本帖最後由 EH2674 於 2015-10-21 19:19 編輯
真係好睇人，好似我老母咁，佢坐輪椅，就算唔係$2而係半價甚至正價，268C黎都要照上，一部巴士得一個輪椅位，下架埋站都唔知上唔上到車...
cong 發表於 2015-10-21 18:43
免費係時間既問題, N年前連老人優惠都冇, 之後老人半價已經係敬老既表現,然而人總係唔滿足,再加上政客推 ...
不過政府唔想太多包底就真
醫保?比保險公司賺嘛
全民退休保障?根本唔想做
一）如果市區只可上客成立，咁如果觀塘碼頭去黃大仙呢？即係只可以搭80？咁如果短途客係一個負擔，咁點解要過俾80？定抑或80都唔搭得？
二）如果短途客個個唔係$2客呢？係真係俾足價錢又點解唔可以落車？
三）就按269C為例，唔頂閘，基本市區都要站站停，實有人上架啦，亦都係行車時間入面預算之內，咁俾人落車又有個相干？
四）掉返轉諗，長線有短途客落，其實都係一個流動性，俾市區尾站嘅人有位上啫。
五）至於$2可以搭咩線或者咩交通工具，呢個其實屬於社福題目；對於長線短搭，又唔係淨係焗限於$2客，曬證甚至肯俾錢求方便嘅客都係你今次嘅討論入面。
個人認為繁忙時間實行只可上客都可以理解，但全日實行就困難較大。
其實咩線比較嚴重??我見D呀公呀婆通常都唔會係繁時出街
反而非繁就多
kei_hk 發表於 2015-10-20 13:59
只要唔好一刀切 $2 都可處理問題﹐可以用正價的 25%(或更低) 做標準﹐設定最低收費(eg. $1.50)﹐已經可以 ...
講真我個人覺得「長途短搭」本身唔係問題，
我又唔覺得「長途途搭」會拖延到幾多時間，
反而係覺得唔合理地用多咗公款去資助長者搭車，
我同意你部份建議，可以用定額折扣取代定額車資，
不過我反而覺得唔係定最低收費，
而係定最高收費(如每程車不高於$4.00)。
咁可豉勵長者搭短途車之餘，
對真正要搭長途既長者唔會造成太大負擔。
dennislokawai 發表於 2015-10-22 09:01
講真我個人覺得「長途短搭」本身唔係問題，
我又唔覺得「長途途搭」會拖延到幾多時間，
反而係覺得唔合理 ...
你自己都講了長途短搭了﹐只是唔係好多人睇得通這一點﹐政府係要補貼的﹐你同我都有份夾錢的﹐這些無謂的補助﹐用來做其他社會服務(eg. 改善醫療)﹐來得更合理。
反而令車程增長﹐我反而唔介意。
講真﹐路面情況變化多﹐淨係燈口位都可以有好大唔同﹐所以根本係要預多些少時間的。
所以﹐我一開始已經講﹐一律$2 係一個結構性問題。
甚至計劃推出之時﹐我已經講計劃方向性有問題﹐唔應該由政府全面補貼﹐而係一筆錢津貼﹐唔夠的便由交通營運商自己硬食﹐補貼多過實際使用﹐翌年減資助額。
每年補貼額都會檢討一次﹐唔夠用的可提供數據去增加補貼﹐反之亦言。
私營機構其實都應該付出社會責任的。
例如天星小輪﹐香港本地長者全面免費﹐這便是私人機構盡顯「社會責任」的例子。
至於收費水平係點﹐以正價什麼百分比計算﹐有無收費上限/下限﹐大家可以再討論。
自己見解﹐以20-25%去計算﹐已經係一個合理收費水平。
註: 不包括渡輪及傷健者乘坐交通﹐這可一律$2。(前者因為獨市生意﹐後者因為車廂有無空間提供等因素)
我每日載唔少長車短搭一兩個站。同區循環線$4 我$14
但九巴收錢肯定好開心，但有幾多人咁搭真係得公司知。
載通(00062.HK) -0.100 (-0.494%) http://www.aastocks.com/tc/resources/images/news/icon.png 沽空 $1.61萬; 比率 2.383% http://www.aastocks.com/tc/resources/images/news/icon.png 公布截至6月底止中期業績，旗下九巴轉虧為盈，錄得稅後盈利6,770萬元。去年同期則錄稅後虧損1,950萬元。虧轉盈主要因票價於去年3月中上調4.9%。
期內，九巴車費收入為31.03億元，按年增加2%。每日平均載客量263萬人次，較去年同期升1.5%，主要由於港府推出長者及殘疾人士票價優惠而令長者客量上升，以及整體載客量普遍增長所致。(ph/w)(報價延遲最少十五分鐘。沽空資料截至 2015-10-22 16:25。)
資料來源http://www.aastocks.com/tc/stocks/analysis/stock-aafn-content/00062/NOW.623183/hk-stock-news
本帖最後由 kitarolo 於 2015-10-23 09:04 編輯
其實都擺明係政府資助營辦商,因為加密班次
隨時會倒貼,因成本高於補助額,所以唔可能用
呢個方法,去平衡付全費乘客嘅不滿…
離題一講,綠色小巴大部份路線已納入
兩蚊乘車優惠,而雙向分段亦相當普遍,
但有唔少司機對合資格人士講明「唔洗
特登㩒分段粒掣啦…橫掂兩蚊…」索性攞盡
全程與兩蚊之間個差價補助。
姑勿論有無政治目的(例如拉攏受惠者
支持某黨派)政策原意的確係好,但以我搭
返放工嘅路線,起碼我從未見過兩蚊客,仍有
付全費者長線短搭(去程有更便宜和更密的選擇!!
回程只係便宜一毫子,但班次疏3~4倍,我都睇唔透)
結果該線係無塞車都長期脫班,投訴過又敷衍回應,
營辦商都承認係上落人數多,引致總站無法準時回車
根本係行車時間不足,又要維持「合理」時間表,一天
中有數個班次係例牌遲到或遲開出,反而假日就好準時。
正如樓上各位回覆,係優惠政策,還是班次不足/本港道路
行車速率越來越慢而引起不滿呢?
如果咁講,巴士公司職員/其家屬出示證件
可免費乘車,如若他們長線短搭又應否批評?