原帖由 Snoopy@FB8617 於 2015-1-12 18:35 發表 http://www.hkitalk.net/HKiTalk2/images/common/back.gif
第三係我諗唔少人揸車，未必係同公交服務好唔好有關
本人返工兩個老細兩個都有車，不過都一樣搭巴士返工放工
假日就做個Holiday Driver
某程度香港人生活水平高左，自然多左人揸車
但道路網完全冇改善過
真係大把老細級都搭公共交通返工，
工作上已經好多野煩，仲要煩埋搵位塞車
多左人買車，同新一代追求所謂LIFESTYLE有關，
但返工都係會搭公共交通
識人住粉嶺華明返工返九龍灣商貿區，
有車但唔會揸返工，仲要樓下有277X唔搭，日日行去搭港鐵
[ 本帖最後由 Kaix 於 2015-1-13 22:31 編輯 ]
聽唔少例子係明明要去旺角,因為無位泊車,
將座駕泊於何文田/大角咀,之後搭的士去目的地......
一間公司就算係最大果幾個,除非有本事到有專用/月租車位
否則搭的士出入,成本仍遠低於私家車.
沙田新城市係黑點,停車場無位竟然可以場外
等候且霸佔行車線,講粗俗啲,無泊位就躪啦唔該
一直就話「唔代表下一分鐘無吉位」政府亦唔想
亦唔敢以違泊/堵路去懲處. 樓上已經講罰款基本上
無效,對用得私家車班友「一萬幾千 過眼雲煙」一係
就玩到停牌甚至監禁,再唔係所有時租/先到先得嘅車位
進行預約制,不設候補機制,除商場外連郊區車位亦要實施.
因為牌費再貴,都肯定有人願意俾.
原帖由 Kaix 於 2015-1-13 22:24 發表 http://www.hkitalk.net/HKiTalk2/images/common/back.gif
真係大把老細級都搭公共交通返工，
工作上已經好多野煩，仲要煩埋搵位塞車
多左人買車，同新一代追求所謂LIFESTYLE有關，
但返工都係會搭公共交通
識人住粉嶺華明返工返九龍灣商貿區，
有車但唔會揸返工，仲要樓下有277X唔 ...
有好多人都怕繁忙時間塞車,所以會避開使用路面交通
原帖由 1314 於 2015-1-14 00:49 發表 http://www.hkitalk.net/HKiTalk2/images/common/back.gif
有好多人都怕繁忙時間塞車,所以會避開使用路面交通
講真277X華明去九龍灣有幾塞車？朝早277X仲有華明特車，保證有位坐。
如果因為怕繁忙塞車而不搭，咁101,102 呢d線係咪不應該存在？
原帖由 adv_106 於 2015-1-14 03:53 發表 http://www.hkitalk.net/HKiTalk2/images/common/back.gif
講真277X華明去九龍灣有幾塞車？朝早277X仲有華明特車，保證有位坐。
如果因為怕繁忙塞車而不搭，咁101,102 呢d線係咪不應該存在？
有好多有錢人係繁忙時間情願坐鐵路,都唔會使用路面交通,因為佢地要時間上有所保證,仲邊會咁有心機去care邊架巴士快d慢d
仲有,如果個個好似你咁諗,巴士就會比而家多唔少人坐,亦唔會有機會俾巴士公司有調整班次空間
[ 本帖最後由 1314 於 2015-1-14 13:07 編輯 ]
原帖由 kitarolo 於 2015-1-13 23:21 發表 http://www.hkitalk.net/HKiTalk2/images/common/back.gif
聽唔少例子係明明要去旺角,因為無位泊車,
將座駕泊於何文田/大角咀,之後搭的士去目的地......
一間公司就算係最大果幾個,除非有本事到有專用/月租車位
否則搭的士出入,成本仍遠低於私家車.
咁又何必渣車，連目的地都去唔到仲要比多程泊車錢、的士錢 ……
不過睇返 ＃6 回文，
原帖由 eric278 於 2015-1-12 16:26 發表
這是運輸學者早在十多年前提出的警告
保鐵政策的後果，導致公共交通選擇減少，不少原有直達路線已不能再一程車直達
當鐵路通車時，相當數目的巴士路線遭到削減服務甚至取消
居民在公交選擇減少下，有經濟能力的自然會想到改 ...
