點解咁多巴士線唔採用直接而又載得最多客既走線?
好似N73入到粉嶺咁, 其實大可以唔經牽晴間同粉嶺置福圍...條線望落去更加直接...
牽晴間既居民可以喺華明/欣盛苑行過去
而粉嶺置福圍既居民可以喺蓬瀛仙館行過去
咁樣一嚟乘客又可以節省車程, 全程行車里數少D, 唔增加車輛數目, 班次相對可以密D, 廢氣都少D啦, 又更加環保
967又係, 天恩明明可以直接去天澤, 又唔明點解要經天晴再屈返去天富, 濕地公園, 又再返天晴先去嘉湖山莊 :@ :@ :@ 完全浪費時間同唔環保
巴士公司設計路線時有無用腦? 通宵線就算吧, 你兜唔兜入去都係咁多人搭, 車程短左, 用車唔變, 佢都未必會加密俾你, 做得
深入啲博多少少客係好事嚟.
天北道路網少路口, 行一條路要做好多客, 好難唔行晒全段路, 但係一行晒就會感覺兜到好遠,
然後又返番去起點附近, 如果唔經晒咁多地方, 非繁未必夠客, 繁時就好似兜到喊.
將南線開辦時亦有相似情況出現, 當時就歸究於道路設計, 令巴士路線需要不停兜路接客,
該問題似乎已經得到解決, 巴士公司無需要再兜路, 居民亦習慣左上落巴士位置.
彩明苑的兜路情況其實可以透過巴士公司協調, 將途經彩明苑的路線取消繞入調景嶺站解決,
換取相等的車程, 調景嶺站乘客可改於健明邨巴士站上落, 跟先前RDP提出取消繞經彩明街,
彩明苑居民步行到健明邨巴士站乘車的原理相同. 其實靠多D 市民步行, 好過無必要咁兜
好似N73咁, 喺一程車入面, 同一路段要行超過一次, 簡直係浪費時間...
如果節省到呢D 時間, 唔加減車程況下, 的確可以變相令班次變密咗, 因為總里數係減少咗 通宵線上落少車程快，你拉直都唔會慳到好多時間 N車兜多少少都好正常je
咁黑既環境冇人想行咁多路,,,
270S都係咁俾人拉左入去置福圍啦 夜媽媽黑蚊蚊
有人因為條線唔入俾人打劫係咪樓主負責?:L
要飛牽晴間置福圍的話
點都係日間線做先啦 原帖由 EX-TL 於 2015-9-9 11:52 發表 http://www.hkitalk.net/HKiTalk2/images/common/back.gif
將南線開辦時亦有相似情況出現, 當時就歸究於道路設計, 令巴士路線需要不停兜路接客,
該問題似乎已經得到解決, 巴士公司無需要再兜路, 居民亦習慣左上落巴士位置.
彩明苑的兜路情況其實可以透過巴士公司協調, 將途經彩明苑的路線取消繞入調景嶺站解決,
換取相等的車程, 調景嶺站乘客可改於健明邨巴士站上落, 跟先前RDP提出取消繞經彩明街,
彩明苑居民步行到健明邨巴士站乘車的原理相同.
然後 ... 調景嶺真係經典
係調景嶺站miss左架車可以慢慢行去健明邨上 原帖由 ma212223 於 2015-9-9 13:07 發表 http://www.hkitalk.net/HKiTalk2/images/common/back.gif
夜媽媽黑蚊蚊
有人因為條線唔入俾人打劫係咪樓主負責?:L
要飛牽晴間置福圍的話
點都係日間線做先啦
如果直線兜我無咩所謂, 但格硬要兜入唔順路既地方, 巴士公司真係要諗諗
人係有腳既 講日間線，我唔明277E,277P點解要龍豐花園,上水站,上水廣場3個站全部停一次,
明明架車只係去左對面馬路,跑過去實追得返架車
呢3個站計埋停站兜左成10分鐘
架車只係去左對面街… 有時分分鐘係區議會要求，尤其是開新線／拆線果時。。。
唔兜就唔俾條線開;P
頁:
[1]