燈位上車? No Problem~ 自己友咪得law
繼之前拒載既事件, 今日反而見到呢一幕~首先見到有個新記司機過馬路後, 竟然拍車門..呢個位去柴廠既車咁多, 唔駛咁掛~~
又, 竟然開門俾佢上.
佢地兩個係咪特別熟?
睇落又唔似, 行左去後面坐~~
如果係埋d既, 同個站又近既, 我諗人情俾佢上都ok既..不過抽晒頭出來呢個位, 條路又咁闊, 換著係普通乘客, 多數都唔會俾你上啦~
再者, 曬證雖然理論上要同公司..但實際上, 除左有d人玩野者, 否則後面係站位個部都唔會唔俾你曬證上既...
其實都好小事, 不過呢邊公司接手17年, 有d習慣仲係好有舊公司色彩~~
[ 本帖最後由 hkbw 於 2015-8-13 23:14 編輯 ] 不嬲司機自己圍內都會隨意係非巴士站地方上落唔覺得有幾出奇 之前見有架新記私牌車落左杜老誌道天橋後在與港灣道交界安全島畀個車上冇穿制服的人(相信係伙記)落車 樓主呢個post我真係想講：「有幾出奇吖？」
自己人唔幫，佢遲返唔緊要，最多咪坐車嘅又話冇車呀脫班呀咁
有時呢啲隻眼開隻眼閉算啦，下下揸到正一正，有咩為呀～
我唔係話佢冇錯，班師兄互相明白打呢份工，就一就唔會面阻阻，
打份風險高人工又唔係特別多嘅工，體諒必然會有但非老馮，
如果日日劑劑咁樣梗係唔得啦～
PS樓主唔打格出圖真係明害個師兄，家陣巴士迷喺巴士佬心目中，
簡直係除公司之外嘅姦殺組(監察)，你未做過巴士佬唔會知，
公司俾監察人睇你工作已經係壓力，仲要俾巴士迷背後督一野，
收車呀脫班嗰啲嘢遲下其他人出文將會出到極平常化，
仲有唔好再諗住傾熟跟車唔俾錢呢啲嘢，搞多幾單呢啲報導或貼文，
遲早全巴士佬同巴士迷完全對立 樓主你咪害人啦，有時有啲嘢隻眼開隻眼閉咪算囉，又唔係啲咩大問題，好似見到出奇蛋咁出奇咁樣。
頁:
[1]