Warning 其實唔算係咩證據，根本只係一個 assumption。
因為保鐵而急升？
呢個我真係好懷疑，事實上回歸之後香港人口多左已經係一個事實，呢一點都會導致車 o既數量增加。
仲有，幾多人會好似你所講因為 Lifestyle 而買架車黎 Leisure use。而家好多後生仔都有車架，咁佢地又係唔係真係「保鐵」而買車？
我始終覺得唔好睇得「保鐵」咁重要，「保鐵」與否對於一個香港人黎講根本就即係煮到埋黎就食咁，
即係好似報紙佬成日話九記乜乜物物，乘客投訴唔滿意完未一樣係繼續坐，有得揀或者你可以坐港鐵，但對於冇得揀 o既地區，未一樣要坐返九記。
我自己認為，香港呢個地方根本係唔需要渣車，
比起其他地方黎講香港點衰都好，都已經比好多地方好。
最小 20－30 分鐘一班 o既巴士，都已經比我而家身處 o既地方有時 60 分鐘先黎一架密，
仲有，香港都仲有唔小點對點服務，我而家呢度邊有 ……
一去到夜晚？一係你就等（的士都要等，要先打電話上的士台，之後人地先派架車黎接你），一係你就唔好出街，一係你就儲錢買架車。
不過外國地方有樣好，就係泊車大部份都係 free parking，仲要係一定有位你泊到（大時大節，好似 Boxing Day 呢 d 就冇得講）。
唔似得香港咁，搵個 parking 位真係等天光咁等；等到咁，真係的士好過，最小慳返保險泊車油錢先 …… （利申：我有渣車。）
何況而家香港地，個個都想留返 d 錢買樓好過啦。睇下前幾日 d 人排居屋排到 ……
原帖由 AVD1 於 2015-1-15 11:13 發表 http://www.hkitalk.net/HKiTalk2/images/common/back.gif
咁又何必渣車，連目的地都去唔到仲要比多程泊車錢、的士錢 ……
不過睇返 ＃6 回文，
Warning 其實唔算係咩證據，根本只係一個 assumption。
因為保鐵而急升？
呢個我真係好懷疑，事實上回歸之後香港人口多左已經係一個事實， ...
利申: 曾經有車仲要日日渣車返工 (地盤 free parking)
我就覺得首相兄講到因為 "少巴士選擇, 迫人搭港鐵而導致市民選擇駕車" 呢個講法好無稽...
呢幾年港鐵客量多左好多, 呢個除左人口因素 / 多左遊客之外, 同私家車數量急升都有關係,
但講真, 首相兄猛話政府保鐵, 迫巴士公司削減服務又係咪事實?
1. 每當有新鐵路通車, 被削 / 大幅減班的十居八九都係蝕錢線, 賺錢線而又有速度 (例如 681,
98D, 你話 268B / 692 呢 D 元朗出尖沙咀 / 將軍澳過海搭鐵仲快過渣車, 冇市場 / 唔夠人爭好
正常) 既繼續客似雲來, 又幾時俾人大幅減班過? 堆蝕錢線巴士公司就算冇新鐵路通車都想放棄,
只係藉鐵路通車俾個機會佢重組, 殺左堆倒米線咁解。
2. 十幾年前經濟唔好, 好多人都怕朝不保夕, 有錢都留起佢點會養車? 呢幾年經濟好, 有唔少
人收入穩定又有物業, 買架車方便接載屋企人 / 朋友出入唔係罪過吧? 首相兄永遠唔會諗倒
人地一手抱住個 BB, 一手收埋架 BB 車上巴士的狼狽情況...
3. 由於 2 因為路面上多左車, 交通擠塞情況比十年前惡劣得多, 朝朝返工都塞到唔識郁, 有唔少
人頂唔順巴士塞車寧願死迫港鐵。就算有車人士, 部份都因為唔想塞車而放棄駕車返工改搭港鐵
(正常都唔會搭巴士, 反正都塞車我不如駕車返工)。
4. 講真香港大部份人根本就冇能力 / 覺得冇需要養車。呢度有好多未養過車 / 連車牌都冇的
板友成日都覺得養架車好易咁, 就算港鐵同九巴服務點咁差你都係要焗搭, 的士唔係人人都搭
得起的... 香港 9 成人口都係主要使用鐵路, 巴士小巴出入而唔係私家車... 巴士又成日塞車脫班,
變相港鐵係出門唯一選擇。
5. 你話巴士比鐵路舒適 (因為有位坐機會高), 呢個又係長途客先會有的 concern, 如果出入港島
九龍, 地鐵車程往往都係 20 分鐘以內, 好多人都唔介意迫一陣啦... 反而巴士受制於道路網絡
同交通擠塞, 根本無快可特 (特別係九龍同將軍澳), 冇理由為左唔想迫地鐵而要早咁多出門搭巴士
或者駕車吧?
