日我搭中呢班0041埋站既車 , 落車時見到一大班人怒奔 , 我心諗做乜事 ,
去油麻地尾車應該開左 , 去調景嶺尾車仲有7~8分鐘先到 , 洗乜跑 ?
我以一個比正常人行路速度快少少既步速落到KTL月台見到岩岩有架去油麻地既車開左門 , 我就知乜事啦
另一日搭同一時間既ERL , 但係呢班ERL唔知點解係獅子山停左係度等信號 , 結果大約0046先到KOT
同一情況有堆人係度跑 , 但結果就係KTL月台站長要逐個人解釋油麻地尾班已經開左 , 叫佢地去搭返ERL去旺角轉N車
所以MTR應該係MEF / KOT 等轉車站計足時間轉車
不過如果有人係(MTR官方)指定時間前入閘登車 , 又乘搭指定路線 , 但又去唔到目的地 , 佢應該可以告MTR:lol
回復 3# 的帖子
同樣地﹐青衣站機場快線轉東涌線都有加入步行轉車的時間。即係所謂尾車之後﹐實際上係仲有一班車可以轉到車的。
參考 : http://www.hkitalk.net/HKiTalk2/viewthread.php?tid=692597
其實MTR 在計算車程的時間﹐係有加入步行轉車所需的時間的。
例如大家可以睇下柯士甸站去九龍站﹐2個方向的乘車所需時間係有不同的﹐一個係對面月台轉車﹐一個要經大堂轉車的。
同樣道理﹐尾車時間都會加入步行轉車因素在內﹐所以上面已經有實例講出﹐在官方列明的尾車時間之後1班車﹐去到轉車站時都可轉到/接到另一條線的列車完成車程。
(即係用此方向去睇﹐樓主所列出的官方尾車時間﹐並不是真真正正的尾車時間﹐而是有走盞時間的所謂尾車時間﹐實際可能係尾2或尾3班車)
當然﹐你自己精密計算錯誤﹐利用官方列出的尾車打後的班次﹐有什麼閃失便是閣下問題。相反用官方列出的尾車﹐正常係唔會出現接駁轉車問題的(唔計步行比正常為慢﹐傷健人有特別需要等因素)。
[ 本帖最後由 kei_hk 於 2015-1-9 22:38 編輯 ] 點解唔預早D時間去搭車:lol 剛剛發現一件有趣事﹐如果根據網頁資料﹐究竟由金鐘坐去羅湖﹐尾車係幾點鐘? 又應該在那一個車站轉車?:L
PS. 底部詳細乘車路線係正確的﹐但無提及真正的尾車時間 原帖由 kei_hk 於 9-1-2015 06:31 發表 http://www.hkitalk.net/HKiTalk2/images/common/back.gif
同樣道理﹐尾車時間都會加入步行轉車因素在內﹐所以上面已經有實例講出﹐在官方列明的尾車時間之後1班車﹐去到轉車站時都可轉到/接到另一條線的列車完成車程。 又唔好講到咁肯定
地鐵綫近尾班車成10分鐘一班
差一步已經差好遠
所以遲左就睇彩數 原帖由 AlexanderOscar 於 9-1-2015 12:14 發表 http://www.hkitalk.net/HKiTalk2/images/common/back.gif
點解唔預早D時間去搭車:lol 有時候收工收夜左都冇計
果時返天恆馬會，收2345
要搭西鐵出市區就要跑
記得搭705唔好係天水圍落天耀就好走
果堆燈起馬攪你5-10分鐘先到西鐵站
返餐飲收十二點幾都好正常
換唔切衫要搭N車飛的就三四十蚊
姐係白做一個鐘:'(
[ 本帖最後由 busfunfun 於 2015-1-9 18:18 編輯 ] 原帖由 kei_hk 於 2015-1-9 22:24 發表 http://www.hkitalk.net/HKiTalk2/images/common/back.gif
剛剛發現一件有趣事﹐如果根據網頁資料﹐究竟由金鐘坐去羅湖﹐尾車係幾點鐘? 又應該在那一個車站轉車?:L
241977
PS. 底部詳細乘車路線係正確的﹐但無提及真正的尾車時間 ...
初步望
金鐘去所有前九鐵車站都有bug (不包括與前地鐵相交車站)
只會出現中環，香港，荔景等轉車站
所列出尾車時間亦係錯
建議大家改search中環做起點作參考
有人發現問題既話，應該會好快更新
[ 本帖最後由 GW5878 於 2015-1-10 02:35 編輯 ] 原帖由 busfunfun 於 2015-1-10 02:05 AM 發表 http://www.hkitalk.net/HKiTalk2/images/common/back.gif
又唔好講到咁肯定
地鐵綫近尾班車成10分鐘一班
差一步已經差好遠
所以遲左就睇彩數
官方列出的尾車時間，他們有責任去確保正確，乘客係可以跟據公佈的尾車去完成車程的，所以公佈的尾車時間(需轉車之車程)便會預鬆時間，以防有意外令乘客轉唔到車，未能完成車程。
只要乘客係依官方公佈的尾車而乘車(包括指定乘車路線)，乘客又無故意拖慢行程，便不應該出現未能完成車程的。
一旦出現行車延誤，MTR 有責任去幫乘客完成車程的。
過去亦有人講過(包括新聞)當官方公佈尾車有延誤，MTR便透過車務中心叫另一線的尾車押後開出，甚至加開加班尾車，亦有代付的士車資作為處理方法。
但前題係乘客要坐官方公佈的尾車及指定乘車行程。
如果需要轉車的車程，官方的尾車時間又唔鬆，睇怕經常性有人投訴尾車時間有問題，唔會多年來都無聽過有人出過聲投訴。
頁:
[1]
2