AD可否不要退 伴我征討.....(加個人小感)
坦白講, 過去呢兩日先開始追剩低嘅AD, 最大目標當然係AD336。不過可惜, 幾張都失手而回, 但都知道冇得再"上訴", 亦只可以"袋成世",而過去咁耐以來, H字牌AD雖然我影過唔少, 但係就都冇咩搭過。今晚趁AD係last day, 可以成功坐到其中兩部AD(HC879/HC1507), 我都已經覺得好滿足。
唔知點解, 係我坐呢兩部AD果陣, 我腦海入面竟然浮起張敬軒首歌嘅一段歌詞(申明: 我改編左少少)
“為何在遊蕩裡 在遊玩裡 突然便要退?
時光這個壞人偏卻冷酷如許 延續耐些也不許....”
但無論點依依不捨, “AD唔可以再留喺度, 真係要走喇”呢個事實都無法改變, 只好逼於無奈地接受。
係呢度, 我想向服務左香港25年嘅AD巴士講聲"多謝", 我唔會忘記呢個"美好的時光"。
最後, 係呢度簡單分享AD服役嘅兩日期間嘅部份劣作, 希望大家唔好介意, 多謝觀賞!!
[ 本帖最後由 Cedric_JT5803 於 2015-3-26 02:19 編輯 ] 我自己都好唔捨得AD呢款車,儘管好多人覺得佢地舒適度欠佳,但我就覺得坐感好正,
加上可能自己搭中多數AD表現都好,所以自然鐘意呢堆車,
我在AD尾日就搭左HC879行43A,架龍起步特別勁,平路好爽!
PS:AD退晒之後專利載客的歐一龍就應該剩返城記十部8頭龍!
頁:
[1]