我覺得呢度有唔少人非常鄙視別人用私家車代步, 最好全港都只准巴士在路面行走... :L
雖然我都贊成政府 / 巴士公司提高服務質素, 吸引更多人使用公共交通, 少 D 人駕車以釋放路面
資源, 等條路冇咁塞車, 令巴士可以冇咁塞車, 有效舒緩港鐵擠迫...
最後, 點解我放棄使用座駕? 因為停車場貴, 一個月用三幾千蚊來換取每日多 20 分鐘睡眠時間我
覺得唔值。何況我有住同區同事有車...
[ 本帖最後由 chan6723 於 2015-1-15 13:11 編輯 ]
以車為主.....:Q
原帖由 JCSCANIA 於 2015-1-15 16:17 發表 http://www.hkitalk.net/HKiTalk2/images/common/back.gif
以車為主.....:Q
香港現時90%以上人口係使用公共交通出入，
倫敦/新加坡60%，上海50%，東京45%，紐約35%，悉尼/墨爾本10%，洛杉機<1%，
香港如何係以車為主??
原帖由 chan6723 於 2015-1-15 13:04 發表 http://www.hkitalk.net/HKiTalk2/images/common/back.gif
利申: 曾經有車仲要日日渣車返工 (地盤 free parking)
我就覺得首相兄講到因為 "少巴士選擇, 迫人搭港鐵而導致市民選擇駕車" 呢個講法好無稽...
呢幾年港鐵客量多左好多, 呢個除左人口因素 / 多左遊客之外, 同私 ...
朋友你所講嘅部份認同, 或者唔好覺得鄙唔鄙視私家車主咁難聽,
但一架私家車, 如果只有司機一個人或車頭旁多一個乘客, 佔用路面的效率確係會比一架小巴 / 巴士為低好多
如要以市民利益會依歸, 多數服從小數, 實有要犧牲, 公交優先政策難免會一眾車主有呢個感覺
現時香港情況係:
市區及新市鎮大部份: 冇必要揸車, 十八區有十五區都有鐵路到
鄉郊地帶: 村有停車場, 如果有合理巴士服務唔揸; 冇合理巴士服務可能揸到去 park n ride
已息微鄉郊地帶 / 偏遠地區: 巴士服務唔密, 變相整架 "前七" 代步都要
有錢階級 / 以錢買時間人士: 成本俾得到唔怕揸, 只係值與唔值同時間問題, 有錢人的心態亦係其中之一
至於使用公交朋友:
講求準時: 搭龜
中至長途: 搭巴士
中至長途冇位: 考慮揸車
心態大概如是, 但誠言亦唔係人人負擔得到養車, 唔同年紀階段, 人生階段都會有唔同諗法
養得到車, 條路塞唔塞車又會影響一個人去唔去揸, 依家香港就係經歷緊呢個惡性循環
但個人必須強調, 部份私家車車主 (甚至的士) 自私嘅道路使用習慣同違規係必須糾正, 否則累街坊
而上年九月到十二月嘅情況, 亦反而到香港公交係有能力應付到人流, 只是資源傾斜問題佔多
如果多人放棄揸車的話, 都唔係做唔到路路暢通, 問題係肯與唔肯
又, 如果政府肯進一步優化同埋放手俾巴士公司開源做到幾多綫, 亦可吸引一班人放棄養車
而馬路, 星洲 LTA 喺呢方面有一觀點個人好認同: 路係唔可能係無限擴闊, 行車路面係佔用唔少珍貴土地資源
餘下, 只係官府做與唔做問題
最後, 利申一下, 個人大細車牌都有, 亦考慮過買唔買車, 以上唔係空口講白話式分享, 不喜勿插得咁應 :handshake
[ 本帖最後由 拾顓豭 於 2015-1-15 20:41 編輯 ]