樓梯出口梗係少人用啦
我去中間道我都用K出口啦
話時話點解佢係樓梯出口？好似漆咸道南果個出入口都係用升降機而唔係樓梯
呢個正正係值得懷疑嘅地方，
2000年代啟用嘅地底車站，已經極少出現純樓梯出口
呢個出口嘅格局實在太似80年代嵌入其他建築物嘅地鐵站出口
至於呢個出口嘅存在價值，相信同中間道行人隧道有關
尖東站有啲出口係屬車站範圍，有啲係屬政府行人隧道
細心留意嘅話，會發現以前尖東站有啲出口係以「隧道」標示而唔係「尖東站」
K出口係屬車站範圍，會隨尖東站服務時間而關閉
前L3出口（即尖沙咀站F出口）亦會隨尖沙咀站服務時間而關閉
L4出口開放時間亦係同九龍酒店地庫嘅開放時間有關
如果無左L1出口，深宵時段成條中間道行人隧道就會變相廢武功
L3出口本來都唔係無障礙設計，L1出口無升降機亦唔會影響行人隧道運作
以上情境適用於中間道行人隧道伸延段（即L5、L6出口）未啟用之前 原帖由 hokachung 於 2015-9-5 20:27 發表 http://www.hkitalk.net/HKiTalk2/images/common/back.gif
呢個正正係值得懷疑嘅地方，
2000年代啟用嘅地底車站，已經極少出現純樓梯出口
呢個出口嘅格局實在太似80年代嵌入其他建築物嘅地鐵站出口
據我了解，當時東九龍線預留出口係無包括過國際電訊大廈。
至於點解無扶手電梯同升降機，大機會係求其收左個舖位，打通大廈牆開個隧道口出黎。
如果真係有刻意預留，無理由預留一個 120 平方米，要無扶手電梯槽。
加上果個出口通風極差，通風井又係強行起出黎，唔多似係預留出口。 原帖由 dennis28a 於 2015-9-7 00:39 發表 http://www.hkitalk.net/HKiTalk2/images/common/back.gif
據我了解，當時東九龍線預留出口係無包括過國際電訊大廈。
至於點解無扶手電梯同升降機，大機會係求其收左個舖位，打通大廈牆開個隧道口出黎。
如果真係有刻意預留，無理由預留一個 120 平方米，要無扶手電梯槽。
加上果個 ...
咦，睇黎有料爆wor:lol
睇返尖東站嘅其他行人隧道出口，除左前M2之外其餘都有裝扶手電梯／升降機，似乎唔係九鐵為慳錢而唔裝喺L1
再者，喺尖沙咀想收個鋪位真係話咁易？
點解要取難不取易，唔好似L3咁路邊起個出口就算呢？
除非個「鋪位」係一個只能用作鐵路車站出入口嘅私人物業
假設L1係預留出口，咁究竟係本身無預留扶手電梯槽定係好似西營盤A2咁預留左但係用唔著又係另一個謎
而根據版友嘅分享，的確有預留出口係無扶手電梯槽嘅
根據你嘅描述，L1出口通風極差，更令人懷疑L1係按照舊有嘅規格建造，
導致要額外嘅通風設施去配合當時嘅消防條例
頁:
1
[2]